منتديات القدار
نرحب بك في منتديـــــــــــات القدارالغرة القدار المغرة
@@@@@@@@@@@@@@@@


تعـــالو مـحـــل مـا الـمـحـنـة أيــــادي تقــطـر ســــــلام
سـمـاحـــة الـحـيـاة فــــوق أهـلـنا القدار يقــرقـر وئــام
تـدخـلــــوا وتقعـــــــــــدو في ســــــــــــــــــــــلام
بـســاط أحـمـدي كــم يـشـيلـنـا قـدارنا تـمــــام التمـــام
نتشــرف بتسجـيـــلك في منتــدي القــدار

خطوة دقاقة

استعرض الموضوع السابق استعرض الموضوع التالي اذهب الى الأسفل

خطوة دقاقة

مُساهمة من طرف نون الصادق ابو في الإثنين 27 أبريل - 17:46

خطوة دقاقة
خليفة عثمان خليفة
كتب هذة القصيدة وهو في الجامعة عندما تعترت احدى زميلاته وكادت تسقط وعتبها الاخرون (بطلي الشلاقة
مشية رشيقة خطوة دقاقة ابدا ما ووقعتي شلاقة
عينيك باب نعاسة متاقة السما والارض عشاقا
رايداك الارض والوقعة تعبير ليك عن اشواقا
خوفي عليكي بكرة تطيري لما سماك تكون مشتاقة
عتبت من وجع تتهادى في رقة ودلال متناهية
عاتبنا الارض لمناها وريناها انها خاتية
حذرناها ما ترميها فتشي عن وسائل تانية
تمتمت الارض محزونة قالت لي غلبني هوايا
زاد الشوووووووووق وقلب قلبي في القلاية
شوق ايه يا ارض يومي عليكي ماشة وجاية
واربعة فوق تلاتين مرة تسجد فوق وشيك صلاية
فندت الرض اقوالي بي نفس الوزن والقافية
اه انا من صلاتا علي واه من غيرة المصلاية
كيف يلمس ترابي جبينا اوزهر الخدود النادية
وفيها رشاقة ما خلتني اشعر بيها ماشة وجاية
تلبس لي الكعاب العالي ما حصل انغرس في حشايا
سرعة قبل تختو قديما ترفعو لي الخطيوة الجاية
ارجوك تمشي مكتوب ريدة لي ست الحسان الآية
قول ليها الارض رايداك بي البي ما اظنها دارية
وحني علي وحققي لي مناي ورجايا
تسلمي من زمان الغش تلاقي وفايا
قلب الريدة عندي مداهو كم قيس اندفن جوايا
حبة ريد وزي ماك دايرة حبي سوايا
باقي الموية والبارد خسارة تخلي في الكباية
كلما والارض تكفيها تكشح فيها فضلة شايا
ضحكت عليها قالت ليا دا الانسان وظلمو معايا
من يادوبا شافعة صغيرة حذرا بي اوامر ناهية
ابعدي من التراب يا شافعة واوعي عليها تلعبي لاهية
ناسي الناسي اني انا ام عطوفة وحانية
و الانسان ولد ادم وادم في النهاية جنايا
صبرت الارض واسيتا صدقتك كلامك صاح
اتعكر سماي ناداني قال ما صاح
البت بتي كانت نجمة تهدي الراح
تواسي العاشق المجروح تسامر لي البنومو صباح
قريبة من الارض ضواية دايما لي البشر ترتاح
وكت بقت الارض غابات والانسان صبح سفاح
نزلت نجمتي الضوايا تملأ الدنيا ريد وسماح
واقسمت الارض ترعاها حتى تصوم عن الكتاح
وتتوحم عليها المنقة والاناناسة والتفاح
وتهدي انفاسا لي الياسمين شذى الفواح
ولم اشتاق اقالدا بي المطر وانداح
واريح بالي زييييييييييييييين وارتاح
ما حوا اتفاق بيناتنا قصة ريدة ولا صفاح
واضطرب الارض واتزمجر وصاح
ودنقرت الارض خجلانة تستسمح سماها سماح
قالت ليهو العهود مرعية واعتبر السمعتو مزاح
الريد مرتيط بالروح ولي السما تصعد الارواح
ام نون

نون الصادق ابو



عدد الرسائل : 39
تاريخ التسجيل : 10/12/2008

الرجوع الى أعلى الصفحة اذهب الى الأسفل

رد: خطوة دقاقة

مُساهمة من طرف عادل حسن حمد في الإثنين 6 يوليو - 6:46

المبدعة والمتحفة نــون
زيدنا من دلك شويه وكتر ......

إختيار موفق ، القصيدة جميلة ما في كلام
لكن زي ما بقولوا سمح الكـلام من خشم سيدوا
إستمعت للقصيدة نفسها من الشاعر ذاته ،، فكان أداءه يضفي إلقاً علي كلماته .. تشكرات نووووووووووون

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى