منتديات القدار
نرحب بك في منتديـــــــــــات القدارالغرة القدار المغرة
@@@@@@@@@@@@@@@@

جدعة( بيوت العزاء ما بين الامس واليوم) G5g5-a470d31845جدعة( بيوت العزاء ما بين الامس واليوم) G5g5-8da2b3db55
تعـــالو مـحـــل مـا الـمـحـنـة أيــــادي تقــطـر ســــــلام
سـمـاحـــة الـحـيـاة فــــوق أهـلـنا القدار يقــرقـر وئــام
تـدخـلــــوا وتقعـــــــــــدو في ســــــــــــــــــــــلام
بـســاط أحـمـدي كــم يـشـيلـنـا قـدارنا تـمــــام التمـــام
نتشــرف بتسجـيـــلك في منتــدي القــدار

انضم إلى المنتدى ، فالأمر سريع وسهل

منتديات القدار
نرحب بك في منتديـــــــــــات القدارالغرة القدار المغرة
@@@@@@@@@@@@@@@@

جدعة( بيوت العزاء ما بين الامس واليوم) G5g5-a470d31845جدعة( بيوت العزاء ما بين الامس واليوم) G5g5-8da2b3db55
تعـــالو مـحـــل مـا الـمـحـنـة أيــــادي تقــطـر ســــــلام
سـمـاحـــة الـحـيـاة فــــوق أهـلـنا القدار يقــرقـر وئــام
تـدخـلــــوا وتقعـــــــــــدو في ســــــــــــــــــــــلام
بـســاط أحـمـدي كــم يـشـيلـنـا قـدارنا تـمــــام التمـــام
نتشــرف بتسجـيـــلك في منتــدي القــدار
منتديات القدار
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

جدعة( بيوت العزاء ما بين الامس واليوم)

+2
شنان عبد الرحمن
محمد عبدالله ابوزيد؟
6 مشترك

اذهب الى الأسفل

جدعة( بيوت العزاء ما بين الامس واليوم) Empty جدعة( بيوت العزاء ما بين الامس واليوم)

مُساهمة من طرف محمد عبدالله ابوزيد؟ الأحد 3 يناير - 20:22

حنان ثكليبة




ملاح قرع وبامية مفروكة وكسرة وصحن سلطة و(ملاحة) ... ده كان الأكل فى بيوت البكا قبل أن يصبح (البكاء ذاتو) مظهر إجتماعى ونوع من أنواع (الفشخرة) بعد أن اجتاحت البلد أعداد مهولة من (المليارديرات الجدد) أصبحت تؤثر سلوكياً على بقية الطبقات الأخرى حتى صارت (الفاتحة) هى الفرق الوحيد بين الأتراح والأفراح!

عندما توفى رجل الأعمال (حسن يورو) قامت أسرته بفتح أبواب (الفيلا) الفاخرة لأفواج المعزين علاوة على (صيوان) ضخم نصب بطول الشارع العريض مزود بعدد مهول من مكيفات الهواء تغطى أرضيته (السجاد) لزوم (عدم الغبار وكده)!

عند موعد الغداء انتشر أفراد يرتدون زياً موحداً يحملون (صوانى الأكل) النيكل الناصعة التى ترتاح بداخلها أطباق المشويات والمحمرات والمقبلات وقطع الرغيف الفاخر بينما وضعت امام كل صينية عدد من زجاجات المياه المعدنية البااااردة!

فى صالون النساء جلست سوسو (فى الأصل ست البنات قبل أن يصبح حسن يورو رجل أعمال) جلست على سرير خشبى مستورد عليه ملاية قطيفة تتلقى التعازى من جاراتها وصويحباتها اللواتى جئن وهن فى كامل زينتهن (ناقشات) الحنة الما خمج يرتدين ثياب (الشيفون) المطرزة والشباشب ذات الكعب (البلية) تمتلئ أياديهن ورقابهن بآخر صيحات سوق الدهب فى (دبى) وبقية العواصم الخليجية!

- كلمتى (عوضية ردحى)؟

همست (سوسو) لجارتها وصديقتها (نوسة) والتى مالت قريبا منها وهى تجيبها:

- والله (عوضية ردحى) دى قالو عندها مناسبت بكاء فى (مدنى) سافرت مشت ليها، قمت مشيت لى (هاجر حى ووب) قالو ليا عندها إرتباط خارجى فى (دبى) فى واحد من ناس الجالية مات هناك أها فى الأخير مشيت كلمت ليكى (حنان سكليب) لقينا ما عندها ارتباط ووقعت العقد مع مدير أعمالا! وأديتو مليون عربون مقدم.

- وشالت منك البيانات!

- أديتا ليها كووولها.. المرحوم كان شغال شنو؟ وعندو كم عمارة؟ وقاعد يتبرع لى ياتو (نادى) وإشترى ليهم كم (لاعب)؟ وعربيتو الراكبا نوعا شنو؟ وموبايلو الشايلو موديلو كم؟

انتهت مجموعات النساء من تناول طعام الغداء الفندقى (الما خمج) ثم جئن لهن بالتحلية (باسطة وبسبوسة وكنافة وعين جمل وأم على) شئ باللوز وشئ بالجوز وشئ يالما بعرفو شنو داااك وبعد أن (ضربن) بدأن فى زحزحة الكراسى (البامبو) والجلوس كيمان كيمان (للشمارات) وهن يمسكن بثرامس الشاى (المذهبة) المتشابهة (الكبيرة حقت الشاى والصغيرة للجبنة) التى تفوح من (فناجينها) رائحة (المستكا)..

وفجأة دخلت إلى الصالون شابة (آخر شياكة) ذات مظهر يطابق كثيرا مظهر مغنيات هذا الزمان يمشى خلفها ستة (شابات آخريات) من نفس الشاكلة يرتدين زياً موحداً وهن يرفعن أياديهن عاليا فى حركات متتابعة ويصحن بصوت كالجرس يشق عنان السماء:

ووووب ووووب وووووووووووووووووووووووووو

ووووووووووووووووووووووووب..

ثم تبدأ (حنان سكليب) فى السكلى و(الوصف) وهن يرددن خلفها:

- ووووب عليا والله ليا يا حسن يوروو يا البتدى البتدورو والما بتدورو

ووووب عليا والله يا صغير وجاهل يا البتجيب القروش بالساهل

يا ود امي.. هيء يء يء يء ..

الكورس : وووب ... وووب ...ووووووووب

الليله يا حليلك يا زين الرجال ياملك الدولار يا البتستر الحال

الليله يا حليلك يا البتشيل من البنوك وتشتت قبال ما يلحقوك

يا ود امي.. هيء يء يء يء ..

الكورس: وووب ... وووب ...ووووووووب

الليلة وينك إنتا يا الإسبليت هبوبك والهمر ركوبك

الليله وينك إنتا يا البنيت المقصورة وركبت النافورة

الليله وينك إنتا يا أب جيوب منفخة وأب عربية مصفحة

يا ود امي.. هيء يء يء يء ..

الكورس: وووب ... وووب ...ووووووووب

يا حليلك الليله يا البتفك الصعيبة ويا البتسجل اللعيبة

يا حليلك الليله يا جوكى البنوك يا التهريبك بالسنبوك

يا ود امي.. هيء يء يء يء ..

الكورس: وووب ... وووب ...ووووووووب

ثم تعدل (حنان سكليب) توبا الشفون (الترانسبيرنت) الكان واقع وتنظر للكورس خلفها نظرة الفنان الذى يود أن (يختم) الأغنية فيبدأن فى (تحرير) البكاء ويرفعن أصواتهن ويضربن بأياديهن ليبدين زينتهن (دهب دبى وكده) ... ووووووووووووب وب وب وب ووووووووب ثم يتوقفن فى لحظة واحدة بإشارة من (حنان سكليب)! التى تجلس على أقرب كرسى وتتناول علبة مناديل الورق وتخرج منديلين تمسح بهما حبات العرق التى تساقطت بفعل المجهود رغم برودة التكييف ثم تلتفت إلى النسوة اللواتى كن فى الصالون يتابعون (فاصل السكليب) قائلة:

- قبلكن وحدكن.. جنس بخلن عليكن .. أول مرة أمشى ليا (بيت بكا) ما ينقطوا ليا فيهو!!
بلا ليشنو يا ؟؟؟؟؟
محمد عبدالله ابوزيد؟
محمد عبدالله ابوزيد؟

جدعة( بيوت العزاء ما بين الامس واليوم) Default4

ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

جدعة( بيوت العزاء ما بين الامس واليوم) Empty رد: جدعة( بيوت العزاء ما بين الامس واليوم)

مُساهمة من طرف شنان عبد الرحمن الإثنين 4 يناير - 20:27

.. ود ابو زيد
انت الحاجات دي بتلقاها وين ؟؟؟
قطّعت مصارينا بالضحك
سمعنا بي حنة البكاء
وتوب البكاء
ودهب البكاء
لكن أول مرة نسمع بي غناء البكاء
بالله بقت في حاجات زي دي في المجتمع
الله يكون في العون
انت عارف عشان كدا انحنا ما عاوزين نعمل قروش كتيرة
عشان الواحد يوم يموت الناس تتكتح بالتراب وكل واحد يروح لي حالو وينتهي الموضوع
مشكور محمد ابو زيد

شنان عبد الرحمن

جدعة( بيوت العزاء ما بين الامس واليوم) Default5

ذكر عدد الرسائل : 626
الموقع (المدينة) : السعودية / الريلض
تاريخ التسجيل : 02/02/2009

الرجوع الى أعلى الصفحة اذهب الى الأسفل

جدعة( بيوت العزاء ما بين الامس واليوم) Empty رد: جدعة( بيوت العزاء ما بين الامس واليوم)

مُساهمة من طرف محمد عبدالله ابوزيد؟ الثلاثاء 5 يناير - 20:14

والله حسن يورو دا حيرنا بعد القروش دي كلو ها زول قال الفاتحة مافي
مشكور اخوي شنان علي التعليق الجميل
ربنا يرحم حسن يورو
محمد عبدالله ابوزيد؟
محمد عبدالله ابوزيد؟

جدعة( بيوت العزاء ما بين الامس واليوم) Default4

ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

جدعة( بيوت العزاء ما بين الامس واليوم) Empty رد: جدعة( بيوت العزاء ما بين الامس واليوم)

مُساهمة من طرف ساتي ابراهيم الثلاثاء 5 يناير - 22:57

دي بقت ميته وخراب ديار

الله يرحمنا جميعا
ساتي ابراهيم
ساتي ابراهيم

جدعة( بيوت العزاء ما بين الامس واليوم) Default3

ذكر عدد الرسائل : 246
الموقع (المدينة) : السودان - الخرطوم
العمل/الترفيه : مهندس معماري _محاسب
تاريخ التسجيل : 09/02/2009

الرجوع الى أعلى الصفحة اذهب الى الأسفل

جدعة( بيوت العزاء ما بين الامس واليوم) Empty رد: جدعة( بيوت العزاء ما بين الامس واليوم)

مُساهمة من طرف الصادق ابو حسن الأربعاء 6 يناير - 3:51

ما في حاجة غريبة في زمنا الغريب ده
الصادق ابو حسن
الصادق ابو حسن

جدعة( بيوت العزاء ما بين الامس واليوم) Default2

ذكر عدد الرسائل : 73
الموقع (المدينة) : www.alghadar.yoo7.com
العمل/الترفيه : التواصل
تاريخ التسجيل : 04/04/2009

الرجوع الى أعلى الصفحة اذهب الى الأسفل

جدعة( بيوت العزاء ما بين الامس واليوم) Empty رد: جدعة( بيوت العزاء ما بين الامس واليوم)

مُساهمة من طرف خال فاطنة الأربعاء 6 يناير - 4:53

لوحة جميلة مرسومة بالكلمات
ومشورع مسرحيةممكن تسميها((نفاق اجتماعي)بس لو فعلا اتممتهاكتمثلية الناس حيموتو من الضحك في بيت البكي

لك الود في انتظار المزيد

خال فاطنة

جدعة( بيوت العزاء ما بين الامس واليوم) Default2

ذكر عدد الرسائل : 111
الموقع (المدينة) : الدوحة -قطر
العمل/الترفيه : موظف
تاريخ التسجيل : 04/08/2009

الرجوع الى أعلى الصفحة اذهب الى الأسفل

جدعة( بيوت العزاء ما بين الامس واليوم) Empty رد: جدعة( بيوت العزاء ما بين الامس واليوم)

مُساهمة من طرف رضوان جودة الأربعاء 6 يناير - 14:41

الرائع محمد عبدالله الله يعطيك العافية
له الرحمة

رضوان جودة

جدعة( بيوت العزاء ما بين الامس واليوم) Default3

ذكر عدد الرسائل : 189
الموقع (المدينة) : بيروت
العمل/الترفيه : موظف
تاريخ التسجيل : 26/12/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى