إهداء خاص إلى أعضاء المنتدى

امتثال محمد ساتي حمد كتب:


ست الحسان

فيك داير اكتب سطور كلمات رقيقة معنونة
بي
حروف اسمك نغم معزوفة في الحان غناء
لي وليك مبروك مقدم يا ساكنة فيني موطنة
ويا ريتني اقدرأسعدك يا روحي يا أجمل مني

لمن رؤاي شافت رؤاك دابو طلاني الهناء
ويا دابو ابتسمت شفاي ويا دابو فارقني الضني
راودني احساس الشعر وبيك القوافي مدوزنة
ما انت كلمات الغرام عبق القصيد معني الغناء

نفحة هواي نجمة سماي انعاش مساي انت أنا
أنا بيك موله ولي زمن عطشانة روحي ميقنا
راجيكي تسقيني الحنان أروي المشاعر واعطنا
بيك العذاب الليلة زال الليلة حل زمان هناء

نورتي يا رايقة الديار وجميتي روحي بعد عناء
يا ربي نسعد يا مناي والقاسي ربي يهونا
تعالي يا ست الحسان اليوم نتوج حبنا
وتعالي نتلم بي ولف وحياتي بيكي أأمنا

يلاكي نحكي حكاوي ريد نفرح جميع ما حولنا
وأمشاكي لي بيت الحلال نرتاح نفارق همنا
وعمتنا فرحة مع الاهل للبعاد والجمبنا
انشاءالله بالفال السمح يا غاليه بالمال والجنا

قبلك حياتي بلا امل وكل الاماني بلاك فنا
وحدك مسكت زمام هواي وانفاسي بيكي مطمنا
انتي المعاك راحة الفؤاد دنياكي ياها البدمنا
انت المعاك مسك الختام أيامي بيكي مزينة


ان قبلت علي الارشيف وسعو الجرابات

عبد الكريم ساتي حمد
لكم ولاعضاء المنتدي
أسال عن الاخ شنان أين هو أبو رهف

عبدالكريم ساتي كتب: الرحمن الرحيم

من الارشيف رساله بها رثاء للاستاز الراحل المقيم استازنا ومعلمنا الاستاز محمد صالح علي نسال الله العلي القدير ان يسكنه مع الصديقين والشهداء

سيفك يا قدر حادا دوام كتال
يا الشلت الخزين قابلنبو يا متعال
فرقت الديار يا رب في الجنه منال
ويا رب يا كريم مع الكرام وبلال

استازنا الجليل الناصح المفضال
خلف بي وراك حزن السنين الطال
يا سيف العلم ومعلم الاجيال
ابكيت للخلوق في الريف جنوب وشمال

كان جيت لي رثاك بحتاج لكل مقال
جمعت الحروف كان ارثي فيك في الحال
من وين ابدا فيك يا مضرب الامثال
ورثاك في الجروف وباين في سمانا هلال

رثاك في النخيل في اللوبي وحتي النال
ورثاك في البيوت في الساقي والحلال
رثاك في العلم رثاك في كل خيال
ورثاك في الجمل وفي كل جواب وسؤال

يا اب صدرا رحب ويا معدن الابطال
علمت الكبار وربيتنا من اطفال
اوفيت العليك وفي الحوبه كت شيال
يا رب ليك دخر في الاخرة روض وظلال

خال فاطنة كتب:دخلتك ياصدي الاشواق لقيت فيك الدرر منثورة
صباحاتنا البيض بي عبق الجروف معطورة
ياوطن العز فيك الخير والنعم مطمورة
مع انفاس العشية غردت عصفورة
لمحتك من بعيد والناس معاك مسرورة
بي سحر العيون وبي حسن النظم مبهورة
من خافيات وادي عبقر ومن حسانه وحوره
شنان طلعن في دفترك مسجورة
نفرح وننشرح وقدارنا بيك فخورة
هديتك وصلت زمان الا النفوس مجبورة
شكرا ليك جزيل مابتحسبو الفاتورة
خال فاطنة