منتديات القدار
نرحب بك في منتديـــــــــــات القدارالغرة القدار المغرة
@@@@@@@@@@@@@@@@


تعـــالو مـحـــل مـا الـمـحـنـة أيــــادي تقــطـر ســــــلام
سـمـاحـــة الـحـيـاة فــــوق أهـلـنا القدار يقــرقـر وئــام
تـدخـلــــوا وتقعـــــــــــدو في ســــــــــــــــــــــلام
بـســاط أحـمـدي كــم يـشـيلـنـا قـدارنا تـمــــام التمـــام
نتشــرف بتسجـيـــلك في منتــدي القــدار

قصيدة بعنوان القدار كتبت عام 1982

استعرض الموضوع السابق استعرض الموضوع التالي اذهب الى الأسفل

قصيدة بعنوان القدار كتبت عام 1982

مُساهمة من طرف فايز محمد على صالح في الجمعة 20 مارس - 9:01

جاتني رسالة رسالة يا احباب اقلب فيها جد ملهوف واعاين فيها ذي مكفوف لقيت مكتوب علي المظروف باحلي حروف تصل للسيد الارباب وياني السيد الارباب فتحت قريتة يا اصحاب حروف معسولة مرة حقيقة ومرة سراب .. وكان مضمون الرسالة كتاب بقول ياشاب معاي معزوم في (ايفرى اسكاب)! وكان توقيع الرسالة رباب! اتنهدت رحت بعيد اكرر في الرسالة واعيد في لحظة حزين ولحظة سعيد .... اتشككت بين امرين خطا و صواب وبس لاكين قبلت الدعوة قلت حباب .... حباب برباب.وعرقا ليا كب وداب رميت العمة والطاقية و القرقاب .. وسبت الشال والعراقي والجلباب فشان الموضة ختت في قلوبنا ضباب وشان تفكيرنا روح وغاب لبست قيافة اخر صيحة في التفصيل قميص شفاف وضيق فوق ضلوعي يكيل وفوقي الريحة فايحة شديد تقول يا ليل وعلبة بينسو فوق الجيب وجوز منديل وشعري نفشتو بالتخليل دهنتو بريل !وقلت تفو عليهو الليلة كيف قنديل....... وفي الموعد وفي الميعاد لقيتة رباب جمال تاجوج نضار و شباب اخر صيحة في الماكياج واخر موضة اغلي تياب وقلت سلام تقولي هلا وحباب وحباب وهاك ياكلام وخد ياحوار وهاك يا عتاب كلاما دافي ودة وجاب اخيرا بس تقولي رباب اهلك وين وبلدك وين من اى تراب !!!وكان ردى من القدار! هي قالت لي باستغراب من القدار !! وين وريني هي القدار في اي مدار ...؟سرحت بعيد وطيفا زار وعشت الطيف وطفت ديار وتهت في طيبة القدار وكان شفتيها دي القدار خدارة خدار وماك عارفاها ام الدنيا ست الدار اماكي قريتي في التاريخ ولاكي سمعتي في الاخبار كنيسة دنقلا الاثار و انا القدال من القدار وما وغدار و اه يا بنية جوفي الليلة ولع نار واهلي حنان يكرمو الضيف يداخلو الجار و اهلي كمان بلودن ليها شنة ورنة ليها وقار وفي القدار عندي جقوب وجربطران وعندي مسيد وناس سلطان وابقمصان وعندي الخلوة والحيران والقرعان اماك عرفاها دي القدار دي نيلة يفيض ويحكى تراثة بي اشعار ارضنا المترة والساقية وبرضو كمان جبل قدار وفي ارضي النخيل باسقات سهول خلابة بالنوار وهوي بلدى نقي وصافي وخالي غبار وناس بلدي قليبم حار يحمو بعض يشايلو بعض وياخدو التاروناس بلدي كبير وصغير وقار في وقار وشباب بلدي لعبو كعود وحرينا ولعبو الطاب والترتار وي القدار وانا القدال من القدار وما غدار وديكي رباب تدق كتفي وتقولي اظن سرحت بعيد مشيت مشوار ؟ مشيت مشوار! مشيت اميال جرفني حنين وشوق تيار لاهلي و اصلي في القدار لناس عاقلين يبترو الضار وناس فراس يموتو عشان حقوق الجار وناس امنين وكت ما تنزل الاقدار معاكي سلامة يا بنية وربي يفتح الابصار والف سلامة يا بني وربي ينورالافكار يحلي عقولنا بالايمان نقاوم كل تقليد ضار نقاوم الموضة يا اخوان نحرب المظهر الودار... مع تحياتي من كلماتي عام1982 فايز

فايز محمد على صالح



ذكر عدد الرسائل : 65
الموقع (المدينة) : الولاية الشمالية دنقلا
العمل/الترفيه : وزارة المالية= الادارة العامة للحسابات
تاريخ التسجيل : 16/02/2009

القدار
القدار: 2

الرجوع الى أعلى الصفحة اذهب الى الأسفل

رد: قصيدة بعنوان القدار كتبت عام 1982

مُساهمة من طرف محمد علي سكوري في الجمعة 20 مارس - 9:42

الى العم فائز محمد علي صالح


محمد علي سكوري



ذكر عدد الرسائل : 262
الموقع (المدينة) : المملكة العربية السعودية -الرياض
العمل/الترفيه : طالب
تاريخ التسجيل : 19/11/2008

القدار
القدار:

http://fox2010.mam9.com

الرجوع الى أعلى الصفحة اذهب الى الأسفل

رد: قصيدة بعنوان القدار كتبت عام 1982

مُساهمة من طرف فايز محمد على صالح في الأحد 22 مارس - 4:46

قصيدة بعنوان القدار كتبت عام 1982




من فايز محمد علىصالح إلى محمد علي سكوري, اليوم في 11:30 pmكتر
خيرك ابني محمد علي سكوري علي تعليقك علي كلماتي المتواضعة لكن اين التسعة
وعشرين الباقين الذين قراوا القصيدة حتي هذة اللحظة ياخوانا عووووووووك
قولو حاجة اين انت يا شنان وياالبقية اتوقع
تعليقاتكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


فايز محمد على صالح



ذكر عدد الرسائل : 65
الموقع (المدينة) : الولاية الشمالية دنقلا
العمل/الترفيه : وزارة المالية= الادارة العامة للحسابات
تاريخ التسجيل : 16/02/2009

القدار
القدار: 2

الرجوع الى أعلى الصفحة اذهب الى الأسفل

رد: قصيدة بعنوان القدار كتبت عام 1982

مُساهمة من طرف شنان عبد الرحمن في الأحد 22 مارس - 19:39

هلا بالخال فايز . معزرة أمس كنت على عجل واليوم دخلت عشان اعلق إذا بالمفاجأة ألاقي عتابك
الحقيقة قصيدة رائعة جدا جدا ونحي فيك هذا الابداع الذي ليس بغريب عليك . القصيدة تمتاز بخصوبة الخيال وأسلوب سلس وعذب وتمتاز أيضاً بوحدة الموضوع . وطالما أنها في 1982 أكيد هنالك الكثير ونطمع فيد المزيد ان امكن ذلك . التحية لك ايها المبدع والى الامام .

شنان عبد الرحمن



ذكر عدد الرسائل : 626
الموقع (المدينة) : السعودية / الريلض
تاريخ التسجيل : 02/02/2009

الرجوع الى أعلى الصفحة اذهب الى الأسفل

رد: قصيدة بعنوان القدار كتبت عام 1982

مُساهمة من طرف عادل حسن حمد في الأحد 22 مارس - 21:31

الأخ // فائز

حينما نترك الباب موارياً لأفراحنا وتصبح الفرحة هي المنظر الأبهي لعيوننا المتعبة وفي آخر اللسان طعم حلووووووو فقط هنا نحس بالسعادة .. وأنت متجرد فقط (وتوأم للرقم مليييييييييييييييييييييون ) ...

لم أستطيع التمييز بين ملامح القدار وملامح رباب (الحبيبة) يتداخلان فيتوتر النظر ولا أستطعت حتى التميير بين لونيهما ولا أكاد أتبين الفواصل ..، غير .. أنني أظنها واحدة ، فكلاهما عذب وجميل وكلاهما تخيم عليه الجراح أن كانت أشواق الحب والوصل ونزيف الفرحة بالإنتماء

أقول لك بملء فمي أنت شاعر لم ترتب للعطس ، وظهر صادقة ولذيذة ..

((الشعر مثل بادرة العطاس )) يقول الكتيابي .. فإن رتبّنا لتلك العطسة خرجت مصنوعة .. وفقدنا ذلك الإحساس بالتلذذ ونحن نعطس ...

أنت مرهف لطالما أستلمت هذه الرسالة لعلها كانت الأولي وفقط عشمنا في الثانية ووصف طريقة إستلامها ،، للحقيقة لقد طرحت أعجوبه من الكلمات الرقيقه والمعبرة كنت تخفيها طيلة تلك الفترة .. اخي لقد توقفت متأملا هذه القصيدة الاكثر من رائع ،، سلمت يمناك وها انا اقف حائرا.. لكي اعطيك حقك من الشكر ..ردها ظننته يحتاج لساعتين .. وأصبحت يومين ولم أجد الرد والتعليق ولكن تيقنت أنها ممكن .. ولكن في شهرين .. ولكن هذا التعليق المتواضع الذي أجتهد فيه أيما إجتهاد .. ولكن ...

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: قصيدة بعنوان القدار كتبت عام 1982

مُساهمة من طرف ساتي السيد في الأحد 22 مارس - 22:23

سلااااااااااامات لك التحية وانت دوما هكذا ... فأنت عجينة تحمل طعماً شهيا تتشكل كما تريد وكما نهوي ... صغيراً لهواك قناة طيور الجنه وكبيراً لكونك القدار ...!!!الكن ما بقوليك ، البنية ما خلعتها ! ..قلت لي قالت ليك القدار دي وين ؟؟؟

بالغت لكن ..

ساتي السيد



ذكر عدد الرسائل : 124
الموقع (المدينة) : الخرطوم
العمل/الترفيه : مهندس
تاريخ التسجيل : 02/03/2009

القدار
القدار: 2

الرجوع الى أعلى الصفحة اذهب الى الأسفل

رد: قصيدة بعنوان القدار كتبت عام 1982

مُساهمة من طرف فايز محمد على صالح في الإثنين 23 مارس - 6:40

الاعزاء شنان وعادل وساتي اخجلتم تواضعي واحسستموني كما لوكنت بشار بن برد مشكورين وسيكون هذا دافعا لاظهار .المستخبي حتي وان كان عاطفيا ؟؟؟؟ ولكم الشكر الزول ا بو تغريد

فايز محمد على صالح



ذكر عدد الرسائل : 65
الموقع (المدينة) : الولاية الشمالية دنقلا
العمل/الترفيه : وزارة المالية= الادارة العامة للحسابات
تاريخ التسجيل : 16/02/2009

القدار
القدار: 2

الرجوع الى أعلى الصفحة اذهب الى الأسفل

رد: قصيدة بعنوان القدار كتبت عام 1982

مُساهمة من طرف شنان عبد الرحمن في الثلاثاء 24 مارس - 14:42

هلا وغلا صبحكم الله بالخير
وين مختفين ؟ نحن في انتظار المستخبي وانتظارنا طال
ولانستطيع اكثر من ذلك
ارمي قدام ورى مؤمن
( بالمناسبة عندي قصيدة بعنوان صدى الاشواق ما أدري شفتها أم لا في اهداء خاص لاعضاء المنتدى )

شنان عبد الرحمن



ذكر عدد الرسائل : 626
الموقع (المدينة) : السعودية / الريلض
تاريخ التسجيل : 02/02/2009

الرجوع الى أعلى الصفحة اذهب الى الأسفل

قصيدة حلمنتيش 1980 مسروريييييييييييين!!!!!

مُساهمة من طرف فايز محمد على صالح في الخميس 26 مارس - 3:50

يوم للريدة للمريود زيارة مشيت = اتهندبت واتهذبت لماانا جيت قصاد البيت = جنب الباب سرحت كتير مشيت وجيت = تلات ضربات دي طق طق علي البوابة ديك طقيت = قبل ما تمضي كم لحظات سمعت صويت = هو جاي رزين وبي تنظيم وبس كحيت = واتنحنحت واتلحلحت زولي يكون هو بس ياريت = فتحت الباب وياها الحلوة في عينيها كم بصيت = بعد بسمات بعد كلمات تقولي (عيونة) لية غايب و وين طولت لية ماجيت = دخلت بقول في كيف الحال والاحوال كيف يا السمحة كيف عاملين عساك طيبين = تقولي السمحة مسرورين = وكيف انتي وبرضو تقولي مسرورين = وكيف ناس ماما ناس بابا تقولي السمحة دي المسرورة مسرورين = وديكي السمحة شبكت لي مسرورين في مسرورين في مسرورين.=.. سكت كتير بفكر لي في موضوعين = اقول واحد واخش في التاني بالطولين وبالعرضين =بعد تفكير في ثانية ونص تقول ساعتينر=في راسي كلام اغير بيهو جو مسرور ومسرورين وكيف عاملين = وقمت دخلت في واحد من الاتنين = كيف يا اميرة حصص الدين =وحصص العربي والتنوين وناس بالضمة مرفوعين وناس بالكسرة مجرورين= كمان دي الحلوة شبكت ليا في الناجحين وفي الساقظين وما خلت لاستاذ مين لاستاذ مين =وبرضي تعبت في التفهيم عشان تنطق بكلمة حنينة مشتاقين =وننسي سي محي واستاذ زين = وننسي الفيزيا والامبير وفرق الجهد والببسين..=ولما احترت من روتين كلاما كلو عندي سوال واشرح لي وما فاهمين =حديثا كلو في التدريس ومامفهوم وبس لمتين ملكني عذاب هلكني انين= ولما حرقت قلت اخير اشيل اشواقي واروح البيت = وكت صامت اظن سهيت=قالت لي وين يازولي وين طشيت=يا نور العين اسمحي لي عن اذنك افوت البيت = قالت لي مشتاقين متين بس جيت= وبس صممت واتقدمت اتقدلت بي قدامة جيت مريت بمشتاقين دى ما اهتميت= وقالت تاني مشتاقين= ولم سمعت بي تكرار وبي تحنان دى مشتاقين بصوت لين عميق وحنين =اتنهدت عايز اسمع كلاما تحنان كلاما زين Smile Very Happy كلاما ذي مقفي رزين = ولما قعدت نتحدث ونتوتس وننسي انين= قالت لي تصدقني مع الجغرافيا واقعين طين ولللترتشا مافاهمين= وقت انا اة يا حليوة تاني رجعنا لسيرت السين وسيرت الجيم= وسيرت العربي والجغرافيا منصوبين = ما نحن وراكي مجرورين ومكسورين وفيك بالشدة مشدودين = معاكي سلامة يا حليوة يا مسرورين في مسرورين في مسرورين في مسرورين.. .

فايز محمد على صالح



ذكر عدد الرسائل : 65
الموقع (المدينة) : الولاية الشمالية دنقلا
العمل/الترفيه : وزارة المالية= الادارة العامة للحسابات
تاريخ التسجيل : 16/02/2009

القدار
القدار: 2

الرجوع الى أعلى الصفحة اذهب الى الأسفل

رد: قصيدة بعنوان القدار كتبت عام 1982

مُساهمة من طرف فايز محمد على صالح في الخميس 26 مارس - 4:17

ابني شنان قرات قصيدتك المفعمة بالمعاني الاصيلة فينا والمشبعة بالحروف والكلمات الرصينة بس تحتاج بعض الوزن لبعض البيوت لديكة الملكة والاحساس الفطري ببعض الكتابات سوف تكتمل الصورة الموجودة في الخيال الثر مزيدا من الانتاج

فايز محمد على صالح



ذكر عدد الرسائل : 65
الموقع (المدينة) : الولاية الشمالية دنقلا
العمل/الترفيه : وزارة المالية= الادارة العامة للحسابات
تاريخ التسجيل : 16/02/2009

القدار
القدار: 2

الرجوع الى أعلى الصفحة اذهب الى الأسفل

رد: قصيدة بعنوان القدار كتبت عام 1982

مُساهمة من طرف حسن موسى في الخميس 26 مارس - 4:21

الاخ/ الشاعر فايز
احيك من على البعد وانت تطل علينا بين الفينة والاخرى بالجد يد من قوالب شعرك المتميز 0
واقول لك مسرورييييييييييين تسر القارى0
وانشاء الله بداية الديوان0

حسن موسى



ذكر عدد الرسائل : 405
الموقع (المدينة) : السعودية
تاريخ التسجيل : 12/02/2009

القدار
القدار: 2

الرجوع الى أعلى الصفحة اذهب الى الأسفل

رد: قصيدة بعنوان القدار كتبت عام 1982

مُساهمة من طرف محمد علي سكوري في الخميس 26 مارس - 8:49

الى العم فائز محمد علي والله القصيدة الحلمنتيشية جميلة وبلا شك رائعة وشكراً لك وننتظر إبداعاتك القادمة

محمد علي سكوري



ذكر عدد الرسائل : 262
الموقع (المدينة) : المملكة العربية السعودية -الرياض
العمل/الترفيه : طالب
تاريخ التسجيل : 19/11/2008

القدار
القدار:

http://fox2010.mam9.com

الرجوع الى أعلى الصفحة اذهب الى الأسفل

رد: قصيدة بعنوان القدار كتبت عام 1982

مُساهمة من طرف شنان عبد الرحمن في الخميس 26 مارس - 13:51

صح لسانك .. التحية لك الاستاذ فايز وانت تحرك فينا كوامن الشجن وتذكرنا بايام الدراسة والشباب . ( بالله عليك تخبي حاجات زي كده ). نحييك ونحي فيك روح الابداع . قصيد اكثر من رائعة وألف شكر
ودمتم ،،،

شنان عبد الرحمن



ذكر عدد الرسائل : 626
الموقع (المدينة) : السعودية / الريلض
تاريخ التسجيل : 02/02/2009

الرجوع الى أعلى الصفحة اذهب الى الأسفل

رد: قصيدة بعنوان القدار كتبت عام 1982

مُساهمة من طرف عادل حسن حمد في السبت 28 مارس - 6:13

لا زلت تحمل قلبا مليئا بالحب أخى الحبيب الزول أبو تغريد ولا زال الدهن في العتاقي ... لا تحرمنا من روائعك ..
لك و دّي و تقديري ...

هل يحمل القرطاس ثقل حروفها ....ان كنت اكتبها بحبر دمائي
هي للحبيب ومااظن كلامها .....الا غناء جوارحي وبكائي

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: قصيدة بعنوان القدار كتبت عام 1982

مُساهمة من طرف احمد عبد الحليم في السبت 28 مارس - 14:50

لك كل التحية والتقدير اخي الفائز علي مشاركاتك القيمة

نطمع في المزيد من الابداع

مع تحياتي

احمد عبد الحليم



عدد الرسائل : 409
تاريخ التسجيل : 19/11/2008

الرجوع الى أعلى الصفحة اذهب الى الأسفل

بصراحه رائعه

مُساهمة من طرف الواثق ابنعوف سيد في الإثنين 6 أبريل - 21:03

قصيده ماشاء الله وننتظر المذيد اخي فايز

الواثق ابنعوف سيد



ذكر عدد الرسائل : 59
الموقع (المدينة) : السودان / الخرطوم
العمل/الترفيه : طالب
تاريخ التسجيل : 08/03/2009

القدار
القدار: 1

الرجوع الى أعلى الصفحة اذهب الى الأسفل

رد: قصيدة بعنوان القدار كتبت عام 1982

مُساهمة من طرف مناهل في الخميس 16 أبريل - 15:31

الرائع فايز القصيده إبداع ونتمنى منك المزيد المزيد

مناهل



انثى عدد الرسائل : 50
الموقع (المدينة) : امدرمان
العمل/الترفيه : موظفة
تاريخ التسجيل : 12/04/2009

القدار
القدار: 2

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى