من ارشيف الشاعر ابراهيم ساتي نصر

مذيد الآمي بذكرى الريد ياسلمى فراقنا ماباالايد
شوقي ليكا والله شديد يافاتن ياصباح في العيد
وين وين رحت منى بعيد نار الفرقه زايده وعيد
رحلتا وراح وراك قصيد فات عمر الغرام والريد
***
منك انشد سؤالى يذيد على دريبك ادج مابيفيد
طلت غيبتك منى شديد شلت معاك عقيلى زهيد
حليل ايامي حنان الريد تعبتا معاك ظماني البيد
صبي العين جفاها غميد راجي حنان يدور مسيد
***
حنين تاورني عدى يكيد بس الا قليبك معاهو عنيد
خيالك طاف ورامي بعيد نيران ظنونى مابي تحيد
ضهبني شال معاهو الريد على الامال تركني وحيد
خيالك دايم معاهو شهيد مشاعل نارى فيني تميد
ادور اطفيها دايرا خميد تعج نيراني وزايدا وقيد


كلمات: ابراهيم ساتي نصر