إهداء خاص إلى أعضاء المنتدى

ــــــــــــــــــــــــــــــــــــــــــــــــــــــــــــــــــــــــ

[1] - العرضة الصقرية هي عرضة الجعليين

[2] - النفرة الضحوية : النفير
(3)- أحفاد الركابية : أحفاد غلام الله بن عايد الركابي

والله ابداع عديــــــــــــــــــــــــــــــــدل كدة لكن بقول ليك

ماها الحلة من يوم قمتو مهجورة

ما رضيانة بعدك الا مجبـورة

مشكووووووووووووور اخي صالح على مرورك يعطيك العافية
هو انت لسه شفت حاجة

اخوي شنان احيك على هذه الابيات وممكن تشارك في برنامج شاعر العرب مع روضه الحاج وغيرا من المبدعين

الشكر الجزيل لك اخي ساتي ويعطيك الف عافية
لا كمان ما تبالغ انحنا وين والشعراء ويييييييييييييييييين
هي مجرد محاولة ليس إلا ...

بورك فيك اخي ورفيق دربي عادل حسن .. لقد أديت ووفيت
ونسال الله لي ولكم التوفيق
والف شكر

مــــــــن طرف
عـــبد الكريــــم ســـــــــــاتي
بتــــــــــــرقبـــــــــــــــــــــــــــــــــــــــــــك

بترقبك في كل صباح لمن يطل طيف نسمتك
وبتأملك نسمتة ربيع وريحة دعاش بتنفسك
وبتوسلك تعطف علي بي طلة منك وبسمــــــــــتك
واتفقدك انا والقمر برضو النـــــــــــــــجوم تتفقدك

بنشد ايامك والحنين لو مره جابــــــــــــــك وقربك
شان تعرف الحاصل علي وكيف حـال قليبا يعشقك
أه يا جميل اتكويت بي نار فراقــــــــــك ووحشتك
لامتين تعود ترجع تحن لـــــي زول هواك وقدسك

مشتاقلك اليوم والامس و يوم بكره برضو اشتقتلك
يا مناي ارحم كفاي خليني ارافق سكتك
كان استريح من الانين والقي الحنان بي رفقتك
افرح معاك طول العمر وتسعد قليبي واسعدك

يا غالي لو قاصد البعاد وناوي الرحيل بي ذكرتك
ولو قليبك خان هواي اعرف قليبي ممجدك
لأنك ملكتو بلا شريك انت الوحيد استلطفك
اوعك تظن اترك هواك او يوم ابارح دنيتك

مهما تباعد لي خطاك صدق خطاي بتوصلك
ومهما تبالغ في الصدود وحاولت تنسي القدرك
تلقاني صاين للعهد مهما تجور بتفقدك
وشايلك معاي فرحة عمر وبقراك كتاب واتصفحك

لو انت شايف يا جميل انا ما بسوا شئ في نظرتك
علمني من دنياك افوت واحمل لهيب نار فرقتك
يمكن ايقن نفسي افوت انساك وانسي محبتك
مع اني عارف لي قلب ما بيقتنع ويودعك

هلا صالح
ابيات جميلة وحلوة لكن ما موضح انتج خاص ام منقول
وفي كلمات ما فهمتها
( بالسقو والبرام )
لك التحية وخالص التحايا عبركم للاخ / عبد الكريم ساتي
الشاعر المخضرم

من طرف يحـي مهــــــــــــــــــــــدي
افتش لـــــــــــــــيك
أفتش في عيون الناس
افتش ليك في الزحمة
واقيف انا في الطريق محتار

افتش في حروف اسمك
اقول يمكن يكون رسمك
انا الهماني بس امرك
وامري تركتو للاقدار

اسأل عنك الجايين
وأوصي انا عنك الماشيين
انا الحارقني نار البين
بس اوع يطول المشوار

افتش في قليبا لي
افتش في الجبال والصي
يا محبوبة ناري انا حي
وليلي انا ما بعقبو نهار

افتش برضو عندي عشم
اقول باكر يجوز نتلم
اضاري افراحي من الهم
وخايف لفتة الانظار

افتش ليك يا سيدي
ويا اشراق صباح عيدي
لو كان الامور في ايدي
ريدي انا كت بنيتلو اسوار

اقشقش في دميعاتي
واكتب في غنيواتي
اصور فيها مأساتي
اصوره في كلام واشعار

يامحبوبة حالي انا كيف
لالا لاتعذب قليبي ضعيف
لابيحمل شتاء ولا صيفلا
ولا بيقدر علي الاسفار

يامحبوبة حالي انا حال
خلاص ادمنت للترحال
شقيش ملتي قلبي انا مال
معاكي هو فارق القدار

الشكر الجزيل لك اخي صالح .. لاتاحتك الفرصة عبر منبرك لاطلالة الاخوة الشعراء المبدعين / عبد الكريم ساتي والاخ / يحى مهدي . لقد اتحفتمونا بروائعكم الجميلة والدرر والمنسابة كالماء الزلال من ارض القدار الخضراء ونرجو منكم المذيد .

وأقول لكم قصيدة في الفخر بعنوان " وطن العز "

لكم التحية اخوتى الاعزاء وجد الواحد بعجز عن التعبير امام كلماتكم الماخدة من النيل والنخيل والمعبرة عن دواخلنا
ودمتم زخرا للمنطقة والوطن
اخوكم فائز

ألف شكر اخي فايز على مرورك ويعطيك العافية
لك التحية والتقدير

شكراً جزيلاً الأخ شنان على قصائدك الرائعة ونتمنى ان تعطينا قصيدة لاوكاموا والمزكرة التى ارسلها لتوقيف الرئيس البشير مع خالص تحياتنا وشكراً مراً آخرى

الشكر الجزيل لك ايها الشبل الصاعد محمد علي سكوري ولك تحية خاصة . " غالي وطلبك رخيص " لقد نزلت القصيدة في المنتدى العام تحت مذكرة التوقيف ، علها تنال اعجابكم وهي بكلمات بسيطة جدا لانها جاءت في عجالة .

[quote="شنان عبد الرحمن"]،،، أنفاس العشية ،،،

يالله غــــّردي يا قماري وبلّغي الفرح الحـــــزين

وقولي لي أغلي الحبايب أني مقــــــتول مــرتين

مرة بي بعــد المســـــافة ومرة بالشوق والحنين


==
اتعلم مازلت اغضب كلما رأيت الشمس تغيب بين أحضانك وتولد مرة اخرى من اعماقك ,,
تعلمت منك كيف تكون القوة وكيف يكون العطاء بلاحدود , ولأنك ملك الجود مازلت تمنح عشاقك بلا حدود .
اوا تدري زارني الطيف مرة يحدثني عنك ,,, فقال كيف للبحر أن يجيد هذا القدر من نكران الذات وحب الغير !!!
هل سأجود مثلك بما أملك وما لا أمتلك ؟؟؟ وماذا تنتظر مني أن أقول فيها .... أنا أهذي .....

العم شنان

لك التحية أخي عادل وألف شكر على كلماتك الرائعة بل هي في الحقيقة أروع من رائعة .
والشكر ايضاً لصاحب التعبير الجميل محمد على سكوري يسلوا عيناك أخي محمد وحقيقة لقد اخجلتم تواضعى بهذه الكلمات البسيطة والتى قد يعتبرها الشعراء مجرد خربشات ( شخبط شخابيط ومسك الاقلام وكتب عالحيط ) . لكم الشكر مرة أخري والى اللقاء مع عمل جديد ان شاء الله

اين انت ايها الاستاذ فايز ؟
لم نسمع تعليقك على قصيدة ( أنفاس العشية ) ألم تعجبك ؟ نحن محتاجون اخي للنقد لكي نصحح ولكن تمر مرور الكرام هذا ما لا نرضاه
نحن في انتظار التعليق
لك الود ،،،

احيك ايها الشاعر المبدع

لابد لى ان اشيد بشاعرنا (شنان) وهو يكتب الشعر ويتناوله فى كل ضروبه
بداية بصدى الاشواق واخيرا بانفاس العشية 0
وقد لاحظت فى انفاس العشية ان ابياتها انقسمت الى عدة عبارات صغيرة
يكمن جمالها فى توازنها الموسيقى ، وانسيابها بسهولة وتتابع وقد ساهم تكــــــرار
بعض الفاظها فى المعانى البديعية للقصيدة0
والتزام الشاعر بالقافية ادى الى الترابط اللفظى والمعنوى بين السطورالشعرية فى
كثير من الاحيان حيث جعل السطر الشعرى يتواصل مع سابقه بتكرار بعض الفاظه 0
ويلاحظ فى هذه القصيدة خاصة السطر الثانى والثالث قد اعطيا نقما موسقيا هادئا
متشابها فى الوزن والصوت الذى زاد من جمال القصيدة0
ولابد لنا ان ننقد الشاعر فى عنوان القصيدة (انفاس العشية) كيف تكون انفاس عشية وانت تطلب من القمارى والعصافير والطير والبلابل ان تغرد
ومعروف ان كل الطيور مع العشية ترجع الى اوكارها وتخلد للراحة ولسان
حالها يقول يايوم بكرة ماتسرع0
ولك الشكر ومزيدا من العطاء،،،،،،،،،،،،،،،،،،،،،،،،0

شكرا شنان على هذا الجمال وياريت لو تنشر كل العندك

اخي القصيدة جد رائعة والكلمات منتقاة والجرس الموسيقي موزووون والحس العميق معبا ومدفون والحروف خرجت بعفوية لذا اعطت الصدق في المعني والروعة في التعبير ولسع الكلام كتيييير ولكن انا عندي باكر امتحان ...لذا ساقول للحديث بقية

الشكر كل الشكر للاخ / حسن موسى على مروره وعلى ابداء ملاحظاته على القصيدة .
وكل الملاحظات سوف تكون محل اهتمام .
وكما نشكر الاخ ساتي محجوب على المرور ونقول له قريبا الجديد ان شاء الله .
ونخص بالشكر الاستاذ / فايز محمد على على مروره وعلى التعليق . ونقول له شد حيلك في المزاكرة والامتحانات ونتمنى لك التوفيق بإذن الله .
مودتي بلا حدود ،،،

ما اجمل لمحاتك اخوي شنان وعشمنا في المزيد

الشكر كل الشكر للاخوة الاعزاء
محمد علي سكوري . ساتي ابراهيم . صالح محمد خالد
اصحاب الذوق الرفيع والحس المرهف
واشكركم على المرور والتعليق
ويعطيكم الف عافية
ولكم كل الود والاحترام
ودمتم ،،،

الاخ شنان افتقدنا هذا الممبر طويلا . نرجو المتابعة و مواصلة الابداع
دنيا من الاماني عشتها في ظلالك
وابداعات اغاني من ايحاء خيالك
يالعاجبني حالك قولي نسيتني مالك
اوعي تخت ببالك انو قليبي خانك.
سلطان زمانك : عبدالله محمد خير

ياشاعر المنتدى لك التحية
ونتمنى مواصله الابداع
لك ودى

ليـــــــــل الغلابــــــة
ود ابنعوف.
تصبيرة علي امل اللقاء مع شاعر المنتدي

شيلنـى .. يـا ليـل الغـلابـة .. ولِمـنـى
لفنى .. أبلعنى فـي جوفـك هنـاك وضمنـى
.. ضمنـي الـيـل الغـلابـة ..وضمـنـى
أنـا بسألـك بالفيـك مسـك قلبـو وشـهـق
بالبيبـكـى ودار تشـقـه العـبـرة طـــق
بالكتـم ســر حـبـو لا بــاح لا نـطـق
قول لى مخلوق حظى منك ولا من حظى اتخلق
إنتـظـر حدثـنـي لا تـعـجـل تـفــوت
يبقـى مـا تلقـانـى بـكـرة وراك أمــوت
ودا إن حصـل ألبـس ســوادك وحـدّنـى
مالـك استغربـت يـا ليـل فــي الـكـلام
مـاك عـارف الدنيـا فـي عينـي ضــلام
والقليـب عميـان يفـتـش فــي الـزحـام
لـى قلوبـاً طيبـة مـا عـرفـت خـصـام
وفـى زمنـا الطيبـة راحـت ومـا اتلـقـت
وفـوق دريبـا جريـت والكرعيـن حـفـت
والبقول يمسح دمـوع عينـى يذيدهـا يتمنـى
ان بقيـت ودرت اسمـي تعـال لـي جـاي..
ما انا الزول المسطر فوق جدار صمتك غنـاي
ماانا الروح المعذبة في منامي وفـي صحـاي
ماانا الفي الواطا قاعد وشايفه فوق نجمك مناي
ليـك حـق لـو ماعرفتـنـي مـيـن انــا
انـا ماالوليـد الشفتـو قـبـال كــم سـنـة
وهسةجيت لقيتو فـوق عصـا الريـد متحنـي
ماغريـب الحـب يقـرض الـزول قــرض
انا ياني واحـدا فـي حطامـه علـي الارض
بس الغريب انـه الظـروف تفـرض فـرض
الا اعيـش فـي دنيـا لاطــول لاعــرض
والقـدر يلعـبـي بـيـن يمـنـه وشـمـال
وابقي زي عصفور كسيـح فـي ايـد عيـال
كيـف يطيـر ؟! وجناحـو مكسـور منتنـي
ليلـي اسـرع بـي تعـال شــد الـرحـال
لـي عوالـم بيـن نجومـك مـن .. خـيـال
يبقي اصـادف بختـي بيـن طرقاتهـا ضـال
أجيبه أرجـع أجـي ألقـي ظلـم الدنيـا زال
.. يـلا قٌبّـال تطفـي شمعـاتـي الـريـاح
وقبلمـا يـنـزل عـلـي الدنـيـا الصـبـاح
وقبلـمـا تـنـزل مصيـبـة .. تخـمـنـي

جيت اليوم عشان اهدي ليكم قصيدة كتبتها قبل ايام قصتها لاحد الزملاء بعنوان:

سنيـــــــــــن خالــــــــــــــدة

أشيلك في خبـــــايا القلب عشان يا روحي بيك مفتون
موطنة في دواخلي سنين غرامك عندي دنيا وكــــون
نابعة عزوبة رقة وذـوق رايعة بدية تملي عيــــــون
هالة حسنــــــك الوهاج تنور دربي وين ما اكــــون
مقامك حافظو في عيني بكل حواسي ليهو اصــــون
حرام توصفني بالهجران وعارفة قليبي وافي حنــون
محال اهجر نعيم ريدك اعيش في نار وشوق وجنون
دوام عارفاني مفتون بيك وبي ريدك بقيت ممــــــــكون
صدحتي الليلة بي افكار سحاب من شك وبرقه ظنون
بنيتي الشك غرف واسوار حكمتي باني ممكن اخــــــون
فرفقا بي قلب يهواك زدتي علي العليهو شجـــــون
دمي وهبتو ليك والروح عشان عشرتنا يوم ماتهــون
بنينا سنين اساسه متين هي زاد مشوارنا والمخزون
دايما خالده في جواي وريدك عندي در مكنـــــــون
يهاتي قليبي بيك ولهان وما زي قيس بقيت مجنـــون
مع خالص تحياتي

تحياتى للاخ والصديق وشاعر القدار على هذا الشعر الذى يفيض حنانا وذكريات حتى ادمعت عيوننا وانت تطوف بنا فى شوارع القدار شرق وغرب ولكم اسمعتنا اصوات الطيور وهى عائدة الى اوكارها والبهم تمرح عفوا شنان انا داخل حصة

ياللا يا شنان
طلع الباقي
حتى لو كان ما في فكه
ادينا من السالم
من جيب العراقي التحت الجلابية
صالح

تحياتى ياغالى
عودا حميدا
خلينى ارسم لى مصيرى هل اكون او لا اكون
انا اقولك كون

هلا بالاخوة الافاضل
فتحي عتيق وحسن بشاشة وصالح خالد وحسن موسى
لكم التحية والف شكر لقد م الكريم وتعليقاتكم الظريفة
وربنا يقدرنا نرضي اصحاب الذوق الرفيع والاحساس المرهف
لكم كل الود ،،،

السلام عليكم
واللة ياشنان انا ماقيل عندكم الكلام دا كلو
القصائد كل واحدة اجمل من اختا
بالزات ( سحر العيون ) و (لمحتك)
ويا ريييت تجب لينا شعر الاستاذ عصمت عبد الرحيم ،،،
والتحية لكل شعراء المنتدى
عادل حسن
صالح جلال
عبد الكريم ساتى
يحي مهدى
واخين مدسييين
انا باقترح يا شنان تعملو مسابقة فى المنتدى بين الشعراء على اجمل القصائد
ويصوتو عليها كل الاعضاء رايكم شنو ؟؟؟؟؟

لك التحية الاخ صالح ابو قمصان
والف شكر على المرور والتعليق
واقتراحك محل تقدير واحترام وسوف يخضع للمناقشة
لك كل الود والتقدير ،،،

إليك أخى الغالى شنان
الشعر من نفس الرحمن مقتبسا" و الشاعر الفذ بين الناس رحمن
رميه جميلة و صنف نفسك إلى أى مدرسة ينتمى لها شعرك, خاصة أن الأبيات كلها مقفى و يحمل الكثير من الشوق و العرض للمعلومات متسلسل بصورة جيدة و الاجمل فى الموضوع ينم على معرفة لآنسان الأرض و تصورك له
و الله الموفق

عبدالكريم ساتي
اهداء لاعضاء المنتدي عبر منبر الاخ شنان هذه القصيدة بعنوان

ما بترقبك

كل الاماني تودعك انا يا حبيب ما بعذرك
وفر عليك الاعتذار وفر غرورك وخدعتك
بعدت خطاي انا من خطاك ومليت خلاص من سكتك
ومجروح قليبي الاصطفاك وغلطان قليبا يعشقك
##########################
جيت لي عشمان السماح وحيات هواك ما بعزرك
وكل الحصل منك زمان كان بي ارادتك ورغبتك
ما بدري اديتني الامان وانا غصت جوة محبتك
الليلي اخترت البعاد جرت وحجبت محنتك
###########################
كيف تاني يا ناكر هواي يرجع قليبي يقدسك
حباك بي اخلاص شديد ما خان عهودك وبدلك
خليتو في عز الهجير هلكان يقاوم صدمتك
لكنو ما بصبح ذليل ولي ريدو ما بتوسلك
##########################
صدقني يا املي اللي راح لا زلت بالخير بمدحك
كان مناي افرح معاك ومعاي تكمل فرحتك
القاك ويتحقق رجاي تسعد قليبي واسعدك
لكن غدرت قسيت علي وانا كيف اسامح غلطتك
#########################
انا كنت حاسس ياخدوع انك محدد وجهتك
تضحك معاي وتبتسم وفي ضهري قاصت طعنتك
قالو الغرام لاول حبيب أول حبيب هو البصدقك
عندي ليه انا يتعكس يصبح جزاك لي لوعتك
#########################
اخر كلامي من القليب من فكري بمسح زكرتك
وتاني ما بسأل عليك لا يوم بكون مترقبك
وزي ما نسيت معزتي انا برضي بنسي معزتك
وصدقني ماك اخر مطاف باكر بطيب من لدغتك

ولدي بعض الملاحظات في قصيدة انفاس العشية

قلبهُ ينبض بالمشــــاعر وإحساسهُ بالود والحـنان.
علها تكون
قلبه ينبض بالمشاعر وحسو مليان بالحنان

ياالله غردي يا العصافير وانشدي اعزب الالحان
علها تكون
يا عصافير يلا غردي واتشدي اعزب الالحان

مع ودي وخالص تحياتي
عبد الكريم ساتي

ساتى محجوب يس كتب:ابوب ياشنان دخلت في الغريق وغرقتنا معاك لكن مافى مانع انو نغرق ذياده
ابداع حقيقى وكلام بخش جوووووه
وقفت شويه بعد قريت القصيده وقلت دي كيف دي
مزيد من التألق ولك ودى

نحييك أخي ساتي وانت تنداح مع تلك الابيات
دائماً نجد منكم التشجيع كما عودتمونا
وربنا يسترنا معاك لا قدام أخاف تغرق وتاني ما تطلع
لك كل الود ،،،