منتديات القدار
نرحب بك في منتديـــــــــــات القدارالغرة القدار المغرة
@@@@@@@@@@@@@@@@


تعـــالو مـحـــل مـا الـمـحـنـة أيــــادي تقــطـر ســــــلام
سـمـاحـــة الـحـيـاة فــــوق أهـلـنا القدار يقــرقـر وئــام
تـدخـلــــوا وتقعـــــــــــدو في ســــــــــــــــــــــلام
بـســاط أحـمـدي كــم يـشـيلـنـا قـدارنا تـمــــام التمـــام
نتشــرف بتسجـيـــلك في منتــدي القــدار

مسدار دوار

صفحة 2 من اصل 2 الصفحة السابقة  1, 2

استعرض الموضوع السابق استعرض الموضوع التالي اذهب الى الأسفل

رد: مسدار دوار

مُساهمة من طرف ياسر محمد علي في الإثنين 23 نوفمبر - 18:38

شعر/ محمد زين العابدين أحمد أبوجديري
****
****
فـارِسْـنــا الـكـلــسْ الـبـلـكــرمْ مــعـــروف
كـرمَـكْ فــي الـرَّجـالْ بـايـنْ دوام مـألــوف
ما بتخشـى الفَقُـرْ حاشـاكْ تعـرف الخـوف
يــوم الـنـار تـبـقْ تهـجـمْ عـديـل مكـشـوف
***
بـهـديــك الـتـحـيَّـه الــمــا بـتـكـفـي ثــنـــاكَ
يــا ابْحِـجْـلاً بــرصْ كــلَّ الخـلـوقْ جـايــاكَ
ما تضاريتْ مرقتَ الناسْ بقتْ فـي ضـراكَ
مــن طـيـبْ الحـديـثْ عـطَّـرْ ربـانـا شـــذاكّ
***
يـوم دقَّ النـحـاسْ بـارودنـا سَــوَّا سحـابـه
والفرسانْ تصـولْ فـي الحـاره مـا بتتغابـه
خـاضـوهـا أم لـهـيـبْ جنـيـاتـنـا نتـفـاشـابـا
ثابتيـن كالجـبـالْ فـرسـانْ دُواسْ وحـرابـه
***
نهجـم مــن دِغـيـشْ فــي عتـمـةْ الفجـريَّـه
بنخـوضْ أم صِقيـرْ ..شافعنـا بــوزن مـيَّـه
نوطـاهُـو الجَـمُـرْ .. نَسـتـاكْ زخِـيـرةً حـيَّـه
نفديـهـا القـيـمْ وارواحْـنَــا شـانـهـا هـديَّــه
***
والـدايـر الـســلامْ بلـقَـانـا عـهــدْ وأمـانــه
نـتـوَاثــقْ صِـــــدِقْ واللهِ مــافـــي خِـيَــانــه
نُـسْـكِـتْ لـلـمـدافـعْ ونُــخْــرسْ الجـبـخـانـه
في شـانْ السـلامْ راياتـو فـوقْ لـي سمانـا
***
مـرحـب بالجـنـوبْ والـحــرب الله يـزولـهـا
مرحـب بالشمـالْ الباوقـه جاريـه سهولهـا
مرحب بالشـرقْ نـاس دقنـه تـروي بطولـه
مـرحـب بالـغـربْ مَــردُومْ وتُـويَـه وفـولــه
***
مــرحــب كــردفــانْ والله مــــا نـاسـيـكــي
كيف أنسى الـدلالْ أنسـى السمـاح الفيكـي
مـا يـوتْ فـي حَشَـايْ قايلانـي مـا طاريكـي
بهـواكْ كـردفـان وكتـيـنْ يفـيـض واديـكـي
***
مشتـاقْ لـي الـرِّمـالْ لــي فُونْـقَـةَ الحـبَّـان
ومشـتـاقْ للبـريـقْ يشـلـعْ عـلـى الـوديـان
ويـــا حـلـيــلْ الـقـمــاري تــذَكِّــرْ الــخــلَّان
بـي جيْـةَ الحبيـبْ فـي الغُربـه ليهـو زمـان
***
مشتـاق للهَرَعْ شايلـو العِشِـقْ لـي غـادي
ومشتـاقْ للدعـاشْ نَـسَّـمْ جـنـوب الــوادي
ومشـتـاقْ للحبـيـبْ وكتـيـنْ عـلــيَّ يـنــادي
بـالــذوقْ الـرَّفـيـعْ جـــدَّدْ عـلــيَّ ســهــادي
***
مشتـاقْ للـمُـزُنْ جـهـةَ الصعـيـدْ ماطـرنـي
ومشـتـاقْ للنسـيـمْ وكتـيـن يـطِـلْ عابـرنـي
بـهـواكْ كـردفـانْ كــلَّ الجـمـال سـاحـرنـي
شان سِحْـرِكْ غَلَـبْ جُـوايْ صِبِـحْ جابرنـي
***
ديـــل أهَــلِــكْ عُــــزازاً بـالـكــرمْ إتـحـلُّــوا
حـيـن يحـمـى الوطـيـسْ واللهِ مـــا بـتـذلُّـوا
نـاسْ قدحـاً كبيـرْ كِـتْـرَ الضـيـوفْ أو قـلُّـوا
ديــلْ نــاسْ الـذِّكــرْ لا كـلُّــو تَـــبْ لا مـلُّــو

_________________

ياسر محمد علي



ذكر عدد الرسائل : 890
الموقع (المدينة) : القدار
تاريخ التسجيل : 14/12/2008

القدار
القدار: 2

http://www.tagged.com/ yasirsaleh

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف محمد عبدالله ابوزيد؟ في الثلاثاء 24 نوفمبر - 14:57

مشتاق للبلد ولتمرا من الشوال
مشتاق لفزع يكون شبابو كتار
ولضليف جريد وربط السعف اطوال
لوبتة من جرف وكمان شوية نال
امشي بالدربوق عديل اوصل المرسال
في قعر الجبل عصرا اكون رحال
العب بنفس للنص اكون قدال
الليل ان دخل جلسة في طرف قويز رمال
نسمع في الربوع ونخطط الامال

محمد عبدالله ابوزيد؟



ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف ياسر محمد علي في الخميس 26 نوفمبر - 14:15

مشكور محمد علي مشاركاتك الجميله
تركتنا نسرح بالخيال لعهد ولي ومضي
عهد كان اجمل واطعم من الوضع الراهن
ضليف جريد اليوم استبدل ب زنك حار صيفا بارد جداً شتاء
الفزع قل وندر
والليل ان دخل مافيش ربوع (زي افلام+ روتانا سينما)

_________________

ياسر محمد علي



ذكر عدد الرسائل : 890
الموقع (المدينة) : القدار
تاريخ التسجيل : 14/12/2008

القدار
القدار: 2

http://www.tagged.com/ yasirsaleh

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف فتحى عثمان عتيق في الخميس 26 نوفمبر - 15:15

لك الله وداخوى محمد فقد عدنا سنين عددا الي ربوع الحلة ولكم سررت بهذه المعانى الحلوة التى تحملها نسال الله ان يكرمك بالمزيد حتى ينتفع بك البلاد والعباد وتحياتى لمهندس المسدار ياسر واين الاديب الرائع شنان

فتحى عثمان عتيق



ذكر عدد الرسائل : 261
الموقع (المدينة) : قطر
تاريخ التسجيل : 05/01/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف ياسر محمد علي في الثلاثاء 1 ديسمبر - 4:22

الناس في العروض ما تقيسة بي تيبانة
وما يغرك لباسهم والعروض عريانة

ديل حراس رزق مثل التكنو أمانة
زي إبل الرحيل شايلة السقى وعطشانة

_________________

ياسر محمد علي



ذكر عدد الرسائل : 890
الموقع (المدينة) : القدار
تاريخ التسجيل : 14/12/2008

القدار
القدار: 2

http://www.tagged.com/ yasirsaleh

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف ياسر محمد علي في الخميس 3 ديسمبر - 17:28

مقياس صبو داك ماصاد
وخوفك من مدافعو الديمه جافل صاد
محروس بي لواحظو واقفلو بالمرصاد
وقناص مين بصيدو جبخانو بجدع صاد

_________________

ياسر محمد علي



ذكر عدد الرسائل : 890
الموقع (المدينة) : القدار
تاريخ التسجيل : 14/12/2008

القدار
القدار: 2

http://www.tagged.com/ yasirsaleh

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف ياسر محمد علي في الخميس 3 ديسمبر - 17:30

محمد زين العابدين أبو جديري


حزَّمت الأمر والـنـــــوم بقى مجافيني

في شان الغفيل الحبـــــــــَّها مرازيني

شديت السرج والزام صــــبح هاديني

لي ست الحسان الريده يوت هـاريني

****
هاريني الـــوداد ليك يا الموكَّره فيَّ

بينات الضـــلوع نيران غرامك حيَّه

حسنك فيــــــنا باهي وفطرتك بدويَّه

دي الغفل السمــاح معروفه كباشيَّه

****
كباشيَّه ســــــــــــالباني القليب وافكاري

كل ما أقول أتوب نيران تزيد في ناري

تايه في الدروب شـايل مساي ونهاري

بنشد في الشــــــعر لو يوم عليَّ يداري

_________________

ياسر محمد علي



ذكر عدد الرسائل : 890
الموقع (المدينة) : القدار
تاريخ التسجيل : 14/12/2008

القدار
القدار: 2

http://www.tagged.com/ yasirsaleh

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف ياسر محمد علي في الخميس 3 ديسمبر - 17:33

(أبو ذر التجاني)


شديتو ابزمام شـــــــــــايل علوقو وزادي

واتوجهت مــن دار كاجــــــا عديت غادي

وصيتو ابزمــــام بشويش يخب بي هادي

خايفو يطير مع القمري البقوقي وشادي

****

قاصدين الغفـــــــيل ست القرين النادي

عمَّ نباها لي آخـــــــــــر المدن وبوادي

ناعمه طبيعي مبرومـه ومكحله عـادي

لا شافت كوافير لا تنس في نـــــــــادي

*****

جابو الشيه والدَّفريب وفتـحوا الرادي

قارصاً مُر طعم ببسي وعلــــيه زبادي

جابو الدرقه والصقريه رمز أجـــدادي

جروا معــــــــاي نمَّاً تنــشهربو بلادي

*****

ميَّة ميل رمــــــــال قدام شدير الحمره

وماسك السكه دوداباً عديل يا ابشمره

رافع راســــــــــــو سَّباقاً مُمَرَّك نِمره

خبَّار سكَّه شمشـــام للبخور والخمره

*****
شارد مني اتلفت كحلُّو هشــــــــــــــــابه

فرَّ اضنينو قـــــــــــايل في الدرب نشَّابه

على الجافيه الأنيس نافره ودوام هوَّابه

خُفَُه عليها فرطاق للحجـــــــــــار وكدابه
*****
من تنَّه ام حـــــراز قمنا وخلاص قافينا

وابجــــــــــــــــــالب تقول قربنا واتلافينا

من جبل العـســــــــــل تَّكال عيال صافينا

نزلوا حدَّاره قـــــــــــبال ما يعرفوا الفينا

*****

جمال الكون بهيـــــج وكتين صحبنا مهيره

قول جيلاني خـــوي حافظ الحقوق والجيره

وين يا شهر زاد مــــــالكه المجالس سيره

زغردي يا الغفيل جيــــــناكي شايلين سيره

*****

في المزروب هناك كرماً نضيف مِي عِكره

ضبَّاحين سَديس راكبين حِـــــــــرار البِكْره

يا المسدار أخوي حارســـاك قديم الشكره

قولي الليك لا تنضام ولا تشـــــــوف وكره

*****

سايحين في الديار سامعين نحـــاساً رَزَّ

عايشين بي قيم راضعين كـرامه وعزَّه

على ست الصبا المـفدوعه نُص منحزَّه

إيدو علـيــــــــــــها تكريع البلوم والوزّه

_________________

ياسر محمد علي



ذكر عدد الرسائل : 890
الموقع (المدينة) : القدار
تاريخ التسجيل : 14/12/2008

القدار
القدار: 2

http://www.tagged.com/ yasirsaleh

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف محمد عبدالله ابوزيد؟ في الأحد 6 ديسمبر - 14:50

الناس الغياب .. قلوبنا جد عازراهم
عارفين الظروف .. من الوِصال مانعاهم

خايفين كلامنا يطول .. لو قلنا في أسمائهم
احبابي يا الحلوين العافية تتغشاهم
الشوق الشديد الشديد خلاني اسال فيهم
خليهم في القلب .. والله الكريم يرعاهم

محمد عبدالله ابوزيد؟



ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف فتحى عثمان عتيق في الأحد 6 ديسمبر - 18:00

إذا انست من أحد ودادا***فزره ولاتخف منه ملالا
وكن كالشمس تطلع كل يوم***ولا تك في زيارته هلالا
الابن محمد شد حيلك ونسأل الله التوفيق لك ولاسرتك وكلنا فى انتظار جديدك ولاتخشي منا ملالا

فتحى عثمان عتيق



ذكر عدد الرسائل : 261
الموقع (المدينة) : قطر
تاريخ التسجيل : 05/01/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف محمد عبدالله ابوزيد؟ في الأحد 6 ديسمبر - 20:07

منتدانا قد روانا من رحيق السلسبيلا
منتدانا في حنايا القلب يسقينا العليلا
منتدانا يا هوانا مهوى عشاق الخليلا
منتدانا روضة للشعر والنثر الجميلا
منتدانا دوحة وريفة وظلها ظليلا
منتدانا روعة الإبداع في شمس للأصيلا

منتدانا لقدارنا بشرا حلوة ومستحيلا
منتدانا لجقوبنا دوحة راقيةياعديلا
منتدانا يامنانا ياهنانا ما اظن نجد البديلا
منتدانا فيهو ياسر وفيهو فتحي والمسادير الاصيلا
منتدانا فيهو صالح وفيهو خال فاطمة صاحب الباعالطويلا
منتدانا فيض علم من بحورلا تجف ولا تعيلا

محمد عبدالله ابوزيد؟



ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف ساتي ابراهيم في الثلاثاء 8 ديسمبر - 4:56

ديل الديمة من رد الانيس ناجعات
وكل حين فوق عليون نابى منجمعات
تيسن دور الوادى الورى القلعات
ضمر خلقة مو من قل معاش ضايعات


يا باسط الارض والسبع سموات
وكل البدبى فوقن حافى واب نعلات
دغس العين تنجيهن من الافات
لامن وخرن بيلا المعيز جامعات

_________________
[url]http://dc01.arabsh.com/i/01318/98n6va7lk6qm.swf.

ساتي ابراهيم



ذكر عدد الرسائل : 246
الموقع (المدينة) : السودان - الخرطوم
العمل/الترفيه : مهندس معماري _محاسب
تاريخ التسجيل : 09/02/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف عادل حسن حمد في الخميس 10 ديسمبر - 0:27

الإخوة فرسان الحرف // ياسر محمد علي ،، محمد عبد الله أبوزيد ،، فتحي عثمان ،، ساتي إبراهيم

جيناكم نبارك ليكم العيـــد ونزف ليكـــــم التهاني
شايلين ورود المحنة نجسد بيها أصــــدق معاني
ونتمنى ليكم عام بعده نتنسم عبير وحدة سوداني
لو تمت دي تاني والله السمـاء ان إتهد ما هماني

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف محمد عبدالله ابوزيد؟ في الأحد 13 ديسمبر - 18:11

عادل السلام العيد حبابو الجابك

نسال من زمان ليه طولتا غيابك
ركن المنتدي يسال يريد اسبابك
ضيوفنا الكرام عايزين يشوفو جوابك

محمد عبدالله ابوزيد؟



ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف عادل حسن حمد في الإثنين 14 ديسمبر - 21:58

ود أبو زيد بتمرق النصيحــة ما بتقصّــر
ولى لقـيا الحبـــايب والله يوت متحسّــــر
وأنت يا محمد دوبك بتفقد ؟ محــلك ســر
شاااايفك للتلج الكبار فى الثقافي هناك تكسّر

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف محمد عبدالله ابوزيد؟ في الثلاثاء 15 ديسمبر - 15:19


عادل يازعيم والله ماقصرتا
طمنتا للاحباب وبا الردود خبرتا
نسال من زمان انتى من روحتا
موضوع التلج يطرشني ماصرحتا

محمد عبدالله ابوزيد؟



ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف عادل حسن حمد في الثلاثاء 15 ديسمبر - 16:24

ود أبو زيد لقيت الراحة في تقريرك
يا اْميرالامراء وصلنا نحنا سفيرك
تحيتك والأخوان طلتنا وباينة في تعبيرك
يلا للقدار ومنتدانا وشد معانا بعيرك

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف فتحى عثمان عتيق في الثلاثاء 15 ديسمبر - 17:58

اني لتطربني الخلال كريمة طرب الغريب بأوبة وتلاق
وتهذنى ذكز المروؤة والندى هزة المشتاااااااااااااااااااااااااق
الاخوة الاعزاء عادل ومحمد حياكما الله وانتما تبدعان وتطربان منتداكم بما كل هو جميل ومزيدا من الابداع يا شباب

فتحى عثمان عتيق



ذكر عدد الرسائل : 261
الموقع (المدينة) : قطر
تاريخ التسجيل : 05/01/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف محمد عبدالله ابوزيد؟ في الثلاثاء 15 ديسمبر - 19:15


شديت القعود من يومك الرسلتا
لا بقطع ايصال ولا بقول رخصتا
وقت المقيل يكون في طندباية ربتا
فكيت الرسن وللحوية نزلتا
بس جيب معاك شنان والله جد نورتا
عادل من قبيل من يومك الطولتا
راجنك تعود وتعاود المانشتا

محمد عبدالله ابوزيد؟



ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف عادل حسن حمد في الثلاثاء 15 ديسمبر - 22:18

محمد بى وجودك المانشتا حقتنا تبقى مهمه
يا فارس الحـرف اللــزوم قولك يزيل الغمــه
كتاب للشعر في منتدانا وتكوس كمان للنمـه
شاحد الله الكريم يرعاك بالبقرة وعبس وعم

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف عادل حسن حمد في الثلاثاء 15 ديسمبر - 22:47

شكراً ياسر علي التثبيت



شنان أخوي مطلوب حضورك ســرعة

البوست تم تثبيتو يلاك تعال بي سرعة

من ركنك الهادي أكتح معاك كم جرعة

أكتب فوق الغزال الجاك مباري الترعة

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف ياسر محمد علي في الثلاثاء 15 ديسمبر - 22:52

محمد يا وجيه يازينة شبابا و شيبه


مــالك الكلام ماجاتنا فوقك ريبه
********

عادل ليك زمن طول علينا الغيبه

رائح مخــتفي خليت قلوبنا كئيبه

ايدك معـــانا لا تفضلا الترطيبه

نعمر منتدانا ما نسعي لي تخريبه

_________________

ياسر محمد علي



ذكر عدد الرسائل : 890
الموقع (المدينة) : القدار
تاريخ التسجيل : 14/12/2008

القدار
القدار: 2

http://www.tagged.com/ yasirsaleh

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف عادل حسن حمد في الأربعاء 16 ديسمبر - 0:43

حباب ياســر الحاوى كل جديد
وده بوستينا الجميل إن شاء الله قوى حديد
بس تثبيتو الصحيح دايرنو بالتجديد
يحمل كل خير وعمرو يبقى مديد
= = =
إتصلت الســودان عشان أعرف أخبارك
أسأل العريس الساكن هناك في جوارك
دي غلـطتي أنا الضاع مني رقم جوالك

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف محمد عبدالله ابوزيد؟ في الأربعاء 16 ديسمبر - 18:02


ياسر يااخوي نورت جد بجوابك
نغنغتا المنتدي انتا باخبارك
من الدربوق هناك سطرتا لااشعارك
عادل من هناك سال بقول مشتاقلك
شنان ابورهف اشتقنا لمسدارك
صالح ود جلال ورينا ايه اخبارك
فتحي ودعتيق والله جد مشتاقلك
خال فاطمة السلام قطعتو ليه مرسالك
الزولة الوسيم راسلنا من جوالك
يابلدي ياحبوب اشتقنا لتربالك
ولشاي اللبن في جلسة مع احبابك
يا الله الكريم تجمعنا في جناتك
في زمرة الصالحين غطينا برحماتك

محمد عبدالله ابوزيد؟



ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف خال فاطنة في الأربعاء 16 ديسمبر - 18:19

عجلك تري ياللوري الشحن ركابو
وقت ادقدمنا في البنزين شحن دولابو

ارقل ياجمل لا تكسر الدانقيل
سيدك متعود علي مشي الخلا بالليل

ارقل يا جمل لاتكسر الدراب
سيدك متعودالخلا ونسمة الهباب

خال فاطنة



ذكر عدد الرسائل : 111
الموقع (المدينة) : الدوحة -قطر
العمل/الترفيه : موظف
تاريخ التسجيل : 04/08/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف شنان عبد الرحمن في الأربعاء 16 ديسمبر - 20:58

طال بينا الزمن يا خلة ما اتلاقينا

فاض بينا الحنين والشوق ممكن فينا

ذكراكم دوام في البال والدمعة في عينينا

دي حالة الدنيا والأشغال كتيرة علينا

شنان عبد الرحمن



ذكر عدد الرسائل : 626
الموقع (المدينة) : السعودية / الريلض
تاريخ التسجيل : 02/02/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف خال فاطنة في الخميس 17 ديسمبر - 4:19

سلام عليكم يا اهل الديار الغالية
يا اهل المسادير والقوافي الحالية
من اول هالشهر والليالي التالية
كم مسدار كتبتو شاركت فيهو الجالية
طشه وما ظهر اظن جهازي بالية

معليش سامحونا ان كان كلامنا مشاتر
المسدار بجيك في لحظة عفو الخاطر
مرات في الدوام مابين ورق ودفاتر
ومرات في المسا مابين ضيوف او زاير

للمدرا والمشرفين الليلة شكري خصوص
مجهودكم كبير والله ما مدسوس
ظاهر للعيان ما بدورلو ضو فانوس
زاهي وزينة موقعناامسي تحفة عروس

خال فاطنة



ذكر عدد الرسائل : 111
الموقع (المدينة) : الدوحة -قطر
العمل/الترفيه : موظف
تاريخ التسجيل : 04/08/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف شنان عبد الرحمن في الخميس 17 ديسمبر - 13:05


ود أبوزيد مسك درب الشعر والنّم

دا عريسنا .. خلاص فارق دريب الهم

أب قلباً رهيف ما بهوى البنات من جمْ

سهلّو الطريق يارب ومع الحبيب يتلمْ

بالرفاه والبنين والمال يجيك رُزم

يغنن ليك بنات الحي إن شاء الله لي تسلم

الفارس الكريم للضيف يقول حرّم

البطن الجابتك إن شاء الله ما بتندمْ

شنان عبد الرحمن



ذكر عدد الرسائل : 626
الموقع (المدينة) : السعودية / الريلض
تاريخ التسجيل : 02/02/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف محمد عبدالله ابوزيد؟ في الخميس 17 ديسمبر - 18:14

يا ابورهف بلحيل اشتقنا لي مسدارك
ردك كان جميل اسعدنا با اخبارك
الجود والكرم ما انت اصلو مدارك
سطر يا اديب اروينا من اشعارك

محمد عبدالله ابوزيد؟



ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف ياسر محمد علي في الخميس 17 ديسمبر - 18:54

عادل حسن حمد كتب:حباب ياســر الحاوى كل جديد
وده بوستينا الجميل إن شاء الله قوى حديد
بس تثبيتو الصحيح دايرنو بالتجديد
يحمل كل خير وعمرو يبقى مديد
= = =
إتصلت الســودان عشان أعرف أخبارك
أسأل العريس الساكن هناك في جوارك
دي غلـطتي أنا الضاع مني رقم جوالك

اديــك الــرقـــم لــودرت فــوقو النيه
واحــــد وعشــــرين تختو بعــد الميه
صفر ســته اتنين شريحــــه ســودانيه
سبعه واحد خمسه تلفونك بدوروعشيه


_________________

ياسر محمد علي



ذكر عدد الرسائل : 890
الموقع (المدينة) : القدار
تاريخ التسجيل : 14/12/2008

القدار
القدار: 2

http://www.tagged.com/ yasirsaleh

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف ساتي ابراهيم في الخميس 17 ديسمبر - 22:12

ياصوت الحمام وفي الحمام الدوح
من نيران ياسر وين اقبل اروح
السبب البخلي اعضايا كلي تسوح
نضم ود علي بعد انفاسا فيا تفوح

_________________
[url]http://dc01.arabsh.com/i/01318/98n6va7lk6qm.swf.

ساتي ابراهيم



ذكر عدد الرسائل : 246
الموقع (المدينة) : السودان - الخرطوم
العمل/الترفيه : مهندس معماري _محاسب
تاريخ التسجيل : 09/02/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف ساتي ابراهيم في الخميس 17 ديسمبر - 22:15

سلام يعم اهل المسدار والدوبيت

سلام يعم الوطن ويغشانا بيت بيت

سلام للموصف بالكرم وبيهو اتربيت

يا سوداني عاشقك انا من يوم تبيت

ساتي ابراهيم



ذكر عدد الرسائل : 246
الموقع (المدينة) : السودان - الخرطوم
العمل/الترفيه : مهندس معماري _محاسب
تاريخ التسجيل : 09/02/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف خال فاطنة في السبت 19 ديسمبر - 5:06

بسم الله الاحد الواحد

خال فاطنة



ذكر عدد الرسائل : 111
الموقع (المدينة) : الدوحة -قطر
العمل/الترفيه : موظف
تاريخ التسجيل : 04/08/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف محمد عبدالله ابوزيد؟ في الثلاثاء 22 ديسمبر - 18:21

ياشنان تجيب لينا الدرر و عقودا
نار بيتك يمين ظلمة و صباح موقودا
ادينى الازن انظم قصيدتى و اقودا
ياسر في البلد مرسي الحروف مرصودا
اخلاق ناس البلد والطيبة مامشحودا
ود موسي الاديب طولتا في قوز جودا
عادل وود عتيق الفرقة مامقصودا
ساتي وخال فاطنة مرحبتين حباب العودا

محمد عبدالله ابوزيد؟



ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف ساتي ابراهيم في الأحد 24 يناير - 2:18

وراك ود البشير البعدل المقلوبه
وصداد المحن حارنات مغلى هبوبه
الدنيا امقدود جات لينا بى عرقوبه
عرمان في الحكم:؟ جنت وقلبت هوبه

_________________
[url]http://dc01.arabsh.com/i/01318/98n6va7lk6qm.swf.

ساتي ابراهيم



ذكر عدد الرسائل : 246
الموقع (المدينة) : السودان - الخرطوم
العمل/الترفيه : مهندس معماري _محاسب
تاريخ التسجيل : 09/02/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف فتحى عثمان عتيق في السبت 6 فبراير - 19:27

وين ود ابو زيد الب روايعو تب اتهنينا
وما كان قصدى البعاد لكن الشغل حرمنا
لكم تحياتي وارجو التواصل

فتحى عثمان عتيق



ذكر عدد الرسائل : 261
الموقع (المدينة) : قطر
تاريخ التسجيل : 05/01/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف محمد عبدالله ابوزيد؟ في الأحد 7 فبراير - 19:24

حبابك ود عتيق جانا الفرح هادر

ضويت المنتدي بشمموع واذاهر
فاقدنك كتير والشوق عشانك ساهر
موضوع السؤال سالنك عنك ياسر
قلينا الشغل خلاهوماهو يراسل
الشوق والحنين خلانا نحن نواصل
منتظرين قدومك يا ابومحمد واصل
للعقد الانقطع من يوم وقفت تراسل

محمد عبدالله ابوزيد؟



ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف شنان عبد الرحمن في الأحد 7 فبراير - 20:32



ود عتيق الليلة جـــانا .. بعـــد غـــــياب

حمدت ربي وقت ليهو مرحــبتين حــباب

لاجوة أدخــل ما البلد خربانة بلاك خراب

حار بينا الدليــل فكـــرنا نكتب ليك خطاب

جانا الخبر شايلوا النسيم بي رد مستطاب

قال كل الوكــت قاضــيهو أنت مع الكــتاب

العتب لأخونا ياسر إن كان لابد من عتاب


_________________

شنان عبد الرحمن



ذكر عدد الرسائل : 626
الموقع (المدينة) : السعودية / الريلض
تاريخ التسجيل : 02/02/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف فتحى عثمان عتيق في الإثنين 8 فبراير - 16:35

مرحبتين حباب ود اخوى محمد واخوى شنان
واقبلو العذر المسبب يااخوان
واقبلو العذر من ياسر الفنان

فتحى عثمان عتيق



ذكر عدد الرسائل : 261
الموقع (المدينة) : قطر
تاريخ التسجيل : 05/01/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف محمد عبدالله ابوزيد؟ في الأربعاء 10 فبراير - 20:19


في مسدارنا
شِلْنا نهارنا
في إيدينا من ساسو البحر عقدينْ
مَسَكْنا دَرِبْنا
عُمّال الطّمي الصّحونا
خابرين الدِّروب مرقوبنا في مُشْرع مَسَارب الضّيْ
لقينا الدُّنيا تترجّانا
قوقا القِمري
خَوّى صقيْر
وعَوّى حِدَيْ
وكُنّا جماعة
دابّات الأرض والسّايمة
عَوّامة البحر والطّيرْ
وحتى الغيمة قصّاصة الأَتَرْ
فوق راسنا شايفة الدّرب

ْفينا الكرم المابيكون مسلوب
عندنا البركاوي واللوبة واللبن محلوب
في القدار حضارة للملوك منسوب
نيلنا عظيم ودوحة ظليلة
واشجار النخل والمنقة
ناس طيبين
وناس زنين
سلام ومحنة للحبوبةوالخالات
من جوف المدن من موقف الركشات
كلاب ضالة ونشالين
وزحمة سير وتلاجات
حليل الدوكة والحوكاكة
والمعلاق هناك عشاكة
ومن الطبق الكبير
اتناول معاك كم طرقة
جدول ماية جاري يثرثر
والحمل الصغير
وسط المريق يتبخر
شايف الحاجة جايا
وللاوريق تفتش وتخرت
والدونكي المدورصوتو يجيك
مرة هدوء ومرة سكون
وانت تراعي
يجيك مرسال في عز الضوهر
يكون طاحونة
تمشي هناك تقيف طابور
تكون محتار
اكوب قمحي ولا استنا
خايف اللوم
عشان تطحن بين قمحين
اكيد حاطول
ولازم نعمل المطلوب
عشان الحاجة والاخوات
طرقة الكسرة تكون بيضاء
ما اصلا دي شيمتهم
بياض قلوب وبياض نية
اريت الرحلة سنوية عشان ارجع هناك بلدي
واعيش اجمل ايام عمري
وانسي ايامي العواصمية
داك دفار وديك امجاد وديك ركشة
زحمة يوم زحمة هم
بلدة حلوة بلدهادية
وانوم انشاءالله في قفة



محمد عبدالله ابوزيد؟



ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

رد: مسدار دوار

مُساهمة من طرف محمد عبدالله ابوزيد؟ في الإثنين 28 يونيو - 20:09

الزول الجميل صاحب القدوم والجيا

طولتا الفراق من ديارنا بس ما تكون منسيا
راجنك تعود من الصباح بسلام وتحيا
السفر مقسوم بس اطرانا ودئما ايامك هنيا

محمد عبدالله ابوزيد؟



ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

صفحة 2 من اصل 2 الصفحة السابقة  1, 2

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى