الغريب القريب الحبيب

قال غريب
وسط الاهل بيقول غريب
وسط المشاعر
قال غريب
جوه القلوب العامرة بي حب القريب
والبعيد
ده العجيب
لو جيتنا من اخر الارض
او جيتنا من بين الغيوم
او من تخوم افريقيا
وللا من بين النجوم
تلقي الايادي مشرعة
تلقي القلوب متلهفة
تلقي العقول متفتحة
رضيانة بي جيت الغريب
فرحانة بي جيت الغريب
و ما غريب
نحن الديار العامرة بي حب البشر
كل البشر
نحن الديار الزاهية بي حب الشجر
ملياتة بي حب التمر
حتى الجبل
حتي الحجر
رويانة تب ومشبعة
بي ريدة صافية بلا كدر
نحن المشاعر صافية مبذولة
وتسيل متدفقة تملا البحر
وتقول غريب وسط الاهل؟
كيف غريب؟
كيفن غريب؟
نحن نحن
نحن ما اهل المحنة
نحن ناس سودانا ناس وطن السماحة
ناس وطن الوجاهة
من بلاد ترهاقا
بلاد النيل
والفيل والنخيل
من بلاد العفة والزمن الجميل
ان كنت عابر للسبيل
مرحب حباب
لو كنت جار
او كنت من اهل الديار
مرحب حباب
جوه العيون مرحب حباب
بين خوتك مرحب حباب
بين عزتك مرحب حباب
انت القريب
انت الحبيب
ماك
غريب
صالح

شكلو انو المسجل باسم غريب الهمك بالكتابة
جميل ان نعلم بأنك تمارس الكتابة مع كم الخرصانات والطوب والاسمنت
نتمنى ان نقرأ تعليق شاعرنا شنان على القصىدة
وياصالح مزيدا من الأبداع

نحيي البشمنهدس / صالح
ونهنئك على هذا الابداع
وعلى هذه القصيدة الرائعة
حقيقة اسلوب جميل جداً وذات موسيقى غذبة
ولا نقدر نوفيها حقها .. ابداع ابداع ابداع
لك كل الود ،،،

الاخ الحبيب
شنان
والابن الغالي
محمد علي سكوري
شكرا جزيلا علي المرور والتعليق الجميل
ونحن حقيقة نرحب بكل من ينضم لمنتدانا العامر
ومافيش يا القريب بينا غريب
صالح

صالح محمد خالد كتب:
تلقي الايادي مشرعة
تلقي القلوب متلهفة
تلقي العقول متفتحة
رضيانة بي جيت الغريب
فرحانة بي جيت الغريب

ناس وطن الوجاهة
من بلاد ترهاقا
بلاد النيل
والفيل والنخيل
من بلاد العفة والزمن الجميل

الوجيهة صالح الراقي الرائع صاحب الرائعة الغريب
لك التحية وأشكرك علي هذا الأهتمام والأخوة // المتداخلين جميعا لكم التحية
وأنا أنا أنا أنا أنا أنا أنا ما غريب
أنا أنا أنا أنا أنا أنا أنا أنا منكــــم

اخي القريب
وقلناها قريب ما لهجة دناقلة
يعني قاصدين
يا من قراناه
ولم نراه
شكرا لتعليقكم واشاراتكم الجميلة
ولك في القلب مساحات
ومساحات
ومرحب بكم في داركم
بين اهلكم واخوتكم
و ماك غريب
انت القريب
صالح

قلمك..هو قلمٌ تعودنا منه على كل جميلٍ .. وراقٍ ..
وهاهو يمطرنا ... بروعة جديدة من روائعه ...
لتتفتح الأزهار .. تحت سماء حرفك للغريب ...
وتلمع النجوم ... من بريق كلماتك للقريب ...
فلك كل التقدير...
وننتظر جديدك دوماً .. مودتي بلا حدود ..

الاخ الحبيب عادل
ان كان قلمي فد سطر بعض ما يعتمل في الخا طر
فيعود لكم من بعد الله سبحانه وتعالي
حمد ذلك
فقد اوجدتم لنا المساحة
في منتدانا ومسرح هوانا
يا منتدي
يا منتهي
يا مبتدا
صالح