يمة دمعة علي كفاية

اولا من على البعد استميحكم عذرا وابعث بالتحية للوالدة العزيزة التي اشتقت اليهاكثيرا
نص القصيدة:_
اعفي عني بسورضاك
امي ياسعدي وهنايا
بروي عن ريدك ياامي
وانت في ذاتك رواية
ريدي ليك اناشايلو
جوه في جوف الحنايا بحكي عن حبك ياامي
وانتي في ذاتك حكاية
حبي ليك انامن زمان
من زمن صغري وحبايا
يمة بتذكر طفولتي
لماابكي تقولي جاية
يمة كان خوفك علي
لما نجري نحوم حفايا
نجري جنت جدولنا نلعب
ومنو ننهل في السقاية
يمة بتذكر خضارنا
ونحمد اللة علي العطايا
يمة بتذكر مراحنا
وديمة مليان بالسعاية
يمة بتذكر بلدنا
وفي بلدنا الطيبة سارية
الحسان الفيهاحواري
بشوف وجوهن زي مرايا
والنخيل واقف ممدد
تمرويشبع لي حشايا
وقطعة من دمور بلدنا
تبقى ملبس لي كسايا
عندي مطلب يمة منك
لوحصل جات المنايا
وابقى افدن في بدلنا
وتبقي حققتي منايا
لا بدور لي ضريحا
ولابنية مع بناتا
ياهو حال الدنيا يمة
وليك بكتر للواصايا
دمعة واحدة علي كفاية
ماتنوحي تقولي يمة جنايا
بدون شعورك يمة تبقى
جبت لي ولدك جناية
من زمان عارفك حنينة
مابتدوري لي اذيا
ياهوحال الدنيا يمة
ماتبالغي في عزايا

تشرفت بمرورك استاذ عثمان والتحية لكل الامهات