ساتي محجوب (الهباش) في كرسي الإعتراف ينتظركم

[=http://www.kingvip.com/uptr//uploads/images/kingvip-0976f1bdde.gif] ساتي محجوب (الهباش) في كرسي الإعتراف ينتظركم Kingvip-0976f1bdde

صبآحكمَ / مسآءكمَ .. أنُشودةَ نقاءً ..

ألبسَنَا هذاَ المكَانَ غيابَ منذً ما يقاربَ الإكثر من أسبوع ..

فـِأنتظرنَا كثيراً تجديدَ العناقَ معَ شخصيةَ أخرىَ ..

لـِ نغوصَ بـِ داخلهَا ونستخرجَ ما يُضجَ بهَا

للأحرفَ لهيبَ تٌحرقَ بهـَ الصفحاتَ عندمَا تكونَ

تعريفاً لـِ (...............................)

والعباراتَ تلتحفَ رداءَ الحياءَ .. والأبجدياتَ تتبعثرَ فيَ سيرتـه ....
هو
7
7
7
7
7
7
7
7
7
7
7
7
7
7
7
7
7
7
7
7
7
7
7
7
ضيفنا لهذا الأسبوع
7
7
7
7
7
7
7
7
7
7
7
7
7
7
7
7
علي الكرسي الوثيـــير
7
7
7
7
7
7
7
7
7
7
7
7
7
الـ
7
7
7
7
7
(قلت فيهو شنو يا صالح خالد)
7
7
7
7
7
7
الهباش ولا شنو
7
7
7
7
7
7
7
7
مرحبا مرحبا بالأخ // ساتي محجوب

بسم الله
اها امانه ماوقع راجل زايغ لى زمن
الله يستر ويجيب العواقب سليمه

لا تخاف اهل القدار طيبين واسئلتهم حنينة ما فيها مشاكل وواقعية عن شخصيتك التي نريد ان نعرف عنها اعانك الله ووفقك على الرد وان شاء الله سليمة

السلام عليكم ورحمة الله
ماتلاوز بس شوية موية من الخور حنكبو ليك فوق الاسئلة .!!

وأول سؤال :
من هو ساتي محجوب في ثلاث كلمات ؟
طموحاتك كمهندس في بداية حياتك العملية ؟
مجال المقاولات مجال صعب ومرهق لكن ....؟
ثلاثة زهرات لثلاثة أشخاص لهم بصمات في حياتك ؟ وثلاثة أخري لثلاثة أسماء بالمنتدي ؟
آمالك وطموحاتك للقدار كمنطقة ولمنتديات القدار بصفة خاصة ؟

لك التحية

الاخ ساتي محجوب ..
لك التحية .. ساتي الذي اشتهر بالهباش بمنتيات القدار والذي وضع بصماته في كل ركن من اركان المنتدى . ساتي العضو المرح النشيط خفيف الظل .
مرحبا بك واضح انك خايف لكن كما قال الاخ ساتي السيد ما تلاوز .
وسؤالي لك هو ؟
1 - سبق لك وان طرحت موضوع للنقاش ولم نرى رأيك الشخصي فيه
ماهي الكلمة الأعمق بحبك أم بريدك ؟
2 - بكل صراحة ما هو العضو المميز في هذا المنتدى ؟
3- واضح اهتمامك وميولك للشعر الشايقي . هل من الستمعين فقط أم تجيد الغناء الشايقي ؟
ولك كل الود ،،،

الصادق ابو حسن كتب:لا تخاف اهل القدار طيبين واسئلتهم حنينة ما فيها مشاكل وواقعية عن شخصيتك التي نريد ان نعرف عنها اعانك الله ووفقك على الرد وان شاء الله سليمة

سلام وشكرا اخى الصادق
الطيبه والحنيه متأصله بالقدار نسأل الله التوفيق والسداد وربنا يعين الجميع
لك ودى

ساتي السيد كتب:السلام عليكم ورحمة الله
ماتلاوز بس شوية موية من الخور حنكبو ليك فوق الاسئلة .!!

وأول سؤال :
من هو ساتي محجوب في ثلاث كلمات ؟
طموحاتك كمهندس في بداية حياتك العملية ؟
مجال المقاولات مجال صعب ومرهق لكن ....؟
ثلاثة زهرات لثلاثة أشخاص لهم بصمات في حياتك ؟ وثلاثة أخري لثلاثة أسماء بالمنتدي ؟
آمالك وطموحاتك للقدار كمنطقة ولمنتديات القدار بصفة خاصة ؟

لك التحية

ياساتى دورك جاي
ساتى محجوب في ثلاثه كلمات هو العبد الفقير الي الله الضعيف الطامع في رحمته
الطموحات والآمال كبيره دائما وخاصه في البدايات (الخبره العمليه في المجال كان هو الهم الأكبر ومن ثم اثبات الذات ثم المال عصب المسأله ثم الأستقرار وكفي)
مجال المقاولات مجال صعب ومرهق ولكن ممتع ومنفتح وقابل للأبداع ويمكن لكل انسان ان يختار طريقته به ويمكنك ايضا ان تميز نفسك وتضع بصمتك فيه يمكنك ان تشاهد انجازك امامك وفوق كل ذلك مربح .
ياأخى كثر هم من علمونا ووضعو بصماتهم فى حياتنا لا نستطيع ان نجزيهم حقهم لهم الشكر كله. الوالده اطال الله عمرها ومتعها بالصحه والعافيه واخى سمير ارباب والشهيد صالح يس .
زهرات المنتدى اخوانى الصغار محمد على سكوري الصغير الكبير بفكره ومحمد علي الحاج ونون الصادق
كما سبق الأمال كبيره وعريضه جل املى وكله بأن تكون القدار محط انظار الجميع واهتمامهم وللمنتدى ان يفعل الجميع اسمائهم ويشاركونا بآرائهم لتعم الفائده ثم يتطور المنتدى الى موقع بالشبكه العنكبوتيه
لك ودى

والله وقعت
نسوي ليك الهبركا
بالمناسبة دي سؤالي لك
ماهي الهبركا؟
صالح

شنان عبد الرحمن كتب:الاخ ساتي محجوب ..
لك التحية .. ساتي الذي اشتهر بالهباش بمنتيات القدار والذي وضع بصماته في كل ركن من اركان المنتدى . ساتي العضو المرح النشيط خفيف الظل .
مرحبا بك واضح انك خايف لكن كما قال الاخ ساتي السيد ما تلاوز .
وسؤالي لك هو ؟
1 - سبق لك وان طرحت موضوع للنقاش ولم نرى رأيك الشخصي فيه
ماهي الكلمة الأعمق بحبك أم بريدك ؟
2 - بكل صراحة ما هو العضو المميز في هذا المنتدى ؟
3- واضح اهتمامك وميولك للشعر الشايقي . هل من الستمعين فقط أم تجيد الغناء الشايقي ؟
ولك كل الود ،،،

اخى شاعر المنتدى لك التحيه والتجله
اذا كنت قد وضعت بصماتى بكل اركان المنتدى فأنتم من صنعتم هذه الأركان (ركن ركن\ وكمان الركن الهادى بالمنتدى الثقافى وبالمناسبه امشى هناك لانو شايفك طولت من الناس ديل
.وكمان بالجد خايف بس هسى خلاص
1\نعم لقد طرحت الموضوع ولم اجد تجاوبا من الأعضاء قلت يمكن الموضوع ماعجبكم وسكت. الكلمه الأعمق الريده احس بأنها حقيقه أكثر من بحبك لأنها أصبحت كلمه مستهلكه بغير موضعها. لكن ياشنان انت ماوريتنى رايك شنو
2\كل الأعضاء متميزون والأكثر تميزا برأى ساتى السيد
الشعر الشايقي متخم بالكلمات البسيطه الجميله الواقعيه التى تمس الروح ودائما اجيد الأستماع ولا أستطيع الكلام \خليك من الغناء\
ولكم ودى

صالح محمد خالد كتب:والله وقعت
نسوي ليك الهبركا
بالمناسبة دي سؤالي لك
ماهي الهبركا؟
صالح

شكلك ناوى لي نيه سوده
الهبركا
عاد دى شغله دى هسى دا سؤال شنو د1

ساتي محجوب (الهباش) في كرسي الإعتراف ينتظركم W6w_20050608070853a5f68435

اوعى تكسر رجلك ياصالح دى حفره كبيره

يا ساتي أنت لسع ما وقعت في الهبركا

تعال شوف الهبركا حقتي حتكون أخفي قبل لا يجيك صالح

موقف أحرجك :

شخص صادفته فى حياتك وسيظل باقي : .......

موقف عجزت فيه عن المساعده : .......

أمور ضايقتك ولا تستطيع أن تعدل فيها شئ : .......

ماهي أجمل لحظه عشتها فى حياتك : .......

لمن تهدي هذه الكلمات ؟

** إستمر في عطائك .....

** أشكرك جزيل الشكر .......

** قلم مميز و رائع ......

** راجع نفسك قليلا .......

يا هباش بتحب المقالب .. و لا تضايقك

و أذكر لينا مقلب فصلوه فيك (قميص عامر) .. ؟؟

أرجو أن تكمل هذه التساؤلات :

* عندما لا تكون الظروف في جانبي ............................

* المستقبل يبدو لي ............................

* عندما كنت طفل ............................

* أعتقد أن لدي القدرة على ............................

* أكون في غاية السعادة إذا ............................

* أنا لا أحب الناس الذين ............................

* والدي العزيز ............................

* والدتي الغالية ............................

* أخواتي ............................

* إخواني ............................

* أسوء قرار إتخذته في حياتي ............................

* أكبر نقطة ضعف عندي ............................

* أنا في حاجة إلى ............................

اختار 5 اعضاء ووجه لكل واحد سؤال ..؟
1/
2/
3/
4/
5/

إذا أديناك (......) لمن ستهديها ( من اعضاء المنتدى)

1 - سيارة موديل 2008

2 - باقة ورد لونها أحمر

2 - دعوة للعشاء لعضوين

- لقب الصديق /ة ...................... لقب العدو

- فتيل ريحة بنت السودان :

- ساعة خربانة :

- مـن أول شـخـص تـلـجـأ لـه لـو تـعـرضـت لـمـشـكـلـة ويـعـتـبـر بـئـر أسـرارك ؟

- من تتمنى أن يخلفك فى هذا المكاااااااااااان ؟

أول ما تدخل المنتدى أول (3) أعضاء تبحث عن مشاركاتهم (بصراااحه)

ما هي أكثر المواقع التي تتصفحها ؟

باقي ما خلصنا

بنرجع نسال

ساتي محجوب (الهباش) في كرسي الإعتراف ينتظركم 507156

ساتي محجوب (الهباش) في كرسي الإعتراف ينتظركم 507156

مساااااااااااء الجوري

(الهباش) تاني ما تهبش وأن شاء الله صالح كمان يكون مجهز ليك هبركا بعد ما تكسر رجلك في دي تكسر التانية فيها

آسف للإطالة والإطناب .... مودتي بلا حدووووووووووووووووووود

عادل حرام عليك ، ده امتحان شهادة عديل ... أنا كان عندي أسئلة أجلتها ، لأنه (الهباش) محتاج أسبوع علشان يجاوب على أسئلتك دي ... بعدين دي مش ( هبركا ) ، دي ( فرنيبة ) - اتحداك إنت وصالح وساتي لو تعرفوا ( الفرنيبة)!!!

ابو احميد الهبركة تغتس تحت
والفرنيب يعلق فوق
وكان عادل سوي الفرنيب
انا بجهز في الهبركة
صالح

ساتي أنت لسع ما وقعت في الهبركا

تعال شوف الهبركا حقتي حتكون أخفي قبل لا يجيك صالح
عادل امانه عليك انت هسى نصيح
الهبركا حقت صالح فوق وحقتك الا وقعه من موتر سزوكى

موقف أحرجك :

شخص صادفته فى حياتك وسيظل باقي : .......

موقف عجزت فيه عن المساعده : .......

أمور ضايقتك ولا تستطيع أن تعدل فيها شئ : .......

ماهي أجمل لحظه عشتها فى حياتك : .......

ياسيدى لا شئ أتفه من الأحراج أذكر بأنى كنت راكب المواصلات ويازول الحافله قربت لى القنطره وانا من الحاج يوسف للخرطوم وسرحت مشيت بعيد خلاص وأصلا
كنت مشاكل لى زول قمت وبصوت عالى قلت (والله ما أخليك اصبر لى ) كل ناس الحافله سمعونى والله جنس حرجه
\ كثر من صادفناهم وقليل من اسمترت صداقتى به وكلى أمل ان تستمر علاقتى بهم مدى الحياة
\لا أذكر غير عجزى عن المساعده بالمال فى بناء مسجد جربطران الجديد
\عادتى ان أساير اموري ولكل مقام مقال (العجله والحكم المسبق على الشئ )
الجمال كلمه كبيره جدا ويختلف التقيم من شخص لشخص آخر تخللت حياتى لحظات جميله وحلوه وأجملها لحظه التخرج وحج الوالد وشفاء شخص عزيز وغالى)

لمن تهدي هذه الكلمات ؟

** إستمر في عطائك .....

** أشكرك جزيل الشكر .......

** قلم مميز و رائع ......

** راجع نفسك قليلا .......

يا هباش بتحب المقالب .. و لا تضايقك

و أذكر لينا مقلب فصلوه فيك (قميص عامر) .. ؟؟

لكل مجتهد كادح كافح يحب الخير للناس لا يرجو ثمن عمله أقول استمر فى عطائك

كل من ساهم فى إنشاء هذا المنتدى او فكر فى طريقه للم الشمل وجمع الناس وسعى للتواصل اقول شكرا

لكل من كتب من داخل قلبه يرجو خدمه الجميع يطرح مواضيعه وهمومه دون المساس بالناس متجنبا ذكر المساوئ يحث على الخير يخاطب العقل الصغيرقبل الكبير تجده داخل كتاباته واضح وصريح اقول قلم مميز ورائع وراقى

لكل من يسئ الظن بالأخر متردد فى قرراته لايحسم الأشياء يجعل الأمور مموهه وعائمه اقول راجع نفسك قليلا

يقولون أن الأندهاش أجمل من الأكتشاف وأري غير ذلك (المقالب خفيفه الظل جميله أحبها )

المفلب راجع ليهو

* عندما لا تكون الظروف في جانبى

ألجأ الي أقرب الأشخاص الى نفسى .
* المستقبل يبدو لي

أفضل من اى وقت مضى وأتمناه أخضر وأنضر
* عندما كنت طفل كنت أنظر الى ألأمور ببساطه امنتياتى كانت قياده الطائره
* أعتقد أن لدي القدرة على الأنجاز فى المجال والصبر وكتم الغيظ
* أكون في غاية السعادة إذا رأيت البسمه على الوجوه والفرح هوالمسيطر على المزاج
* أنا أحب الناس الذين يصدقون القول الصريحين الواضحين البقول ليك عينك عورا
* والدي العزيز كفايه عفار البوابير والساعات والروادى والبطاطير الكهرباء خلاص جات
* والدتي الغالية أتمنى لك زياره بيت الله الحرام في أقرب وقت
* أخواتي عليكم الأجتهاد أكثر وأكثر
* إخواني عليكم الأجتهاد أكثر وأكثر والصبر علي مرارات الحياة
* أسوء قرار إتخذته في حياتي لم أندم على قرار إتخذته ابداً
* أكبر نقطة ضعف عندي الإعتذار
* أنا في حاجة إلى إجازه و20 مليون جنيه سودانى (يارب ياكريم)
الصبر ياعادل ولكم ودى

اختار 5 اعضاء ووجه لكل واحد سؤال ..؟
1/عادل حسن أنت شغال شنو
2/ ساتى السيد العرس كلفك كم
3/صالح محمد خالد ناوي تعمل شنو السنه الجايه
4/ حسن موسى راجع السودان متين
5/نقد اسماعيل ليه ماسجلت فى المنتدى من البدايه

إذا أديناك (......) لمن ستهديها ( من اعضاء المنتدى)

1 - سيارة موديل 2008 نوعا شنو ياعادل .شنان عبد الرحمن

2 - باقة ورد لونها أحمر ياسر محمد على

2 - دعوة للعشاء لعضوين سوزان صالح وأحمدمحمود

- لقب الصديق /ة الصادق ابو حسن لقب العدو ساتى محجوب

- فتيل ريحة بنت السودان : أم محمد

- ساعة خربانة : محمد عبد الله أبوزيد

- مـن أول شـخـص تـلـجـأ لـه لـو تـعـرضـت لـمـشـكـلـة ويـعـتـبـر بـئـر أسـرارك ؟
مزمل عبد الله أحمد
- من تتمنى أن يخلفك فى هذا المكاااااااااااان ؟
(عادل حسن حمد )2*10

أول ما تدخل المنتدى أول (3) أعضاء تبحث عن مشاركاتهم (بصراااحه)
شنان عبد الرحمن وساتى السيد وحسن موسى

ما هي أكثر المواقع التي تتصفحها ؟
موقع سودانى للأبد

شكراً جزيلا عادل
يازول أنا سويت ليك شنو
راجيييييييييييييييييك ومستنيييييييييييييييييييييييك

شكراً يا ساتي على دعوة العشاء ، بس برضو حتكون في (الفاشر)؟؟؟؟ ،أنا فخور بهذه الدعوة وخلاص ( زي كأني اتعشيت ) Laughing

وسؤالي ليك : ليه صالح محمد خالد بيقول ليك (الهباش) ؟

المهندس ساتي محجوب

عذراً أتيت متأخراً وما أظن الأخوة خلو لي حاجه أسألك عليها

شايفك سألت من تكاليف الزواج ممكن نعرف ؟ عايز تدبل ولا شنو؟؟

نسأل الله لك التوفيق

خالص تحياتي

أحمد محمود كتب:شكراً يا ساتي على دعوة العشاء ، بس برضو حتكون في (الفاشر)؟؟؟؟ ،أنا فخور بهذه الدعوة وخلاص ( زي كأني اتعشيت )
وسؤالي ليك : ليه صالح محمد خالد بيقول ليك (الهباش) ؟

دعوه العشاء إذا كانت فى الفاشر حتكون ملاح كول وإذا فى الخرطوم حتكون ملوحه نيه مندكله ولا داير دقوقيه باللبن
بالنسبه للفرنيبه أنا كنت بشرك للكدايس قدام القوقه وصالح محمد خالد تقول قاصدنى لا سألتو ولا حاجه ولقب الهباش عجبنى أستلمت الدور

احمد عبد الحليم كتب:المهندس ساتي محجوب

عذراً أتيت متأخراً وما أظن الأخوة خلو لي حاجه أسألك عليها

شايفك سألت من تكاليف الزواج ممكن نعرف ؟ عايز تدبل ولا شنو؟؟

نسأل الله لك التوفيق

خالص تحياتي

يا أبو حميد أنت مالك جاى مـتأخر وبتسأل أسئله تعسفيه الدبل في اي حاجه كويس إلا فى الكلام ده
لك ودى ودمت

ساتى محجوب يس كتب:
من تتمنى أن يخلفك فى هذا المكاااااااااااان ؟
(عادل حسن حمد )2*10

ليش أخلفك قبل أحمد عبد الحليم وساتي السيد (ديل صغار)
2*10 يا ساتي بفصل ليك واحد تاني
=============================

أحمد محمود كتب: اتحداك إنت وصالح وساتي لو تعرفوا ( الفرنيبة)!!!

صالح خالد كتب: ابو احميد الهبركة تغتس تحت والفرنيب يعلق فوق

=============================

الهباش كتب: عادل حسن أنت شغال شنو

بفصل كراسي جلوس من الخشب والحديد
الفات كان من خشب ومجلّد قطيفة
الجاي حديد بدون تجليد
علي فكرة أنا رافع البوست دا كمان أسبوع عشان في ناس لسع ما حصلوا

شكراً جزيلاً ياعادل حسن وديل ماصغار لكن ديل بجو أنت البجيبك شنو
أنا محضر لى ككر عشان تقعد عليهو وساتى وأحمد بنبر

ومد ساتي ساقيه واتمطي
الاخ ساتي يا ايها الهباش
1-ماهي اخطر تجربة خضتها في حياتك؟
2-ماذا تعني لك هذه الكلمات:
*الزمن
*العمل
*الصداقة
*السفر
*الوطن
*الاخلاص
*الحيرة
3-ارجو ان تعلق علي الآتي:
*السماء بعيده والارض قريبة
*الليل هادئ والنهار صاخب
4-امنيات:
*اول وصولي للخرطوم تمنيت ان------------
*اول ما دخلت الجامعة تمنيت ان-------------
*اول ما تعرفت علي --------تمنيت ان------
5-اندهاشات؛
*يدهشني في صديقي انه-----------
*يدهشني في عملي انه------------
*يدهشني في المنتدي انه-----------
لك تحياتي وربما لي عودة
صالح

السلام عليكم لك التحية والتقدير العم/ ساتى محجوب يسن

شكرا على دعوة العشاء

6) ما هي سلبيات المنتدى برايك ؟. وكيف يمكن تجاوزها

4)لمن تعطي هذه المسميات :-

القلم الذهبي000 مكنسه 000 شهاده تقدير 000 ورده حمراء 000 ورده بيضاء 000 ورقه بيضاء 000 مع ذكر الاسباب؟

س1/ ماهو شعورك وانت في كرسي الاعتراف ؟ مع الشرح بالتفصيل؟؟؟؟

بداية : (( لا يقل عن سطر واحد )

عبر عن الماء ؟

عبر عن الارض ؟

عبر عن الطريق ؟

عبر عن الرجل والمراءهـ ؟

عبر عن الثقافه ؟

عبر عن الاخلاص والوفاء ؟

عبر عن الحب ومعانيه ؟

عبر عن السماء ؟

عبر عن الصحراء ؟

عبر عن عالم الانترنت ؟

عبر عن نفسك ؟

عبر عن مدير الموقع ؟

عبر عن الفصول الاربعه ..؟

عبر عن المطر ..؟

عبر عن الاسلام ..؟

عبر عن الحريه ..؟

عبر عن الظلم ..؟

عبر عن ضعف الشخصيه ..؟

عبر عن جمال المراءهـ ..؟

تحياتي ابنتكـ سوزان ــــــــم

أحم أحم

والله يا ساتي شكلي كدا حأرجع ليك تاني
الحكاية بقت حلوة .. شد حيلك يابني ،،،

أمانة ماوقع راجل

داير ليك يوم إجازة عشان ترد

أنا بكلم الكفيل ما عنك مشكلة عشان تفضي لينا

ساتي محجوب (الهباش) في كرسي الإعتراف ينتظركم 507156

ا

سلام عليكم انتو قاصدين شنو دى دايره شهر وياساتى كلم الكفيل
شنان سلام من بعيد لى بعيد
ياجماعه الدنيا بدايه شهر وقد أشهر إفلاسي

سلام جديد ونحن حديد
1-ماهي اخطر تجربة خضتها في حياتك؟

العمليات ومتحرك الشهيد محمود الزين البدايه من القطينه الي قبر الكلب جوبا وركن وتندلو 10 أشهر من المطر المتواصل والجوع والخوف المستمر والملاريا التى لا تنتهى (5حقن بي ابره واحده) ثم سهر الليل و الخ.

2-ماذا تعني لك هذه الكلمات:
*الزمن قيمة كبيره إذا فقدت فقد المال والعمل والإنجاز وهو عامل أساسي فى النجاح .
*العمل متعة الحياة في العمل الذى يعطى الأمل ومادمت تعمل دام الأمل فى كل شئ.
*الصداقة تعنى التكامل والتضامن الروح الواحدة والهم الواحد الخدمه المتناهيه التى لا ترجو ثمنها .
*السفر الصبر وتجارب جديده ثقافات متنوعه مناظر غير . ذكريات تعلق بالأنسان مدى الحياة وفرح العوده.
*الوطن الأم و الأب الجد والحبوبه الخلات والعمات الأخوان والأصدقاء رفقاء الصغر البيوت التحت والحفير حس القش والنوريق القمرا والرملا القنقر والقلوق
*الاخلاص خصله جميله وتعنى لي العمل بدون مقابل
*الحيرة حيرت قلبي معاك لمن تغلبك الحيله تكون الحيره
3-ارجو ان تعلق علي الآتي:
*السماء بعيده والارض قريبة
حيرتنى السماء مثل الطموحات والأحلام والأرض هى الواقع ويبقي الأمل والعمل الجاد والأخلاص , وإحترام الزمن والوقت هو الحبل الواصل بينهما .
*الليل هادئ والنهار صاخب
النهار للعمل وكسب الرزق لكن انا عندي إقتراح المفروض يكون اليوم 48 ساعه بدل 24 ساعه لأنها لا تكفي والليل بس سريع سريع قبل الصباح تلحق تنوم شوية
4-امنيات:
*اول وصولي للخرطوم تمنيت ان مشاهده التلفزيون والذهاب لمنتزه المقرن
*اول ما دخلت الجامعة تمنيت ان لم تكن هناك أمنيه محدده ولكن أذكر حرصى على أن لا أتبرلم فى الأيام الأولى-
*اول ما تعرفت علي كمال صالح تمنيت ان صاحبى
5-اندهاشات؛
*يدهشني في صديقي انه لا يفهمنى
*يدهشني في عملي انه متجدد ومتنوع
*يدهشني في المنتدي انه يتطور ويذداد عدد الأعضاء كل يوم.

ما قصرت .. ممكن تمشي الركن الهادي وتأخد رست شوية .

اسمع نصيحة شنان لاني عائد
صالح

سلام ياسوزان وشايفك بديتى من حيث وقف الأخرون

6) ما هي سلبيات المنتدى برايك ؟. وكيف يمكن تجاوزها
المنتدى لا زال تحت التقيم والتجربه .
4)لمن تعطي هذه المسميات :-

القلم الذهبي شنان عبد الرحمن وهل يخفى القمر مكنسه إداره المنتدى شهاده تقدير إداره المنتدى برضو ورده حمراء لصاحب الكلمات الرائعه فايز محمد على ورده بيضاء يوسف حسن خالد ورقه بيضاء صالح محمد خالد صاحب الخواطر والحروف .

س1/ ماهو شعورك وانت في كرسي الاعتراف ؟ مع الشرح بالتفصيل؟؟؟؟

البدايه الشعور هو الخوف من الأسئله التعسفيه وشويه شويه الأستمتاع بالإجابه والرد وأجمل حاجه أنو البقعد فى الكرسى حيتعب.

عبر عن الماء ؟
ثلاثه يزهبن الحزن الماء والخضره والوجه الحسن
عبر عن الارض ؟
اختلاف اللون والشكل والوظيفه وكذلك الصمود والبقاء هى الأرض
عبر عن الطريق ؟
ياتو طريق يجبرنى وأجيك (كل الطرق تؤدى الى روما )
عبر عن الرجل والمراءهـ ؟
كل مكمل للأخر وكفى
عبر عن الثقافه ؟
بحر لا نهايه له وكل ينهل على حسب قدرته
عبر عن الاخلاص والوفاء ؟
خصله جميله وتعنى لي العمل بدون مقابل
عبر عن الحب ومعانيه ؟
رغم صغر الكلمه كتابة لكن تحمل الكثير كل يأخذ على طريقتة وتجاربه وأنا لم تفيدنى تجاربى مع كثرتها .
عبر عن السماء ؟
ورقه بيضاء تستطيع ان ترسم ما في خيالك فيها
عبر عن الصحراء ؟
تعطى الأحساس بالقوه والجفاء والوحده
عبر عن عالم الانترنت ؟
والله ماعارف أعبر كيف غير انه قاتل للوقت أولاً
عبر عن نفسك ؟
واقعى وراض بما انا عليه
عبر عن مدير الموقع ؟
يمتلك المبادره ومسايره الأمور
عبر عن الفصول الاربعه ..؟
عندنا واحد ناقص
عبر عن المطر ..؟
خير على خير وذياده رحمه
عبر عن الاسلام ..؟
دين الحق والحريه
عبر عن الحريه ..؟
جل وكل مايمتلكه الإنسان
عبر عن الظلم ..؟
لا شئ ابشع من الظلم والظلم ظلمات
عبر عن ضعف الشخصيه ..؟
صفه قبيحه جدا للشخص
عبر عن جمال المراءهـ ..؟

جمال الخلق والخلقه هو المطلوب وجمال المراءه شى نسبى يختلف من شخص لآخر

وطبعآ الاخ ساتي عاشق الشعر الشايقي زينا
الهباش:
ارجو مجاراة الآتي من اغاني الشايقية:
*رجع البلد بعد السنين المرة يادوب العيون سهرن هجد
*في الليلة ديك لا هان علي ارضي واسامحك ولا هان علي اعتب عليك
*زمان الناس هداوة بال وانت زمانك الترحال
*ما قلت ليك من قبل ده ساعد عواطفك ساعدها
خليها تهدا وعودا تزعل شوية مش كده
*كل الجمال يا غالي في لحظة مودة
نظرة عابرة لبسمتك
والدنيا تزهر شوق تتفجر محنة
*نور بيتنا شارع بيتنا
يوم طليت فرحت قلوبنا
*ما تشيل مع الحنية هم وتخاف من الايام تجور
ولا اريد ان اشق عليك
وربما اعود lol!

صالح

ياصالح الشعر الشايقى مليان ملى جد

ارجو مجاراة الآتي من اغاني الشايقية:
*رجع البلد بعد السنين المرة يادوب العيون سهرن هجد

***
ارجع يا زول ارجع غير ارضك عاد ما بتلقى بطاح
شن داير في بلداً والناس ما فيهن حاس وما فيها صباح
الليل الويل مليان اتراح الويل الليل مليان اتراح
بياعه يقول افراح افراح زي البيقول تفاح تفاح

*زمان الناس هداوة بال وانت زمانك الترحال

والله يانور العيون ماصعب سفر سفر الامل ماتلقاك تعاين في الهدف ماداري انت متين تصل
كل الدروب جربتها سافرت فيها عشان اصل في كل مرة الف واعود من تاني تاني لي نفس المحل
سيبي العواطف ديك بعيد وانسي ريدك وقولي لي ايه الفرق لو زول زرع امالو في اخصب ودي
والتاني روح لي البعيد واختارلو يا محبوبة صي حيحصد الاول اكيد والتاني زي حالتي العلي
انت لو جيت تسال عني هواي بالله اسال عن هواك تلقي الجواب نفس الجواب ما قلبي يادنياي معاك
ارجو اوعي تفكري ان قلبي يصبح لي سواك لكن لو فقد العشم امكن اقول خلاص كفاك امكن اقولو خلاص كفاك كفاك
*ما قلت ليك من قبل ده ساعد عواطفك ساعدها
خليها تهدا وعودا تزعل شوية مش كده

سنين راكز علي عهدك لا أخرت لا قدم
بخاف من شدة الاشواق اسابق الدنيا واتقدم
تعالي حسب مواعيدك تعرفي فراقنا كلف كم
الله يسامح العزال غيرك كيف اكون ادم
اندقشت كبابي هوانا قالو خلاص حنتخاصم
ودايما عندي ليك سماح تقسمي منو للعالم
فجرتيني ريد وسلام وطرت حمام وذوبت شجن
يابردي وغطاي وروحي يارقه وعذوبه وفن
مناي الكون يفرهد ريد وكل يمنين يكونو يمن
الدايرين يفرقو بينا حقو يعرفو مافي زمن
يقدر يفرق النيلين بعد ما فاتن المقرن
اي زمن بلاك جارح يهب نيران جهنم هب
يشرب من صفاهو صفاكي وينقد من عيوني الحب
وكل الدنيا من غيرك متاهات والعمر مقلب
الليله اذكر زمن يادابنا سوينا العشق مذهب
اول نظره من عينيك سمعت نداها يا لب لب
واتوهطت خيل الريد وانتي معاي قالن كب
وعدتك بي زمن فنان ينسي عيونك اي تعب
تعالي واشكري الاشواق وكل ماتزيد لهيبنا حطب
في موية الحياه العكرانه اكشحي لي مسيرتك شب
بشيلك همسه في روحي احلق بيك ما امكن
حبيبتي انا وانتي عصفورين علي غصن المحبة شدن
بحبك ويدي فوق قلبي مناي آخر مطافي عدن

*كل الجمال يا غالي في لحظة مودة
نظرة عابرة لبسمتك
والدنيا تزهر شوق تتفجر محنة

ياجميل ريدتي الطاهره جوي قلبي أبت تتكبت
نظره يي أوله وآخره أصلي دايما مالي بخت
عيوني غلطاني وعازره أصلي ما المفروض إتلفت
والبلد زاتي مغادرة وحدي بس لا يوم السبت
يانمر قاسي أموامره ومابيقدرلها غيز زول سمت
ولعبه في إيدي جواكره بس الفتوح كيف زايد كرت
ويانمر ان بقيت ماك دايره خلها التبقي تحت تحت
حن علي روحي الحايره اللقضي مهاها الوكت
الوجيه قمرة ودائرة وزايدي خمسه أيام فوق تلت
وهي تقرا في فرع القاهره وفي القوانين تفتي وتبت
والقلوب ياها درادره بالجمال خطابك صفت
اليصونه بلا القادره ولا زي حالي دي ينسخت

من طرف Ahmed الأحد 12 يوليو - 0:13

الاخ ساتي:
كنت اود ان اطرح هذه الأسئلة في موضوع منفصل،،،

1- خصال في أهل القدار(لا توجد في غيرهم) تجعلك تفتخر انك منهم

2- خصال في أهل القدار(لا توجد في غيرهم) كنت تتمني لو تخلصو منها

Ahmed كتب:الاخ ساتي:
كنت اود ان اطرح هذه الأسئلة في موضوع منفصل،،،

1- خصال في أهل القدار(لا توجد في غيرهم) تجعلك تفتخر انك منهم

2- خصال في أهل القدار(لا توجد في غيرهم) كنت تتمني لو تخلصو منها

أحمد سلامى وتحياتى
الخصال الجميله كثيره ودائما وأبداً أنا منهم وأفتخر حب الأهل والأعتزاز بالنفس والوقفه الواحده فى المصائب التى تحدث للبعض
الخصال التى أتمنى أن يتخلصو منها الأهتمام بالماضيع الهايفه وبصراحه الشمار وألإختلاف الذى يصل العداوه احياناً
والله الموفق ودمت

الأخ // الهباش

حطمت الرقم القياسي في المشاركات والردود على كرسي الاعتراف

وهذا دليل المحبة

هنيئا لك بنا وهنيئا لنا بك ولك التحية

كنت عندي نية التجديد لمدة أسبوع لكن خليني أشوف باقي الهباشين الطوال ديل .. مودتي بلا حدود

شكرا واليييييييييييييييى لقاءءءءءءءءءءءءءءءءءءءء
أحم أحم الدور على منو

السلام عليكم ايها (الهباش)الهباشة الكتيرة ماكويسة .......
وبعدين دايرين رد لهذا البيت بالشايقي(هبّش كويّس):
ياريت من اول وريتنا انك ممكن تتاخر يوم
وشكررررررا.....

السلام عليكم كيف يالهباش
وش قدرنا عليك بس

الأسطورة (ساتي ابنعوف)