منتديات القدار
نرحب بك في منتديـــــــــــات القدارالغرة القدار المغرة
@@@@@@@@@@@@@@@@


تعـــالو مـحـــل مـا الـمـحـنـة أيــــادي تقــطـر ســــــلام
سـمـاحـــة الـحـيـاة فــــوق أهـلـنا القدار يقــرقـر وئــام
تـدخـلــــوا وتقعـــــــــــدو في ســــــــــــــــــــــلام
بـســاط أحـمـدي كــم يـشـيلـنـا قـدارنا تـمــــام التمـــام
نتشــرف بتسجـيـــلك في منتــدي القــدار

عادل حسن حمد فى كرسى الاعتراف ينتظر أسئلتكم

استعرض الموضوع السابق استعرض الموضوع التالي اذهب الى الأسفل

عادل حسن حمد فى كرسى الاعتراف ينتظر أسئلتكم

مُساهمة من طرف سوزان صالح حسن عبدالله في الثلاثاء 4 أغسطس - 22:29

السلام عليكم ورحمة الله وبركاته


صباح الزهر اذا تمايل في الصباح ..
على شرفات قلوبكم الطاهره ...
يبعث اريج الورد مع قطرات الندى الى شبابيك الامل
فترسم الفرحة ابتسامة انتم اصل وجودها ...
فصباحكم أمل يداعب همسات نفوسكم الرائعه ...

ومسائكم قمر نسج من خيوط النور وشاح من حب ...
يلملم القلوب ويبعثر خفقات الإخاء بين الأخوان المتحابين هنا في
منتديات القدار
اخواتي واخواني أهل الحب والطيبة والإحساس ..
أهل الموده في منتديات القدار







لن أطيل عليكم كثيرا ولن أبعثر الكلمات عبثا أمام حضرت تواجدكم
هنا في كرسي الإعتراف ...


ضيفنا لهذا الأسبوع شمس أشرقت في سماء منتدانا ...
شمس أرسلت أشعتها الذهبية في أرجاء المنتدى وأركـــانه لتترك الدفء
والمحبة والأخوة في نفوس كل الأعضاء....
ضيفنا اليوم إنسان هادئ في اسلوبه ..
كريم في عطائه..
صادق في تعامله ...
اثبت وجوده وبجداره..



ضيفنا اليوم ..الجميع يعرفه من حضوره القوي
هو عازفنا المبدع والمتميز دوما بكلماتـــه
صاحب القلب الكبير والضحكه المتميزهـ
الــــ هاهاهاهاها أدامها الله عليك عمى الغالـــــــــــــى




والآن أتوجه إليك وأدعوك إلى أن تعتلي كرسي الإعتراف
لتكون ضيفنا لهذا الأسبوع
وأعتذر على تأخيري في تنزيل الموضوع









وأتمنى من الله عز وجل أن يروق لك المقام هنا في كرسي الإعتراف ..
و تفتح الأوراق البيضاء لترد على أسئلة الأعضاء



,,
والآن
نرحب بالجميع
وكل من لديه أسئلة
فليتفضل بطرحها
,,
ودي واحترامي للجميع

سوزان صالح حسن عبدالله



انثى عدد الرسائل : 320
الموقع (المدينة) : السودان-الخرطوم
العمل/الترفيه : مهندسة
تاريخ التسجيل : 30/03/2009

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف عادل حسن حمد في الأربعاء 5 أغسطس - 5:27

السلام عليكم ورحمة الله وبركاته
- وعليكم السلام ورحمة الله وبركاته ،،،
صباح الزهر اذا تمايل في الصباح ..
على شرفات قلوبكم الطاهره ...
يبعث اريج الورد مع قطرات الندى الى شبابيك الامل
فترسم الفرحة ابتسامة انتم اصل وجودها ...
فصباحكم أمل يداعب همسات نفوسكم الرائعه ...
ومسائكم قمر نسج من خيوط النور وشاح من حب ...
يلملم القلوب ويبعثر خفقات الإخاء بين الأخوان المتحابين هنا في
منتديات القدار
اخواتي واخواني أهل الحب والطيبة والإحساس ..
أهل الموده في منتديات القدار
- أنت بتشكريني ولا بتشكري الأعضاء التانين ؟
لن أطيل عليكم كثيرا ولن أبعثر الكلمات عبثا أمام حضرت تواجدكم
هنا في كرسي الإعتراف ...
- أنت خليتي حاجة ...
ضيفنا لهذا الأسبوع شمس أشرقت في سماء منتدانا ...
شمس أرسلت أشعتها الذهبية في أرجاء المنتدى وأركـــانه لتترك الدفء
والمحبة والأخوة في نفوس كل الأعضاء....
ضيفنا اليوم إنسان هادئ في اسلوبه ..
كريم في عطائه .. صادق في تعامله ... اثبت وجوده وبجداره..
- أكيد أنا ما مقصود لأني ما (شمس ) أنا قمر ..
- ذكرني ( توفي موظف في شركة المدير رسل موظف آخر عشان يعمل ليهو نعي في جريدة راح وأتفق مع رئيس التحرير عشان ينزل النعي ، اليوم الثاني المدير سأل الموظف يطمأن علي النعي قال ليهو والله النعي نزل والاسم ياهو زولنا زاتوا بس الكلام المكتوب يمكن مقصود بيه زول تاني (الكلام كان سمح))
ضيفنا اليوم ..الجميع يعرفه من حضوره القوي
هو عازفنا المبدع والمتميز دوما بكلماتـــه
صاحب القلب الكبير والضحكه المتميزهـ
الــــ هاهاهاهاها أدامها الله عليك عمى الغالـــى
- قاصدة منو أنت ؟؟
والآن أتوجه إليك وأدعوك إلى أن تعتلي كرسي الإعتراف
لتكون ضيفنا لهذا الأسبوع ،، وأعتذر على تأخيري في تنزيل الموضوع
- متين أنشاء الله كنت عندك النية تقعديني علي الكرسي ،، معقووول بس قبل أحمد وساتي ؟؟
وأتمنى من الله عز وجل أن يروق لك المقام هنا في كرسي الإعتراف ..
مره مروقني ...بس لو يشيلوا أحمد ، ساتي محجوب ، شنان ، صالح خالد ، أحمد محمود ، حسن موسى ، أحمد محمد علي أبوزيد و الصادق أبو منه يكون أحسن
و تفتح الأوراق البيضاء لترد على أسئلة الأعضاء
- لا أنا مأحب أي واحد يكلمني ولا عايز أكلم أحد ... أنا مخاصمكم كلكم ..

- ومشكورة سوزان على الاطراء والبكش ... بس كله ولا الكرسي ما عايزو إعتذر منوا .... لاني لو جاوبت علي إستفساراتكم بخرب الدنيا .. وانتو اكيدما بتكونوا راضين مني .. أفي عليكم .. شوفوا واحد ثاني وخلوني أنا أخر واحد ,, أنا أصلا عشان خاطر أحمد وساتي وفرنديب صالح خالد وأحمد محمود قررت أني جنب الكرسي دا ما أجي وبعدين أصلا مافي كرسي ولا بنبر أنتوا عايزين أكون واقف طولي ولا شنو ؟؟
والآن ،، نرحب بالجميع ،،
- وجهوا الأسئلة للجميع و أول سؤال علّي أنا ..
وكل من لديه أسئلة ، فليتفضل بطرحها ،،
- علي منو يطرحوها علي منو الأجوبة حدد واحد بالأسم ، أنا غايتوا أخترت آخر واحد ..؟؟ ... والجايين وكت الفطور أخير ليهم يرجعوا لي أحمد .. أنا العندي


ودي واحترامي للجميع
- مودتي بلا حدود

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف احمد عبد الحليم في الأربعاء 5 أغسطس - 17:40

مرحب بيك يا عادل على الكرسي

وما تخاف أنا وساتي حنتفرج بس

احمد عبد الحليم



عدد الرسائل : 409
تاريخ التسجيل : 19/11/2008

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف ساتى محجوب يس في الأربعاء 5 أغسطس - 17:51

السلام عليكم ورحمته
من كتر الشوق قلبنا الإنتظار
ومن الفرحه ماقادر أقول حاجه
وياأحمد اتفرج ساااااااااااااااااي
والبوست لحدى رمضان حيكون مفتوح ولا شنو ياسوزان
أكيد راجع

ساتى محجوب يس



ذكر عدد الرسائل : 127
الموقع (المدينة) : الفاشر
العمل/الترفيه : مهندس
تاريخ التسجيل : 27/03/2009

القدار
القدار: 2

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف عادل حسن حمد في الأربعاء 5 أغسطس - 22:48

ساتي وأحمد خليكم كدا دائما متفرجين
وبعدين ياتوا رمضان أنا معاكم لغاية عيد الأضحى البعد الجاي

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف شنان عبد الرحمن في الخميس 6 أغسطس - 16:00

يقف القلم إنتباه في حضرة سعادتكم وتتبسم الصفحات طرباً عندما تعلم أن هذا القلم يسطر في حق ذاك الرجل القامة . الانسان الرائع ، المبدع ، المتألق والمتجدد دوماً .
هكذا عهدناك أينما حللت تملأ المكان حركة وحياة ، لم تألف الروتين ولا اليأس ولا تعرف المستحيل . رجل أخو أخوان إجتماعي من الدرجة الأولى . أعانك الله وسدد للخير خطاك .
وسؤالي لك هو :-
1 - بما أنه ومن هذا المنطلق وحيث أن السماء والأرض ، إذاً ما هو الفرق بين السماء والأرض وما هو وجه الشبه بينهما . وإذا كانت الإجابة بنعم تحدث بإيجاز فيما لا يقل عن 250 كلمة فقط لاغير .
2 – ما هو تقييمك للمنتدى وخاصة تبقى تقريباً شهر لإكمال عام من تأسيسه ؟.
3 – 11/9/2009 هو عيد ميلاد المنتدى هل سيكون هناك احتفالات بهذه المناسبة ؟ وإذا كانت الإجابة بنعم ما هو المطلوب حتى يخرج الاحتفال بالمستوى الذي يرضي ذوق الجميع .
4 – هناك الكثير والكثير من المقترحات والرؤى لكثير من القضايا التي تخص القدار طرحت بالمنتدى بأي عين تنظرون لها ؟ .
5 – رابطة طلاب القدار بالجامعات .. لها قسم خاص بالمنتدى ما هو تقييمكم لأدائها ؟ .
لكم التحية والتقدير ولي عودة ان شاء الله .

شنان عبد الرحمن



ذكر عدد الرسائل : 626
الموقع (المدينة) : السعودية / الريلض
تاريخ التسجيل : 02/02/2009

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف عادل حسن حمد في الخميس 6 أغسطس - 22:47

يقف القلم انتباه في حضرة سعادتكم وتتبسم الصفحات طرباً عندما تعلم أن هذا القلم يسطر في حق ذاك الرجل القامة . الإنسان الرائع ، المبدع ، المتألق والمتجدد دوماً .
هكذا عهدناك أينما حللت تملأ المكان حركة وحياة ، لم تألف الروتين ولا اليأس ولا تعرف المستحيل . رجل أخو أخوان اجتماعي من الدرجة الأولى . أعانك الله وسدد للخير خطاك .
شكري لكلماتك الدافئة ، الصادقة والبشوشة ، شكرا لكل نبض من فؤادك العامر حبا ونبلا وصدقا ،، الله لا يحرمنا منك يا حبيب قساي
وسؤالي لك هو :-
1 - بما أنه ومن هذا المنطلق وحيث أن السماء والأرض ، إذاً ما هو الفرق بين السماء والأرض وما هو وجه الشبه بينهم . وإذا كانت الإجابة بنعم تحدث بإيجاز فيما لا يقل عن 250 كلمة فقط لا غير .
لا لا طبعا أخي شنــان لأن المتغيرات الحقيقية والمحتملة الناشئة عن حقيقة التشبيه في منظومــة مرتكزات الحقيقة قد ينشأ عنها وضعنا حقيقيا يغير مرتكزات التشبيهــات التي نظمت قيام ما تم تغييره من ركائز لا تقبل التشبيه أساساً ....
2 – ما هو تقييمك للمنتدى وخاصة تبقى تقريباً شهر لإكمال عام من تأسيسه ؟
بصراحة المنتدى وصل لمرحلة متقدمة جدا ما كنت أتوقعه قدم معلومات متميزة و جديدة و مفيدة ،، قدم مواضيع قوية وغنية و متجددة ،، مواضيع تناسب كل المستويات تقريبا أي عضو وجد نفسه في المنتدى ،، وجدنا فيه أيضاً روح الاجتهاد لخلق مواضيع جديد وجدنا من يكتب تجربته بنيه صادقة لإفادة غيره و نشر معلومة جديدة .. قرأت في مقال للأستاذ والباحث سيف الدين عيسى مختار وهو يقييم منتديات قرى ومناطق الولاية الشمالية وكان منتدى القدار من ضمن العشرة منتديات الأكثــر شهرة ...
3 – 11/9/2009 هو عيد ميلاد المنتدى هل سيكون هناك احتفالات بهذه المناسبة ؟ وإذا كانت الإجابة بنعم ما هو المطلوب حتى يخرج الاحتفال بالمستوى الذي يرضي ذوق الجميع .
أكيد أكيد ، بجد ما عندي تصور محدد للإحتفال بعيد الميــلاد لكن بتمني يوم 11/09/2009م ، يكون كل أبناء القدار موجودين ومتواصلين في منتدى القدار وموقع القدار الجديد ، حتى ولو بالمراسلة عن طريق الأعضاء المسجلين حتى نطمأن أنه متابعين لما.. بس ياريت الناس تفكر في المناسبة ونستفيد منها – وأقدم مقترح بأن يكون :
صالح محمد خالد : من الخرطوم
شنان عبد الرحمن : من الرياض (السعودية)
أحمد محمود : من جدة (السعودية)
ياسر محمد علي : من القدار
سوزان صالح : ممثل بنات القدار
أحمد محمد علي أبوزيد : ممثل طلاب القدار
يكونوا لجنة عليا للاحتفال بعيد الميــلاد ويتشاورا حتى لو عن طريق فتح بوست لذلك ويكون توصياتهم ملزمة لجميع الأعضاء ..

4 – هناك الكثير والكثير من المقترحات والرؤى لكثير من القضايا التي تخص القدار طرحت بالمنتدى بأي عين تنظرون لها ؟ .
نعم ، أهمها هي موضوع التنمية في القدار ما ذلنا ننتظر مقترحات واقعية ومعقولة والأخ // الباشمهندس صالح صاحب البوست من الحرصين جدا علي تنمية القدار ، ولكن التعليقات والمقترحات التي طرح لا أريد تصغيرها ولكنها محتاجها لمزيد من التداول ومزيد من المقترحات وتوسيع دائرة المتداخلين في الموضوع ، حتى لو طبع هذا الموضوع وعرض علي بعض أبناء ورموز القدار الذين لا يمكنهم الدخول للمنتدى لأي سبب .. وأتوقع أن تتسع تلك الدائرة بعد تدشين موقع القدار ((القدار أرض الحضارات))
5 – رابطة طلاب القدار بالجامعات .. لهم قسم خاص بالمنتدى ما هو تقييمكم لأدائه ؟
غير فاعل والأخوة في الرابطة أيضاً وجودهم في المنتدى ليس بالمستوي المطلوب ، فقط حضور جزء من المكتب التنفيذي ويمكن وصفه بالضعيف جدا ،، كنت متوقع أن يكون أنشط أعضاء المنتدى من الرابطة كما عودتنا دائما ، حاملين هموم القدار ، غياب كامل الطالبات ، عندما تم تكوين الرابطة كان عضويتها (64) طالب وطالبة قبل (16سنة) بقيادة رفيق الدرب الشهيد بإذن الله // خالد عابدين فضل الله ، وكان العدد بتزايد بمتوالية هندسية ، دعنا نحسب فقط علي (64) طالبا سنويا أين هم ،، لماذا لم نرهم ولا نسمع بهم ، هل هم يقاتلون في جبهات أخرى ؟ .. أم ماذا عنهم ؟؟ ..
لكم التحية والتقدير ولي عودة أن شاء الله ...
لهم التحية والتقدير (عندك شنو تاني) .....

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف سوزان صالح حسن عبدالله في الخميس 6 أغسطس - 23:42

كما تعودنا دئماً :

نضع صديق واخ وعضو مثالي او مشرف تحت طائل اسئله الاعضاء


ووبل من الاسئله التي يجد فيها من هو على الكرسي نفسه

ونرى مدى ذكاء العضو في الاسئله الجامد او

وكل من سبق كانوا نعم الاختيار ونعم الاجوبه

فالآن معنا الاخ عادل لاهل القدار ولى انا عمى الغالى على كرسي الاعتراف

واسال الله ان تلقى في هذا المكان الراحه

وابدا انا الاسئله التقليديه

بطاقتك الشخصيه العم عادل حسن حمد..

مرحباااااااااااااا::
اخبارك يا عمى
1) س كما تعودنا ان ناخذ راي الجميع بكرسي الاعتراف فمارايك عمى بكرسي الاعتراف
2)س هل مفاجأت جلوسك على كرسي الاعتراف لها وقع في نفسك ؟ وماهو شعورك وانت على كرسي
3)س -كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى

الأمنية اللي تتمناها ... ؟
والبوست لحدى رمضان حيكون مفتوح ولا شنو ياسوزان
باذن الله الاعمام الاعزاء ساتى وأحمد وكل الاعضاء فى المنتدى

ولى عوده ان شاء الله......

السلام عليـــــــــــــــــــــــــــــــــــــكم

سوزان صالح حسن عبدالله



انثى عدد الرسائل : 320
الموقع (المدينة) : السودان-الخرطوم
العمل/الترفيه : مهندسة
تاريخ التسجيل : 30/03/2009

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف أحمد محمود في الجمعة 7 أغسطس - 3:28

ه أخيراً عادل زاتو (شخصياً) Smile طبعاً أنا ما حأكتر عندي 25 سؤال بس ، ... ونبدأ ...
1/ أرجو الإجابة عن كل مما يأتي بتلاتة كلمات على الأكتر(!) :
-القدار(في 3 كلمات):
-منتدى القدار (في 3 كلمات):
-كرسي الاعتراف (في 3 كلمات):
-الاغتراب (في 3 كلمات):
2/ أنت في رحلة جوية تستغرق 6 ساعات ، وطلب منك اختيار ما يلي .. فماذا تختار ولماذا؟ :
- كتاب واحد ( علماً بأن المصحف موجود في الطائرة)
-أكلة واحدة
-3 أصدقاء من القدار
3/ وأنت تتجول في شوارع جدة ، وجدت (الفانوس السحري ) ، وسيحقق لك أمنية واحدة فقط في كل مجال مما يأتي ، ما الأمنية التي ستختارها ؟ ولماذا؟؟؟
- في المجال الشخصي :
-لتنمية القدار:
- لمنتدى القدار:
4/ أنت الآن رئيس وزراء حكومة السودان ، وقد خصصت 3 وزارات لأبناء القدار ، فمن الوزراء- من القدار- الذين ترشحهم للوزرات الآتية في حكومتك ولماذا؟ :
-وزارة المالية:
-وزارة الزراعة:
-وزارة الشباب والرياضة:
5/في منتدى القدار وبصراحة جداً - في رأيك -:-
- أجمل بوست أعجبك ، ولماذا ؟
-عضو تعجبك مشاركاته ، ولماذا ؟
-أفضل وقت لتصفحك المنتدى ، ولماذا؟
-شخص تمنيت أن يسجل بالمنتدى- ولماذا تمنيت ذلك - ، وسجل بالفعل .
-شخص تمنيت أن يسجل بالمنتدى - ولماذا تمنيت ذلك - ولم يسجل إلى الآن .
6/ .... باقي (20) سؤال ، نأجلهم شوية lol! ....

أحمد محمود



ذكر عدد الرسائل : 189
الموقع (المدينة) : المملكة العربية السعودية - جدة
العمل/الترفيه : مشرف تربوي
تاريخ التسجيل : 26/04/2009

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف ساتى محجوب يس في السبت 8 أغسطس - 14:41

سلام جديد ومتجدد
عهدنا يلملم أطراف القصه ليجعها سهله الفهم
لمسنا حبه للجميع
الفنا فيه التواضع الجميل
نسعد ونستمتع بكتاباته ومداخلاته
كفايه
1 صباح الخيرات
2 ماهو أول شئ تفكر فيه مع صباح كل يوم جديد (البلد الشغل شنو بالضبط)
3 هل أنت راض عن نفسك
4 في كلمه واحده صف نفسك
5 قلم الرصاص والقصب جوه الخرتايه ذكريات لا تنسى (دقه كاربه لاتنسى السببوأستاذ منو)
6 تحت الجبل والحفير والسيفون والدربوق وسوق الثلاثا ذكريات عالقه تحدث بإسهاب
7 الحب عندك ماذا يعنى
ودى وراجع

ساتى محجوب يس



ذكر عدد الرسائل : 127
الموقع (المدينة) : الفاشر
العمل/الترفيه : مهندس
تاريخ التسجيل : 27/03/2009

القدار
القدار: 2

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف عادل حسن حمد في الأحد 9 أغسطس - 15:45

كما تعودنا دئماً :

نضع صديق وأخ وعضو مثالي أو مشرف تحت طائل اسئله الاعضاء
الحالة
ووابل من الأسئلة التي يجد فيها من هو على الكرسي نفسه
ونرى مدى ذكاء العضو في الأسئلة الجامد أو وكل من سبق كانوا نعم الاختيار ونعم الاجوبه ،، فالآن معنا الاخ عادل لاهل القدار ولى انا عمى الغالى على كرسي الاعتراف ،، واسال الله ان تلقى في هذا المكان الراحة ،، وابدا انا الاسئله التقليديه
نلتقي نعم بس في كرسي الأعتراف لا ...

بطاقتك الشخصيه : العم عادل حسن حمد..
مكتوب فيها / عادل حسن حمد رقمها 14072 تاريخ الإصدار / 18/02/1430هـ صالحة / لمدة سنتين
مرحباااااااااااااا:: أخبارك يا عمى
تمام والله يا بت أخوي
1) س كما تعودنا ان ناخذ راي الجميع بكرسي الاعتراف فمارايك عمى بكرسي الاعتراف
كرسي الإعتراف جميل قلت بس لو يشيلوا أحمد ، ساتي محجوب ، شنان ، صالح خالد ، أحمد محمود ، حسن موسى ، أحمد محمد علي أبوزيد و الصادق أبو منه يكون أحسن ،، مريح جدا الواحد يقعد ملك
2) س هل مفاجأت جلوسك على كرسي الاعتراف لها وقع في نفسك ؟ وماهو شعورك وانت على كرسي ..
نعم كانت مفاجيء رغم أني كنت متوقع أجلس علي الكرسي قبل هذا اليـوم ، لأن كنت أعلم تماماً نوايا أحمد عبد الحليم وساتي وآخرون ،، لكن المفاجأة كانت في نفس اللحظة الدخل فيها المنتدى وأنا أعد العدة ليعتلي هذا المكان الباشمهندس // مهدي صالح ،، وجدت عادل حسن حمد (الأسم بالكامل ) يعني لو في أي أسم ناقص كان لصقتوا في مهدي ...
3) س كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى الأمنية اللي تتمناها ... ؟
والبوست لحدى رمضان حيكون مفتوح ولا شنو يا سوزان
ولا شنو يا عادل (أنتي عاملاه مزيرة سبيل ولا شنو)
باذن الله الاعمام الاعزاء ساتى وأحمد وكل الاعضاء فى المنتدى
ما كنت متوقعك يا سوزان خاتة راسك مع ديل
ولى عوده ان شاء الله ......
شيلي فولك وأمشي أخاف ترجعي ما تحصلي إلا موية الفول ..
السلام عليـــكم
وعليكم السلام ورحمة الله وبركاته ..

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف عادل حسن حمد في الإثنين 10 أغسطس - 3:28

ه أخيراً عادل زاتو (شخصياً) طبعاً أنا ما حأكتر عندي 25 سؤال بس ، ... ونبدأ ...
وجيه بالله مو صح عليك الله يا أحمد ..
1/ أرجو الإجابة عن كل مما يأتي بتلاتة كلمات على الأكتر(!) :
- القدار(في 3 كلمات) : النقاء ، البساطة ، الراحة
- منتدى القدار (في 3 كلمات) : الملتقي ، النزهة ، الراحة
- كرسي الاعتراف (في 3 كلمات) : النكتة ، الصراحة ، التفتيش
- الاغتراب (في 3 كلمات) : ...... ، الآلام ، الوحدة
2 / أنت في رحلة جوية تستغرق 6 ساعات ، وطلب منك اختيار ما يلي .. فماذا تختار ولماذا؟ :
- كتاب واحد ( علماً بأن المصحف موجود في الطائرة) مدارج السالكين في شرح مناز السائرين // أبن القيم
- أكلة واحدة // معليش الأكل دا أعفيني منو السبب : لأنوا ما عندي أكلة معينة باكل حفظ حياة بس
- 3 أصدقاء من القدار : أي ثلاثة من القدار ما عدا ساتي محجوب ، أبوهو الله يدي العافية بشتني بشتنة في الإبتدائية
3 / وأنت تتجول في شوارع جدة ، وجدت (الفانوس السحري ) ، وسيحقق لك أمنية واحدة فقط في كل مجال مما يأتي ، ما الأمنية التي ستختارها ؟ ولماذا؟؟؟
- في المجال الشخصي : التنمية القدار : لمنتدى القدار :
فقط الإتفاق بين أهلي في القدار ونكون يد واحد في السراء والضراء مترابطين ،، عشان النية صادقة أتنازل من حقي الشخصي وحق منتدى القدار لتكون
3 / أنت الآن رئيس وزراء حكومة السودان ، وقد خصصت 3 وزارات لأبناء القدار ، فمن الوزراء- من القدار- الذين ترشحهم للوزرات الآتية في حكومتك ولماذا؟ :
- وزارة المالية : كانور ولا هو ما مات طيب علي صديق
- وزارة الزراعة : محمد حمد علي (عمي)
- وزارة الشباب والرياضة : أحمد دردق
5 / في منتدى القدار وبصراحة جداً - في رأيك -:-
- أجمل بوست أعجبك ، ولماذا ؟ شاعر الشمال وأهدا لأعضاء منتدي القدار // فيه أجتهاد من الأخوة // حسن موسى وشنان
- عضو تعجبك مشاركاته ، ولماذا ؟ مهدي صالح عزير // يختار المواضيع بعناية فائقة
- أفضل وقت لتصفحك المنتدى ، ولماذا؟ بالنهار لاني بسرق شبكة من الشركة القريبة مننا باللاسلكي
- شخص تمنيت أن يسجل بالمنتدى - ولماذا تمنيت ذلك - ، وسجل بالفعل .
جد كثر ومنهم الباشمهندس صالح ، ساتي ، أحمد محمود
- شخص تمنيت أن يسجل بالمنتدى - ولماذا تمنيت ذلك - ولم يسجل إلى الآن
كثر أيضاً منهم عبد الرءوف عبد الله ، أعرف مقدراته في الكاتبة والمشاركة في المنتدى ومدي الإستفادة منه في هذا المنبر

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف عادل حسن حمد في الإثنين 10 أغسطس - 3:52

سلام جديد ومتجدد
عهدنا يلملم أطراف القصة ليجعها سهله الفهم ،، لمسنا حبه للجميع ،، ألفنا فيه التواضع الجميل ،، نسعد ونستمتع بكتاباته ومداخلاته ،، كفاية
1 / صباح الخيرات ..
أهلا أهلا أهلا أخي ساتي صباح الورود كيف حالك متين جيت الجماعة كلهم كيف ؟؟
2 ما هو أول شيء تفكر فيه مع صباح كل يوم جديد (البلد الشغل شنو بالضبط)
متين نرجع من الشغل ننوم قبل دعاء ما تصحى
3 هل أنت راض عن نفسك
لا لا ،، بس أطمأن راضي عنك
4 في كلمه واحده صف نفسك
سمح
5 قلم الرصاص والقصب جوه الخرتاية ذكريات لا تنسى
ما حصل يوم واحد مشيت المدرسة وقلم الرصاص حقي مبري ، كنت متخصص في (قلم رصاص زائد) ولا كاسر لي قلم رصاص بـ سني
(دقه كاربه لاتنسى السببو أستاذ منو)
أيام لها إيقاع أبوك يا ساتي كان متخصص فيني ،، كنا نستعمل دائما (الرديف) أو كما عودنا عبد العظيم البشري وكان متخصص في عمل (الكركاسة) من أنبوب لساتك العربات ، والغياب من الحصة المعروف فيها دق (ما كاتب واجب ولا ما مصحح ولا ما حافظ ) ، بالذهاب للعيادة ... لا ننسى في المرحلة الابتدائية الأستاذ المغفور له بإذن الله / محمد صالح علي ، وأرباب ، ومحمد علي ... وأيضاً محجوب يس الذي كان يستعمل دائما ً الترهيب والخلعة النفسية وكان يولي ذلك الجانب الأعظم في سياساته التعليمية مما حدا بالكثيرين من الطلاب ترك المدرسة بسببه ، وذلك نفس الأسلوب الذي كان يستعمله الأستاذ المرحوم / يحيى محجوب ، كان أيضاً هو الآخر سبب فرار الكثيرين ،، ولا أنسى حصة الإنجليزي وبالتحديد الــ ، (Spelling) والاستعداد بالكركاسة ،، تنتظر الراجيك , تتزاوق لأنو الدق للجميع وأتذكر أحمد محمود الحاضر دا ومعاهوا عبد الله حسن خبير كانوا متخصصين في (الطرفة ، أداء من أدوات الدق) ..
6 / تحت الجبل والحفير والسيفون والدربوق وسوق الثلاثا ذكريات عالقه تحدث بإسهاب
الجبل : الكورة والسهر ولعب الكعود , الشد ، البكبكوس ’ الطنبور ، العوم ، المدينية ، ومنقة أبى خالد وجنينة سكوري ، ومدينية أبوقمصان ، وبرتكان ود علي ألخ ...
والله يا هباش دي ياها التهبش العايزنوا ذاتوا أنت فتحت ليك خلاص عشان كدا لازم نفتح لينا بوست مخصوص للموضوع دا ، لأنو في أعضاء كتااار في المنتدي دا سفوا معاي من القوز وأتبشتنوا بين الجبل والسفون والحفير الدربوق ،، صالح خالد دا كان تلقاه طالع من الحفير أغغغغغغغغغغغغغغغغبش ،، وكان متخصص في قبيض الطيور ،، بابكر تلقاهو في نص الحفير المكان اليغرقنا تلقى الموية ماسكاهو هنا ،،

7 / الحب عندك ماذا يعنى التوافق الروحي البعيد عن الماديات والمحسوسات
ودى وراجع ،، لا تتطول ..

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف احمد عبد الحليم في الإثنين 10 أغسطس - 16:34

الأخ عادل أسئلة على خفيف كدا لغاية ما الناس المختفية تظهر لانو المنتدى في حالة ركود هذه الأيام؟



1- في البداية فكرة المنتدى كيف نبعت ؟ وهل كنت تتوقع وصول الأعضاء لهذا العدد في عام المنتدى الأول؟

2- ليس كل ما يتمناه المرء يدركه... ما هو الشيء الذي تمنيته وأدركته وما هو الشيء الذي تمنيته ولم تدركه؟

3- ما هو شعورك عندما تواجه شخص لا يستطيع تفهمك؟؟

4- أكثر كلمه بترددها دائما ؟؟

5- ما هو الشيء الذي تخاف منه؟

6- ما هو أكثر موقف مؤثر مررت به ؟

7- اختر خمس أعضاء من المنتدى وأعطيهم ألقاب من عندك؟

8- ماذا تقول عن المديح هذه الأيام ؟

وأكيييييييد راجع

احمد عبد الحليم



عدد الرسائل : 409
تاريخ التسجيل : 19/11/2008

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف ساتى محجوب يس في الثلاثاء 11 أغسطس - 15:55

ى كرسى الإعترررررررررررراف
سلام
ردودك كويسه
8 اين أنت من العولمه وهل تعتقد أنها تتناسب معك من حيث الشكل والطول والعرض والمضمون وماهو الفرق بين الممكن واللا ممكن وماهو وماهو إحساسك تجاه المتعولمون من الرجال والنساء وهل يمكن تفيد فى الجانب النفسى الشخص

دائما تؤدى زحمه السير فى ضياع الزمن عرفنا بأسهل الطرق التى يمكن ان توصلك الئ 9
هدفك المشود
10 ذيدنى من دلك شويه شويه وكتر الأشواق على شخص تشتاق اليه بشده من هو
11ماهى اكثر الكلمات المعبره والتى تعبر عن
الحب
الحزن
الغضب
الشوق
12 الإعتذار صعب أو سهل بالنسبه لك
13 الآن ماذا تتمنى
14 المنتدى فى تقديرك الشخصى يعنى
راجع اكيد وراجع توقيعى

ساتى محجوب يس



ذكر عدد الرسائل : 127
الموقع (المدينة) : الفاشر
العمل/الترفيه : مهندس
تاريخ التسجيل : 27/03/2009

القدار
القدار: 2

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف حسن موسى في الخميس 13 أغسطس - 3:55

ابعث لك التحية والتقدير الاستاذ/عادل ومن المفترض تكون اخر عضو تتم استضافته فى المنتدى لاكين نقول حصل خير والمبدر فى النزله احسن
وبعدين ياخوى انا والجماعة الذكرتهم سوينا ليك شنو وشانى فينا حملة قدر كدا
كرسي الإعتراف جميل قلت بس لو يشيلوا أحمد ، ساتي محجوب ، شنان ، صالح خالد ، أحمد محمود ، حسن موسى ، أحمد محمد علي أبوزيد و الصادق أبو منه يكون أحسن ،، مريح جدا الواحد يقعد ملك
وهسع الجماعة الذكرتهم ديل كلهم حنان عليك وبالدليل معظمهم ماسالوا حتى الان ليش تظلم الناس كدا
ويلا نبا بسؤال سؤالين لمن نرجع (واذا عدتم عدنا)
1/ سئل احد الشعراء انت القائل فى شعرك هذا البيت
......................................................
قال الشاعر نعم
وقيل له قول جميل ولاكن سبقك من وضعوا ثمانية وعشرين حرفآ للهجاء فهل لك ان تزيد عليها حرفا واحدا
فسكت الشاعر وقال ماعهدت لى سكوتا كهذا السكوت . اذكر البيت الذى قاله الشاعر
2/ بكل صراحة اول اتصال من جوالك لمين كان الساعة/ اليوم /السنة/التاريخ؟
3/احدى سفرياتك من الغدار الى الخرطوم فى الذاكرة
4/ سؤال جادى فيه انا ليش بعض الصلوات سر والاخرى جهر
ناوى الرجعة تانى

حسن موسى



ذكر عدد الرسائل : 405
الموقع (المدينة) : السعودية
تاريخ التسجيل : 12/02/2009

القدار
القدار: 2

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف محمد عبدالله ابوزيد؟ في الخميس 13 أغسطس - 15:19

الاخ عادل معليش اتاخرنا عليك
1/ موقف طريف مرة بك
2/ثلاثة ورود لمن تهديها في المنتدي
3/نصيحة غالية لمن تقدمها
4/من سيخلفك في هذا الكرسي


تحياتي

محمد عبدالله ابوزيد؟



ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف صالح محمد خالد في الخميس 13 أغسطس - 20:51

والله نحمد الله
كنت مسافر يا عادل وجيت متحضر لي احمد عبد الحليم ولقيت الموضوع مقفول!!
والله اتمغست مغسة شديييييييييييييدةبتفشاها فيك
مشتاق ليكم احبتي جميعآ غاية الشوق ولي منتداكم
الاخوان احمد عبد الحليم وشنان فاتونا الاثنين في كرسي الاعتراف!!!!!
الاخ الحبيب عادل والعم لزم بقرابة الدم
عاصرناه طفلا وشابا ولنا معه حياة كاملة وذكريات جميلة وحبيبة الي النفس لا تنسي ولا يمكن ان تمحوها المسافات ولا بعد الزمان
كنترول المنتدي الاول واحد اعمدته الشوامخ
متي واين وكيف بدات فكرة المنتدي؟
اي الاوقات احب اليك؟
اين تجد نفسك؟ في اي زمان واى مكان؟
القدار التي نسكنها وتسكننا الي اين تتجه الآن في رأيك؟ وكيف تتصورها بعد 10سنوات قادمة باذن الله؟
ولنا عودة
صالح

صالح محمد خالد



ذكر عدد الرسائل : 117
الموقع (المدينة) : khartoum
العمل/الترفيه : eng
تاريخ التسجيل : 09/04/2009

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف عادل حسن حمد في الجمعة 14 أغسطس - 1:45

ساتى محجوب يس كتب:

ى كرسى الإعترررررررررررراف


راجع اكيد وراجع توقيعى
احمد عبد الحليم كتب:وأكيييييييد راجع[/center]
عالم حاااااقدة ...أنتوا مالكم مستعجلين ، كدي قولوا لي ما قلنا البوست دا لغاية رمضان ،
الهبـــاش؟ كتب: والبوست لحدى رمضان حيكون مفتوح ولا شنو ياسوزان


عدل سابقا من قبل عادل حسن حمد في الجمعة 14 أغسطس - 2:07 عدل 1 مرات

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف عادل حسن حمد في الجمعة 14 أغسطس - 2:02

ابعث لك التحية والتقدير الاستاذ / عادل ومن المفترض تكون آخر عضو تتم استضافته فى المنتدى لاكين نقول حصل خير والمبدر فى النزله احسن
في إعادة للفيلم
وبعدين ياخوى انا والجماعة الذكرتهم سوينا ليك شنو وشانى فينا حملة قدر كدا
كرسي الإعتراف جميل قلت بس لو يشيلوا أحمد ، ساتي محجوب ، شنان ، صالح خالد ، أحمد محمود ، حسن موسى ، أحمد محمد علي أبوزيد و الصادق أبو منه يكون أحسن ،، مريح جدا الواحد يقعد ملك ،، وهسع الجماعة الذكرتهم ديل كلهم حنان عليك وبالدليل معظمهم ماسالوا حتى الان ليش تظلم الناس كدا
عشان حُنان أنا قلت أحسن يشيلوهم من كرسي الإعتراف
ويلا نبا بسؤال سؤالين لمن نرجع (واذا عدتم عدنا)
عدنا وفضل ياخوي حسن ،، ونحن موجوديييين لغاية رمضان
1/ سئل احد الشعراء انت القائل فى شعرك هذا البيت
فإني وإن كنت الأخير زمانه لآت بما لم تستطعه الأوائل
2/ بكل صراحة اول اتصال من جوالك لمين كان الساعة/ اليوم /السنة/التاريخ؟
اليوم والساعة والله ما أذكرهم .. فبراير 2001 زميل عمل أسمو إسماعيل محمد أحمد الطيب
3/ أحدى سفرياتك من الغدار إلى الخرطوم في الذاكرة
دا مهم خلاص بنزلوا براهوا سفرية أسبوع من القدار لغاية الخرطوم معاي الأخوة شنان ومالك عبد الحفيظ
4/ سؤال جادى فيه انا ليش بعض الصلوات سر والاخرى جهر
يا حسن والله العظيم أنا أكتر واحد في الناس ديل كلهم متأكد أنك جادي
ناوى الرجعة تانى
ما بدري ياخوي أنتي أصلا ماشي ليه أمش علي القدرة جنب الجماعة

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف عادل حسن حمد في الجمعة 14 أغسطس - 2:03

الاخ عادل معليش اتاخرنا عليك
ما في مشكلة يا أخوي محمد الفول رااااقد أي وقت تجي ما في مشكلة
1/ موقف طريف مرة بك
2/ثلاثة ورود لمن تهديها في المنتدى
يا خوي لو ورودك دي ثلاثة بس ، ما تحرجنا يا جيب ورود زي الناس يا شيل الثلاثة ديل كمان ، في ناس كتيرة في المنتدي دا دايرة ورود يا نديهم كلهم يا نخليهم كلهم
3/نصيحة غالية لمن تقدمها
أمسك حبل الصبـر .. لياسر الخفاش
4/من سيخلفك في هذا الكرسي
ساتي محجوب وأحمد عبد الحليم ، عملنا لينا كرسي يشيل أتنين أول ظهور للكرسي دا في رمضان أنت بس ما تغيب غيابك كثير خلاس .
تحياتي
مودتي بلا حدود


عدل سابقا من قبل عادل حسن حمد في الجمعة 14 أغسطس - 2:28 عدل 1 مرات

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف عادل حسن حمد في الجمعة 14 أغسطس - 2:04

والله نحمد الله
كنت مسافر يا عادل وجيت متحضر لي احمد عبد الحليم ولقيت الموضوع مقفول!!
حمد لله علي السلامة ياود أخوي
والله اتمغست مغسة شديييييييييييييدةبتفشاها فيك
ما عندك أي مشكلة قاعدين لي رمضان بس أحسن ليك بي مغستك دي تقابل رمضان عشان تشيل ليك سوط وتقعد في نصهم الإتنين تكون فشيتا فش أجابة وسوط للما يجاوب سريع
مشتاق ليكم احبتي جميعآ غاية الشوق ولي منتداكم
سلمت يا باشمهندس لكن والله داير الجد ما عارفنك مسافر لكن وحيات النبي فقدنا فقدة في المنتدى الأيام الفاتت
متي واين وكيف بدات فكرة المنتدي ؟
متي واين وكيف بدات فكرة المنتدي؟ والله الفكرة تراود منذ زمن طويل وكل ما ندخل أي منتدى الواحد يتمنى يوم من الأيام يسمع بمنتدى يحمل اسم القدار ، حاولت مرارا لعمله آخرها قد مفاوضات مع شركة إستيجار سيرفر بس أختلفت معاهم في طريقة الدفع (250 ريال) سنويا ، خفت من حكاية سنويا دي جمعوا لينا سنينكم الإفتراضية وأدوني ليهوا (مقطوع) لسع المفاوضات جارية لقيت جماعتي ديل (ناس أحلي منتدى) مقابل الإعلانات الموجودة في المنتدى ، دي طبعا في ناس كثيرة دايرة تشيلو ودايرين الإعلانات كمان تبقي بأسم القدار بس المشكلة أنها إجبارية لغاية الحمد لله ما تم هذا العمل المتواضع في سبتمبر الماضي
أي الاوقات احب اليك ؟
ساعة العصاري الضل يمد فوق الجروف يكسي التبيسات بالطرح
.................................................................

أين تجد نفسك ؟ في اي زمان واى مكان ؟
كيف ؟ ما كنت عاقل أنتي يا باشمهندس أنا رايح ؟
القدار التي نسكنها وتسكننا الي اين تتجه الآن في رأيك؟ وكيف تتصورها بعد 10سنوات قادمة باذن الله ؟
فقط الإتفاق في القدار أحسن من عشرين سنة قادمة
ولنا عودة
يا أخوي لا أمش علي ناس ساتي وأحمد ديل طبعهم كعب ما يخلصوا الفول (فول جزيرة)
صالح
عادل

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف صالح محمد خالد في الجمعة 14 أغسطس - 4:13

ساعة العصاري الضل يمد فوق الجروف يكسي التبيسات بالطرح
وعين الشمس تنزل خجيلاني وتكوع فوق شديرات البلح
وسؤالي ما زال قائما
اين يجد عادل نفسه في اي زمان ومكان؟
اخي عادل ما اعرفه عنه فهو ينغمس فيما يعمل بمعني انه يسخر نفسه تماما لما يعمله وهي فضيلة كبيرة والمنتدي خير شاهد غلي ما اقول
وفي بعض الاحيان يجد الانسان نفسه في مفترق الطرق ويقف حائرا في الخيارات
اي السبل يسلك؟
آمل ان تسرد لنا تجربة واقعية عشت فيها حيرة الاختيار
الانسان في الدنيا تمر به الاحداث سراعا وتباعا ولكن هناك احداث يبقي اثرها في النفس ربما العمر كله -حدث ما زال في الذاكرة؟؟
ولنا عودة
صالح

صالح محمد خالد



ذكر عدد الرسائل : 117
الموقع (المدينة) : khartoum
العمل/الترفيه : eng
تاريخ التسجيل : 09/04/2009

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف حسن موسى في الجمعة 14 أغسطس - 15:35

/ أحدى سفرياتك من الغدار إلى الخرطوم في الذاكرة
دا مهم خلاص بنزلوا براهوا سفرية أسبوع من القدار لغاية الخرطوم معاي الأخوة شنان ومالك عبد الحفيظ
وتانى معاكم منو

حسن موسى



ذكر عدد الرسائل : 405
الموقع (المدينة) : السعودية
تاريخ التسجيل : 12/02/2009

القدار
القدار: 2

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف عادل حسن حمد في الأحد 16 أغسطس - 3:05

صالح محمد خالد كتب: ساعة العصاري الضل يمد فوق الجروف يكسي التبيسات بالطرح ،، وعين الشمس تنزل خجيلاني وتكوع فوق شديرات البلح ،، وسؤالي ما زال قائما ،، اين يجد عادل نفسه في اي زمان ومكان؟ اخي عادل ما اعرفه عنه فهو ينغمس فيما يعمل بمعني انه يسخر نفسه تماما لما يعمله وهي فضيلة كبيرة والمنتدي خير شاهد غلي ما اقول ،، وفي بعض الاحيان يجد الانسان نفسه في مفترق الطرق ويقف حائرا في الخيارات ،، اي السبل يسلك ؟ ،، آمل ان تسرد لنا تجربة واقعية عشت فيها حيرة الاختيار ،، الانسان في الدنيا تمر به الاحداث سراعا وتباعا ولكن هناك احداث يبقي اثرها في النفس ربما العمر كله -حدث ما زال في الذاكرة ؟؟ ،، ولنا عودة ،، صالح
لك التحية مجددا أخي صالح ، غالبا ما أتلزز عندما أري أزمة وأجتهد في حلها ، لكن أخي صالح مادام هناك إصرار علي ذلك ، زي ما بيقولوا الأحباب شيخ / أحمد والباشمهندس / ساتي .. أكيييييييييد راجع .
وبعدين أنا راجع لي سؤالك الجماعة ديل راجعين لي شنو ؟؟؟
حسن موسى كتب:
/ أحدى سفرياتك من الغدار إلى الخرطوم في الذاكرة ،، دا مهم خلاص بنزلوا براهوا سفرية أسبوع من القدار لغاية الخرطوم معاي الأخوة شنان ومالك عبد الحفيظ وتانى معاكم منو

= معانا غنماية ،، أنت شكلك سامعا
محمد عبدالله ابوزيد؟ كتب:1/ موقف طريف مرة بك
حسن موسى كتب: أحدى سفرياتك من الغدار إلى الخرطوم في الذاكرة
مع نسمة صباحية تداعب النيل وأوراق أشجار النخيل ، تلفح بلطف تداعب الأوراق وتحمل رائحة المانجو ، ومعي الأخ / شنان والأخ / مالك عبد الحفيظ وآخرين ، في فصل صيف حارق تلك القصة ، والتي تدور رحاها في الطريق بين القدار وأم درمان (الخرتوم) ، بصحبة الأخوة الكرام ولوري عبد الله نقد (والحمار اللحّمر) حق محمد حمد (عمي) وبنطون القدار والباجا وقوز الجريف والدبة وقوز (عبسة) وقشابي وقهوة أم الحسن ..
في إنتظار ذلك اليوم بفارق الصبر ضربنا الفطور (الفول) في بيتنا بي فوق ، وخاتين شنطتنا جنب ورشة البشرى عشان اللوري يقيف جمبهم ، اللوري جاء أخد ليهوا (سندة) لقانا نحن ما جنب الشنط طوال عشّق نمرة واحدة ، تشوف شنان ومالك في قدامي جارين ، الجلابية في الخشم والجزم في الإيدين ، أنا ما قادر أجري لأنــو معاي (غنماية) ماسكا في رجلينا (مرة ترقد في الواطة ومرة تستجيب لي تقيف ) هي كمان كانت مرافقة لنا في تلك الرحلة ..
وصلنا الورشة وكان اللوري قد قادر بلا عودة ، وقررنا أنا والأخ / مالك الرجوع وتأجيل السفر وذلك نسبة لظروف المرافقين (الغنماية) ..
((نبذة عن الغنماية)) كانت بدري معزّباني عزاب في الرعية (نقرعا) من الشرق تجيء تشق الغنم وتمشي غرب ، (نقرعا) من الشمال تمشي تشق نص الغنم تمشي جنوب ، مرات تجفّل لينا الغنم الواقفات زاتن) ، يعني ما في أي طريقة لعب (الكرور) معاها .
ولكن الأخ / شنان رفض هذا القرار وذلك لتلاتة أسباب أولا : كنا متفقين أنا وهو مع / عبد الله محمد حمد / في فزع في بناء بيته وكان متكل علينا ونحنا دايرين نزوغ منه ما كلمناه السفر قلنا ليهوا نمشي (الصدقة) حقت عثمان الحاج وبعد الفطور نجيء نبدأ الشغل ، والثاني : أن أذنه للسفر يمكن أن لا يتجدد مرة ثانية ، والسبب التالت : أول مرة شنان مسافر الخرطوم ،، وكان الإصرار أن نخرج اليوم من القدار حتى لو إنتظرنا أي سفرية أخرى المهم نطلع من القدار اليوم وما نرجع البيت ،، تحركنا إلي البنطون (بالحمير) مع الأخوة / موسى محمد حمد وعبد الكريم البشري ، وصلنا البنطون من بعيد شفناهوا البنطوف (بالغرب) وكانت الفرحة ظاهرة في وجوه الجميع لأننا وصلنا البنطون قبل (لوري عبد الله نقد) ولكن كانت المفاجأ عندما عرفنا أن البنطون عدا (اللوري) وراجع ، وذلك في الحديث الذي دار بين (جعفر السوداني وشنان) والمفاجأ الكبرى (البنطون ما راجع) ، دخل في مفاوضات مع جعفر السوداني بدون فائدة ، قيلنا جنب البنطون (أول كرتونة زوادة أنتهينا منها فوق البنطون) في إنتظار بنطون الســ 4 ــاعة ،، أخيرا عدينا الباجا وقفنا في (مجري العربات) ، وقف لنا لوري وكان أحد الأخوة من الباجة (تحت السبيل ) ينتظره هو الآخر بالقرب مناّ ، وقال يريد لوري لشحنة بلح ، أعتذر لنا وسائق اللوري للتأخير بعد ما أتفقوا هم الإثنين علي الشحنة ، أبدينا موافقتنا للتأخير ، رفعنا شنطنا رفعنا الغنامية ركبنا قدااااام مع السواق ((دا ولا كان في الحلم)) أنا ما بعرف شنان ومالك لكن أنا أول مرة في حياتي أركب قدام ، تحرك اللوري في ليلوا من الباجة وصلنا الجريف اللوري وحل وكان الماكينة (بطلت) بسبب الإستارتر وصاحبنا ما معاهوا ولا مساعد واحد ، جاءت فكرة السواق أنو نحفر حفرة وندفر اللوري في الحفرة ندورو وبعدين نطّلعوه من الوحل ، مسكنا لينا لستك أنا ومالك واللستك التاني كان من نصيب شنان وزول الباجا ، حفرنا لينا حفرة كبيرة قدام اللستكين ..... واللوري مادور ، كل واحد فينا أخد ليه جانب قاعد مع نفسه ، أخدنا قرابة الثلاثة ساعات قاعدين ، مرارات مرارت نتكلم همسان أنا وشنان ومالك لكن عامة الظلام والسكون والصمت يعم المكان ،، جاءنا الفرج .. (ZY) .. شاحن لدنقلا جاي من أمدرمان ، أربطك أربطك ربطنا اللوري في الــ (ZY) جراهوا مروقوا ودور الماكينة ،، أتكيفنا طبعا وأتنفضنا من الغبار وركبنا تاني قدام ، مشينا الدبة حايمين في سوق الدبة لغاية ما السواق يصلح اللوري ، طبعا نظام كنت بقرأ هناك عارف ليك البلد كلها (السوق ، ناس خادم محمد صالح ، ناس خليفة الشيخ ، مطعم تِرتِر ، اللكـوندة) ، جينا راجعين للوري قال ما لقي الإسبير ، وقال : عشان ما تتأخروا معاي حقوا تشوفوا ليكم سيارة تانية من الدبة تمشو ، ظهرنا للراجل شوية شهامة ، وقلنا ليه لازم نمشى معاك ، أنت ما ممكن تدخل الخلا دا براك ، وكان من ضمن الخيارات نفس الـ (ZY) الجرانا في قوز الجريف ، لكن لازم نمشي معاهوا البيت في قوشابي ، ونسافر يوم السبت من قشابي ، لكن أعتذرنا ، لأنــو يوم السبت بعييد ، تحركنا من الدبة في طريقنا إلي أمدرمان دخلنا قوز (عبسة) أو عبسا ، أتكرر نفس الفيلم القديم (وحل وبطل الماكينة ) والحفرة بنفس التشكيل ونفس المهام ، أثنين في اليمين أتنين في الشمال فقط التغيير في هذه المرة كنا أنا وشنان في اليسار عكس جانب السواق وكان السبب الرئيسي ، وكمان مرة تانية ربك رب الخيــر جاب لينا (ZY) تاااني ، والمكان يسود ظلام كثيف (يعني تمد أصبعك ما تشوفوا) بعد ما ربطنا اللوري في (ZY) وطلع واحد من المساعدية حق الـ (ZY) قال : (أنتوا يوم الأربعاء ما كنتوا غطسانين في الجريف) يا دوب إكتشفنا أنو دا ياهوا نفس الـ (ZY) حق أمس مشى نزل في دنقلا وراجع لأهلوا في قوشابي ، ومسافر يوم السبت بعدين عرضوا علينا نمشي معاهم قوشابي نقعد لغاية يوم السبت نسافر معاهم ، من البداية أبدينا أنا والأخ مالك الموافقة لكن كانت موافقة مخفية لغاية ما نشوف راي شنان لأن هو الوحيد الكان مشجعنا علي أنوا ما نفارق اللوري دا ، لكن في وقتها كان تعبان جدا من (الحَفِر) ما أتردد في الموافقة ، نزنا (غنمايتنا) وأتوكل علي الله وركبنا معاهم مع أنو الزمن للسفر (بعيد) يووووووم السبت .
مشينا قوشابي نزل في بيت صاحب السيارة وهو الساق كمان وأسمه (عبد الله الزين) . الجماعة دورا فينا (قهوة ، نخلص وراهوا شاي حليب نخلص وراهوا قراصة ويكة نخلص وراهوا كسرة بالحليب وراه الشاي إلــخ ........... والغنماية حقتنا في الرعية مع غنمهم بس لمدة يوم واحد لأنوا الغنماية طبقت فيهم نفس النظرية الكان بتطّبقها فيني أيام الرعيـة ..
الحمد لله يوم السبت قبل الشمس ما تطلع ، إتحركنا من قشابي في أتجاهنا إلي أمدرمان ، اللوري (يغشي قرية قرية ) وأنا وشنان ومالك قاعدين في السَبَتْ (التنده) ممددين كرعينا (بي برة) وملفلفين خشمنا بي الشوالي (مخرتمين) ، والغنماية ومعاها كم خروف كمان رافعنهم أصحاب اللوري مرافقيين للغنماية ، بعد فترة طويلة من المشي المتواصل تعبنا تعب شديد في حكاية (التنده) بس ما كان في أي طريقة لأنو اللوري (مليان مليء شديد) وما كان في أي طريقة لغاية ما وصلنا قهوة أم الحسن ، جماعة الخرفان قال (لازم كل الغنم ديل ينزلوهم الأرض عشان ما يتعقلوا) ، وافقنا الفكرة ونزلنا الخرفان ودخلناهم تحت الــ (ZY ) ، الخروف الينزل في الأرض يرقد علي طول (فعلا كانوا معقلين) ، نزلنا كمان الغنماية حقتنا ، لكن كان أكبر غلط ، لأنها دخلت تحت اللوري ومرقت بالإتجاه التاني (متعودة من الرعية) ، بعد شوية نحن ما جايبين خبر الجماعة بقوا يقولوا (شوفوا الغنماية ديييك) لقيناها ، شايلة الجري ، نبهت شنان ومالك معا تعبنا داك ، قمنا جارين وراه ، المهم في آخر نفس لحقناها ، ورفعناه علي طول فوق الـ (ZY) ، أخدنا راحتنا شوية في أم الحسن لا قادرين ناكل ولا قادرين نشرب ، اتحرك الـ (ZY) من أم الحسن ..
الحمّد لله وصلنا أم درمان ، لقين الجماعة هناك (شفقانين) شفقة شديد ، علي ود علي أتحرك يوم السبت من القدار ووصل في نفس اليوم وبلغ الجماع ، أننا أتحركنا من يوم الأربعاء واللوري فاتنا ، وعدينا الغرب ،، والشمارات ديك كلها ..... ألخ ، والجماعة ما عارفين مصيرنا شنوا .. وبس .............

كان في شوية مواقف جميلة جدا لاقتنا مع الغنماية (بين السوق الشعبي الخرطوم والسوق الشعبي أم درمان وأمبدة والحاج يوسف ، يا ريت الأخ / شنان يسردها لينا

** توضيح : (تقرعا) : تصريف من كلمة (الجفلن خلهن أقرع الواقفات)

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف أحمد محمود في الأحد 16 أغسطس - 3:42

ياخي دي سفرة تاريخية ... دايرين شنان يكمل المغامرة دي
Very Happy Laughing Very Happy Very Happy

أحمد محمود



ذكر عدد الرسائل : 189
الموقع (المدينة) : المملكة العربية السعودية - جدة
العمل/الترفيه : مشرف تربوي
تاريخ التسجيل : 26/04/2009

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف حسن موسى في الأحد 16 أغسطس - 3:55

بعد دى كلوا فى باقى كمان
انا راى خلوها مسلسل لرمضان

حسن موسى



ذكر عدد الرسائل : 405
الموقع (المدينة) : السعودية
تاريخ التسجيل : 12/02/2009

القدار
القدار: 2

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف Ahmed في الإثنين 17 أغسطس - 3:20

الاخ عادل، تحياتي،،
كثيرا ما سمعت هذه القصة من مالك عبدالحفيظ وهو يرويها بشئ من الاعتزاز،،
وكثيرا ما كان يقف علي نقاط تمثل كرم وطيبة أهلنا في الشمالية..

Ahmed



ذكر عدد الرسائل : 69
الموقع (المدينة) : السويد
العمل/الترفيه : مهندس
تاريخ التسجيل : 20/06/2009

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف شنان عبد الرحمن في الإثنين 17 أغسطس - 14:37

طبعاً أخوي الكاشف دا ما خلا شاردة ولا واردة وإلا حكاها ليكم ، وانا حاواصل ليكم من سوق ليبيا لامن وصلنا الحاج يوسف . طبعا من سمعنا الجماعة يقولوا خلاص انوار ام درمان ظهرت الواحد صحصح وفتح عيونوا كباااار ويمكن ما رمش تاني عشان ما تفوتو حاجة وكمان يلتقط كل صغيرة وكبيرة . اها لمن اللوري وقف في سوق ليبيا تعال شوف الزحمة العمرنا ما شفناها إلا في سوق التلاتاء . العربات الكتيرة اشكال والوان وبتاعين التاكسي والكارو وناس اللورنيش وناس برّد برّد والشايلين السجاير والمساويك واحد شايل قهوة في الجبنات الصغار والشحادين وهلمجرا . اها صاحبكم العبد لله كنت بحاول بشتى الطرق أن اخفي معالم الطرودية ( جاية من طرد ) احيانا احدّر ليك الطاقية كدا ومرات ارجعا لى ورا نظام انو الواحد كلو يوم في العاصمة وكدا ، لكن لو شفتو عيونى منتطات ورافع اضنيي لا فوق والراس زي مروحة الطربيزة . المهم عادل اختار ليهو تاكسي من النوع العندو السبت عشان العفش طبعا انا ومالك في دقيقتين كنا رفعنا العفش فوق وعادل وبتاع التاكسي اتولوا موضوع الغنماية وانا كنت محتار غنماية الجن دي حيركبوها وين . بتاع التاكسي فتح ليك الشنطة ( الضهرية ) وفي لمحة بصر القى ليك الغنماية الما بتغباني منشحطة داخل الضهرية وصاحبك راح قافل عليها الباب ، طبعا انا خلاص بقيت ابلع ريقي واعتبرت الغنماية خلاص راحت في حق الله . لكن ما فتحت خشمي ولا بي كلمة بس بقيت ابلع في ريقي وكل دقيقتين اتلفت لا ورا اشوف الحاصل شنو ؟ طبعا عادل كان اتفق مع بتاع التاكسي انو يوصلنا ام بدة شارع الـ 11 جنب صيدلية الفضل حيث يسكن عبد الرحمن ماجد ( رحمه الله ) وهذه هي المحطة التي سوف تستقر فيها الغنماية . اها بعد اخدنا راحتنا في امبدة قمنا اتحركنا على الحاج يوسف ، الجماعة قالوا يوصلونا لكن عادل قال ليهم لا انا عارف الطريق كويس . ركبنا مواصلات السوق الشعبي ومن هناك عادل قال نركب الخرطوم عشان بعد داك نركب الحاج يوسف ، فكرة انو ممكن نركب من بحري دي ما عارفا هو بس عارف من الخرطوم . اها بعد نزلنا في الشعبي ام درمان لقينا الحافلات واقفين صف والكمسنجية ينادوا شعبي الخرطوم شعبي الخرطوم شعبي الخرطوم بطرقة حلوة وايقاع مموسق انا بس فتحت خشمي وبقيت اعاين ليهم والعيون منتطات والاضنين مرفوعين فوق ومرات مرات احدّر الطاقية نظام الود تفتيحة وكدا ، وانا ما ناقش ابو النوم . طبعا انحنا التلاته فهمنا انو الحافلة دي ماشيه الخرطوم لأنو انحنا الآن في الشعبي . وركبنا وكل واحد ركب بعيد من التاني عشان يتفرج علي راحتو . وبعد الاستمتاع بالمناظر الخلابة من عمارات شاهقة وكباري وعربات سمحة وجديدة وناس كيف كيف المهم وصلنا . والمعلم عادل بقى يلف بينا .. موقف الحاج يوسف بي هنا .. لا كان بهناك .. انا المرة الفاتت ركبت منو .. ياربي مشى وين ؟ اها تاني بقينا في نطيط العيون والوقت خلاص بقى مغرب والليل داخل علينا وموقف الحاج يوسف ما لقينا . اخيرا مالك قال احسن نسأل لينا زول هو طبعا نظام مولود في العاصمة وكدا لكن طلع منها صغير وما فاهم حاجة بس عرف انو الواحد ممكن يسأل ، اها سالنا لينا واحد من موقف الحاج يوسف ؟ قال لينا موقف الحاج يوسف دا في الخرطوم . طيب انحنا وين ؟ قال انتو في السوق الشعبي الخرطوم . انا ومالك بقينا نعاين ليك في عادل من فوق لا تحت لكن قطعنا في جلدنا عشان الاخو داك ما يقول ديل طرود وكدا . صاحبنا ما قصر قال انا زاتي ماشي الخرطوم أرح نمشي سوا . ربع ساعة وانحنا في الخرطوم عادل من شاف برج البركة برم ليك الطاقية واتنفش قال للراجل بعد دا انحنا وصلنا . موقف الحاج يوسف زمان كان جنب برج البركة واراك هوتيل مكان محلية الخرطوم الحالي . طبعا كانت بصات الفورد القديمة ديك . زحمة ودافوري وانشحاطات حاجة عجيبة . البص يقيف وانحنا راجين الناس ينزلوا ، ننتظر آخر واحد ينزل نلقى ليك البص اتملئ اكتشفنا انو الناس بتركب بالشبابيك ، بالطرقة دي يمكن اربعة بصات فاتوا وانحنا واقفين والليل دخل علينا . اخيرا دخلنا ليك الطواقي في الجيوب وعضينا جلاليبنا وهاك يا الدافوري وفي لمحة بصر لقينا نفسنا منشحطين داخل البص ، وبعد دا كلوا شماعة ولا تحلم انو تلقى ليك مقعد . وبعد ساعة من المشي والوقوف عادل قال قربنا وانا متاكد انو هو ما شايف برّا البص لانو مشمع استغربت جدا لكن المرّة دي سألتو قلت ليهو عرفت كيف ؟ قال لي انت ما شامّّّي الريحة دي انحنا الآن في حلة كوكو . ولم تمضي دقايق الا ونحن في آخر محطة الردمية ومنه الي البيت . وبعد دا اذا في حاجة ناقصة الا تشوفوا الاخ مالك عبد الحفيظ الله يطراه بالخير . والغنماية الله اعلم تكون عايشة لامن الوكت دا .

شنان عبد الرحمن



ذكر عدد الرسائل : 626
الموقع (المدينة) : السعودية / الريلض
تاريخ التسجيل : 02/02/2009

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف أحمد محمود في الثلاثاء 18 أغسطس - 0:26

يا شنان والله بالغت عديل ... ياخي الزول ده قال ليك كمل قصة الغنماية انت دخلت في موضوع تاني خطير خالص ه

أحمد محمود



ذكر عدد الرسائل : 189
الموقع (المدينة) : المملكة العربية السعودية - جدة
العمل/الترفيه : مشرف تربوي
تاريخ التسجيل : 26/04/2009

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف ساتى محجوب يس في الأربعاء 19 أغسطس - 18:48

سلام وسلام
شنو الحكايه
الغنمايه
فى مليون سؤال ما جاوبت عليها
الحاصل شنو
البوست اترفع لحدى العيد

ساتى محجوب يس



ذكر عدد الرسائل : 127
الموقع (المدينة) : الفاشر
العمل/الترفيه : مهندس
تاريخ التسجيل : 27/03/2009

القدار
القدار: 2

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف على مدنى النور في الأحد 11 أكتوبر - 2:57

الخال عادل :
سلامات وكل سفرة وانتة طيب
سؤال واحد بس والباقى لاقدام
انتو بعد الحصل دة كلو ولليلة عايشين وعندكم النية تواصلو فى الدنيا دى الباقى لى كفاكم كدة

على مدنى النور



ذكر عدد الرسائل : 12
الموقع (المدينة) : الخرطوم
العمل/الترفيه : مهندس
تاريخ التسجيل : 29/03/2009

القدار
القدار: 2

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف احمد عبد الحليم في الثلاثاء 27 أكتوبر - 14:41

أصحي يا النائم على الكرسي
في انتظار الاجابات؟؟؟؟؟؟؟

احمد عبد الحليم



عدد الرسائل : 409
تاريخ التسجيل : 19/11/2008

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف ياسر محمد علي في الثلاثاء 27 أكتوبر - 15:09

عادل شرد لكن ما معروف يمكن بيبحث في الجديد المفيد وح يعمل ثوره في المنتدي

_________________

ياسر محمد علي



ذكر عدد الرسائل : 890
الموقع (المدينة) : القدار
تاريخ التسجيل : 14/12/2008

القدار
القدار: 2

http://www.tagged.com/ yasirsaleh

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف حسن موسى في الثلاثاء 27 أكتوبر - 16:48

زول قال الروب ماتخلوا
انا راى امسكوا ياسر دى وكتفوا فوق الكرسى
هل من مزكى؟...
ولكم شكرى

حسن موسى



ذكر عدد الرسائل : 405
الموقع (المدينة) : السعودية
تاريخ التسجيل : 12/02/2009

القدار
القدار: 2

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف احمد عبد الحليم في الثلاثاء 27 أكتوبر - 17:24

الدور واقف عند ياسر بس ننتظر لغاية ما عادل يخلص الأسئلة

احمد عبد الحليم



عدد الرسائل : 409
تاريخ التسجيل : 19/11/2008

الرجوع الى أعلى الصفحة اذهب الى الأسفل

رد: عادل حسن حمد فى كرسى الاعتراف ينتظر أسئلتكم

مُساهمة من طرف محمد عبدالله ابوزيد؟ في الثلاثاء 27 أكتوبر - 18:02

من روائع منتدنا دا الكرسي الساخن وياريت يقبضو واحد يقعدو عشان الكرسي مايبرد وارشح




































ياااااااااااااااااااااااااااااااااسر

محمد عبدالله ابوزيد؟



ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى