في رثاء اختي الغالية
+3
ياسر محمد علي
شنان عبد الرحمن
محمد عبدالله ابوزيد؟
7 مشترك
صفحة 1 من اصل 1
في رثاء اختي الغالية
عايدة حليلة جيت اكتب رثاها براي
حليل اماتي ديك النمهن جراي
هي ركازة التقيل ست الفهم والراي
وهطالا يكب وكت المحل رواي
الدمع العليك دمع الحسار مو الزيف
دمعن من حزن مو من ريا وتكليف
وكت الليل يهود والثواني تقيف
يصب قبليهو يوشل زي تكنو خريف
عايدة انا اختي يا عايشة فراقة فجعني
عايدة انا اختي يا منى للعمر توجعني
عايدة فراقة يا اشراقة كيف لوعني
كيف فات الحنان يا ميمونة ما ودعني
حليلةعايدةشباعة اليتامى وتوبا
حليلة عايدة شيالة التقيل في الحوبة
حليلةعايدةللحنية يا زينوبة
حليل دمعات فرحنا وكت تطل يادوبة
عايدة دي لينا منية ولم شمل نرجاهو
عايدة دي لينا دنيا وطيفة نتناجاهو
يوم نلقاها بينا الكون بنملك جاهو
حليلو غنانا فيها حليل زمان وحجاهو
البت التعز وسط الخلوق اخوانا
والبت التقيل فوق الرجال ميزانا
والبت البتكرم للبزوروا بكانا
تبقى شرف قبايل وعفتة وتيجانا
امك عايشة قعر الجبل وراسا
ام حنكاً فصيح ست المكارم وساسا
رباية اليتامى ولبسة وكراسا
ام خيرن يعم ما بنفرز كوم ناسا
محظوظ اني اخوك اختي ام طبايعا سمحة
والمحظوظ يشوفك مرة لو كان لمحة
يا الما ليك وزين في الدنيا غير القمحة
قولي انا فيك صحيح ما كنت بكتب وبمحى
امي حبوبة يا نبع المحنة الجاري
بت اهل القبائل ام مدادا ساري
اخت اماتنا ياالمشهودة حسن الطاري
يا الحضن الحنين اللينا يسقي يضاري
الجات في عايدة تهز جبالنا العالي
والجات في عايدة كبيرة فوق فوق مكيالي
ياها الجوهرة ودهب المسيك الغالي
يا ام عبدالله لينا حليل كلامة الحالي
حليلك لي بناتك يا ام خصالن تامة
لي وكت الشدايد ولي الامور الهامة
ولي شرف المجالس ولي كفاية اللامة
يا ام خيرن يدفق للقراب و العامة
قولي انا مو كلام ساكت بشكر فيك
والشافك عيان من قولي ها لينفيك
وكان للحول كلام في اصبع قدم حافيك
اقصر في الحقيقة وقولي ماب يكفيك
ماك ست القوايل والطعن والكيّ
وماك ست الدسايس والفتن والطيّ
لسانك مو بكم من ساعتو يقطع حيّ
حاشاهو الكضب حاشا الكلام النيّ
سويتي العليك اكان جبر في الساعة
حملتي التقيل الماب تشيلو جماعة
للمعوجة طرشة وللسمح سماعة
ياالقضيتي عمرك في السمع والطاعة
يرحمك الله ياغالية
حليل اماتي ديك النمهن جراي
هي ركازة التقيل ست الفهم والراي
وهطالا يكب وكت المحل رواي
الدمع العليك دمع الحسار مو الزيف
دمعن من حزن مو من ريا وتكليف
وكت الليل يهود والثواني تقيف
يصب قبليهو يوشل زي تكنو خريف
عايدة انا اختي يا عايشة فراقة فجعني
عايدة انا اختي يا منى للعمر توجعني
عايدة فراقة يا اشراقة كيف لوعني
كيف فات الحنان يا ميمونة ما ودعني
حليلةعايدةشباعة اليتامى وتوبا
حليلة عايدة شيالة التقيل في الحوبة
حليلةعايدةللحنية يا زينوبة
حليل دمعات فرحنا وكت تطل يادوبة
عايدة دي لينا منية ولم شمل نرجاهو
عايدة دي لينا دنيا وطيفة نتناجاهو
يوم نلقاها بينا الكون بنملك جاهو
حليلو غنانا فيها حليل زمان وحجاهو
البت التعز وسط الخلوق اخوانا
والبت التقيل فوق الرجال ميزانا
والبت البتكرم للبزوروا بكانا
تبقى شرف قبايل وعفتة وتيجانا
امك عايشة قعر الجبل وراسا
ام حنكاً فصيح ست المكارم وساسا
رباية اليتامى ولبسة وكراسا
ام خيرن يعم ما بنفرز كوم ناسا
محظوظ اني اخوك اختي ام طبايعا سمحة
والمحظوظ يشوفك مرة لو كان لمحة
يا الما ليك وزين في الدنيا غير القمحة
قولي انا فيك صحيح ما كنت بكتب وبمحى
امي حبوبة يا نبع المحنة الجاري
بت اهل القبائل ام مدادا ساري
اخت اماتنا ياالمشهودة حسن الطاري
يا الحضن الحنين اللينا يسقي يضاري
الجات في عايدة تهز جبالنا العالي
والجات في عايدة كبيرة فوق فوق مكيالي
ياها الجوهرة ودهب المسيك الغالي
يا ام عبدالله لينا حليل كلامة الحالي
حليلك لي بناتك يا ام خصالن تامة
لي وكت الشدايد ولي الامور الهامة
ولي شرف المجالس ولي كفاية اللامة
يا ام خيرن يدفق للقراب و العامة
قولي انا مو كلام ساكت بشكر فيك
والشافك عيان من قولي ها لينفيك
وكان للحول كلام في اصبع قدم حافيك
اقصر في الحقيقة وقولي ماب يكفيك
ماك ست القوايل والطعن والكيّ
وماك ست الدسايس والفتن والطيّ
لسانك مو بكم من ساعتو يقطع حيّ
حاشاهو الكضب حاشا الكلام النيّ
سويتي العليك اكان جبر في الساعة
حملتي التقيل الماب تشيلو جماعة
للمعوجة طرشة وللسمح سماعة
ياالقضيتي عمرك في السمع والطاعة
يرحمك الله ياغالية
محمد عبدالله ابوزيد؟- عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009
رد: في رثاء اختي الغالية
الاخ / محمد ابوزيد ..
متعك الله بالصحة والعافية ..
أسأل الله العلي القدير أن يتقبل الفقيدة قبولاً حسن وأن يجعلها مع الصديقين والشهداء وحسن أولائك رفيقا .
وأن يلهمكم الصبر والسلوان . هذه حال الدنيا أخي محمد والموت حق صحيح الفقد جلل ولكن عليك بالصبر أخي حتى يعظم الله أجرك . وأسأل الله العلي القدير أن يجمعك بها في جنات النعيم بإذن الله .
لقد أدمعت عيوننا وزرفت قلوبنا أخي محمد عبد الله ما كان يجدر بك أن تكتب مثل هذا ...
شنان عبد الرحمن- عدد الرسائل : 626
الموقع (المدينة) : السعودية / الريلض
تاريخ التسجيل : 02/02/2009
رد: في رثاء اختي الغالية
رحمها الله رحمه واسعه واسكنها فسيح جناته مع الصديقين والشهداء وحسن اؤلائك رفيقا
كلمات حزينه وتفطر القلب و مؤثره جدا اخي محمد الله يرزقكم الصبر الجميل
كلمات حزينه وتفطر القلب و مؤثره جدا اخي محمد الله يرزقكم الصبر الجميل
ياسر محمد علي- عدد الرسائل : 891
الموقع (المدينة) : القدار
العمل/الترفيه : اعمال حره
تاريخ التسجيل : 14/12/2008
القدار
القدار: 2
رد: في رثاء اختي الغالية
ربنا يتقبلها ... ويتغمدها برحمته
ساتي ابراهيم- عدد الرسائل : 246
الموقع (المدينة) : السودان - الخرطوم
العمل/الترفيه : مهندس معماري _محاسب
تاريخ التسجيل : 09/02/2009
رد: في رثاء اختي الغالية
شعر جميل ... عاطفة صادقة ومعبرة ...
رحمها الله وغفر لها ،،،
رحمها الله وغفر لها ،،،
أحمد محمود- عدد الرسائل : 189
الموقع (المدينة) : المملكة العربية السعودية - جدة
العمل/الترفيه : مشرف تربوي
تاريخ التسجيل : 26/04/2009
رد: في رثاء اختي الغالية
رحم الله اختنا ونسأل الله لها الرحمة ونسأل الله ان يرحم اموات القدار جميعا وان يلزمك يا محمد الصبر وحسن العزاء وإنا لله وإنا اليه راجعون
فتحى عثمان عتيق- عدد الرسائل : 261
الموقع (المدينة) : قطر
تاريخ التسجيل : 05/01/2009
رد: في رثاء اختي الغالية
لقد رفعت يدي الى السماء ودعيت لها أن الله يغفر ذنوبها
ويرحها في قبرها إن شاء الله
وعظم الله أجرك والله يصبرك على بلواك
وأشكرك أخي محمد على هذه الرائعة
ويرحها في قبرها إن شاء الله
وعظم الله أجرك والله يصبرك على بلواك
وأشكرك أخي محمد على هذه الرائعة
عادل حسن حمد- عدد الرسائل : 359
الموقع (المدينة) : المملكة العربية السعودية - جدة
تاريخ التسجيل : 30/10/2008
القدار
القدار: GHADAR
مواضيع مماثلة
» رثاء المغفور له // عوض محمد ساتي
» قصيدة رثاء في المشير الزبيربإسم سيدالشهداء
» لكل امهات القدار(امي الغالية)
» قصيدة رثاء في المشير الزبيربإسم سيدالشهداء
» لكل امهات القدار(امي الغالية)
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى