أحمد عبد الحليم في كرسي الإعتراف ينتظركم

عادل حسن حمد كتب:عدنـــــا وزي ما بيقولوا العود أحمـــد
الله يديك العافية يا أحمد جيت أنا قايل عندك فطور غير الفول عشان كدا أعفيني بس جواب لي بصراحة أنا عندي بعض الأسئلة الساهلة وأن شاء الله بحاول أخلي في موضوع سؤال أو سؤالين عشان ما نعمل ليك مشاكل في الشغل يا حضرة جناب سعادتكم الأسئلة :

السؤال الأول : ما هو رأيك فيما نراه من الإنبثاق العكسي والرجعي لللأفكار المتبلورة الناتجة عن إحتدام المسئولية بين الأفراد التي تولدت من خلال الشعور الحسي واللا حسي ؟؟

السؤال الثاني : عندما ننظر للثقافة البيئية الناتجة عن التكيف السلبي بين الذات وبين الوجدان والإحساس بالتفاوت بين القدرات وبين الثقة المنبثقة من الرغبة لدى الفرد .... أخي أحمد ما هو توجهك ورأيك حول ذلك ؟؟
لغاية الجماعة الباقين يفطروا برجــع ....

ساتى محجوب يس كتب:هيييييييييييييع
والله كلام
الفطور جاهز والعيش الرغيف وينو
جات حربويه
اوع السحليه ياعادل
راجع وراجع وراااااااااجع تانى
احمد سلام كتييييييييييييير

عادل حسن حمد كتب:عدنـــــا وزي ما بيقولوا العود أحمـــد
الله يديك العافية يا أحمد جيت أنا قايل عندك فطور غير الفول عشان كدا أعفيني بس جواب لي بصراحة أنا عندي بعض الأسئلة الساهلة وأن شاء الله بحاول أخلي في موضوع سؤال أو سؤالين عشان ما نعمل ليك مشاكل في الشغل يا حضرة جناب سعادتكم الأسئلة :

السؤال الأول : ما هو رأيك فيما نراه من الإنبثاق العكسي والرجعي لللأفكار المتبلورة الناتجة عن إحتدام المسئولية بين الأفراد التي تولدت من خلال الشعور الحسي واللا حسي ؟؟

السؤال الثاني : عندما ننظر للثقافة البيئية الناتجة عن التكيف السلبي بين الذات وبين الوجدان والإحساس بالتفاوت بين القدرات وبين الثقة المنبثقة من الرغبة لدى الفرد .... أخي أحمد ما هو توجهك ورأيك حول ذلك ؟؟
لغاية الجماعة الباقين يفطروا برجــع ....

شنان عبد الرحمن كتب:الاخ عادل لك التحية ..
يا خوي احمد دا ساوي ليك شنو ، الحقيقة أصلاً ما خفت الله فيهو ، أنا كنت فاكر بعد الفطور المدنكل دا وخاصة هو أول ضيف يجينا جاهز بي فطورو حتقول ليهو أمشى ساااااااي حرّم ولا سؤال . لكن هو برضو ما قصر .
ولي عودة أخ احمد بعد ما الابن مجاهد هدأ اللعب وبرّد الجو .

ساتي محجوب كتب: لماذا لا يكون عادل حسن حمد

احمد عبد الحليم كتب:نؤيد ونثني وجود الأخ عادل على الكرسي

ساتي محجوب كتب: هل من مؤيد ثاني[/b]

احمد عبد الحليم كتب: وتخلص حقك منو بالزيادة

mogahed كتب:

طيب يا عم نديك كم سؤال كدا .. خفيف وظريف


- طموحاتك و آمالك للمنتدى ؟؟



- كلمة تقدمها لاعضاء المنتدى الكرام ؟؟

الأخ مجاهد السلام عليكم ورحمة الله وبركاته

طموحاتك و آمالك للمنتدى ؟؟

طموحاتي أن يكون منتدى جامع لكل أبناء القدار وكل من ينتمي للقداراينما وجدوا وأن يكون عامر بالمشاركات المفيدة دينياً واجتماعيا وادبيا وثقافياًوأن يكون نقطة التقاء للجميع لطرح الأفكار وتقديم كل من من شأنه أن يخدم أعضاءالمنتدى خاصة والقدار عامة

كلمة تقدمها لاعضاء المنتدى الكرام ؟؟


نشكر كل الذين انضموا للمنتدى ونأمل وندعو جميع الأعضاء للمشاركةولو بكلمة شكر لأي موضع نال استحسانه أو حتى بالنقد الهادف

نرجو من كل الأعضاء الحاليين والقادمين المشاركة ولو بكلمة ترحبلمن يأتي إلى المنتدى عضواً جديداً

عشان على الأقل يكون هنالك فرق بين أعضاء المنتدى وزوارالمنتدى


لك التحية اخي مجاهد وياريت تشارك في المنتدى الاجتماعي ( في بوست هل تعرفني كما أعرفك) وتعرفنا عن نفسك

حسن موسى كتب:

الجماعة ديل دايرن منك شنو يازول

وخلى باللك ذى كلامك عادل شرب من عصيرك وفعلا ياهو عصير الكرستال

من الله خلقنا ماشفنا لينا عصير لونو ذى دى الاياهو.وبعدين دى فطور شنو

ذى ماقال ساتى لامعلقة ولاعيش

وبعد دى كلوا اكون حنين عليك انا واقيف فى صفك شان المركب ماتغرق

1/ لمن تقول طلباتك اوامر

2/لو بايدك مساعدة الناس ماذا تفعل ومن هو اول انسان تساعدوا

3/بكل صراحة ايام الطفولة كنت بتلعب بشنو

4/ الجايات اكثر من الرايحات احكى اوفسر قصة هذا المثل

غيب وتعال وانا فى انتظارك....

ساتى محجوب يس كتب:سلام جديد ومتجدد
الفطور كارب كربه جد والصينيه الصغيره شكلها عصيده معموله لى عادل
أحمد اسئله صغيره
1\ لوكنت مديراً للمنتدى من تختار ان ينوب لك
2\ كربه الخلا أقصد كروبه عندها كم رجل
3\أجمل الكلمات التى سمعتها عندما تسمعها ثانيا شعورك وأنت تسمعها من شخص آخر
لك ودى

صالح محمد خالد كتب:الحمد لله عدنا من الشرق ولقيناك مصنقر في الكرسي يا احمد
ان شاء الله طراوة طراوة ،،، بستعدل وجاييك ،،، لك حبي ابو احميد ،،، ان شاء الله نخفف عليك ،،، صالح

صالح محمد خالد كتب:الحمد لله عدنا من الشرق ولقيناك مصنقر في الكرسي يا احمد
ان شاء الله طراوة طراوة
بستعدل وجاييك
لك حبي ابو احميد
ان شاء الله نخفف عليك
صالح

سوزان صالح حسن عبدالله كتب:السلام عليكم ورحمه الله تعالى وبركاته

العم//أحمد عبدالحليم

س// كيف حالك ؟
س// ماهي اجمل اللحظات في حياتك

مالفـرق بين الحب والصداقة ؟ وهل يمكن ان يسلكا طرق الغيرة 00؟

_ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ..
ما هو تعرفك للمجنون؟؟

العاقل؟؟

المتكبر؟؟

المتواضع؟؟

ابنتـــــــــ سوزان ـــــــــكم

محمد عبدالله ابوزيد؟ كتب:حبيبنا الغالي ابو احميد والله مشتاقين وبتمنا ليك كرسي بارد وقعاد السرور انشاء الله
نخش في الاسئلة
1/ ماذا تعني لك هذة الاماكن
ا/ساقة السني
ب/دكان صديق عيسي الفي بيت حسن فقير سابقا
ج/تحت الجبل
د/طاحونة فاطمة عبد الرحيم
ه/جامع حلة المسيد
/ مدرسة القدار
2/موقف محرج في حياتك
3/موقف طريف في حياتك
شخصيات في المنتدي لمن تقول هذة المسميات
الراقي
الظريف


مرحبا الأخ محمد عبدالله في سرور تاني بعد اسئلتك دي
نخش في الاسئلة
1/ ماذا تعني لك هذة الاماكن
ا/ ساقة السني

الأرض والعشق – زكريات لا تنسى – رغم ما عانينا فيه تعلمنا منه الكثير الكثير.
ب/دكان صديق عيسي الفي بيت حسن فقير سابقا

ونسة بالليل أيام الشتاء البارد ونقطة التجمع الصباحي للذهاب للمدرسة.
ج/تحت الجبل

الكورة النادي والمهرجانات
د/طاحونة فاطمة عبد الرحيم

ياخي يوم الطاحونة دا خليهو ساكت – يرسلوك نصت نهار عشان ترجع تحش القش العصر وكدا يكون ضاع عليك لعب العصرية.
ه/جامع حلة المسيد

دا بيتنا التاني
/ مدرسة القدار

الابتدائي خوف ورعب عمق فينا احترم الكبير – المتوسط زكريات وصداقات قوية وممتدة
2/موقف محرج في حياتك
3/موقف طريف في حياتك

في بداية العمل ببنك فيصل الإسلامي السوداني فرع دنقلا – كنت في الكاونتر مسئول من حسابات الادخار (التوفير) جاني واحد ومدى لي الدفتر عايز يسحب لقيت الاسم تيسير طبعا حساب الادخار لا يسحب إلا صاحب الحساب شخصياً وأنا مفتكر انو تيسير دا اسم بنت فقط وأصلا ما متوقع أنو يكون اسم ولد – المهم بعد ما كتب المبلغ العايز يسحبوا أنا مسكتو منو وقلت ليهو وين تيسير إلا تجي توقع بنفسها والزول مصر إلا هو يوقع وأنا مصر إلا تيسير تجي توقع غايتو لحقنا احد الزملاء قبل ما تقوم عكه وكان موقف محرج وطريف في نفس الوقت.



شخصيات في المنتدي لمن تقول هذة المسميات
الراقي

شنان

الظريف

معتز
الهادي الطبع

الواثق
الرائع

محمد علي سكوري
المبدع

مهدي صالح عزير
الفنان

فائز محمد علي

اللذيذ

صالح ابوقمصان
المجوبق

دا خليهو فاضي بملاهو ليك لي قدام
المراوغ

معانا ثعالب هنا وأنا ما عارف
الزهرة

ياسمين
الاصيل

ياسر محمد علي
4/ حاجة زعلتك في المنتدي


اهداء وردة
حمراء

نون
بيضاء

مناهل
خضراء

سوزان
بنفسجية

بت ساتي محجوب كل يوم معانا في التوقيع


وردة صامولة

صامولة دي شنو يا زول دي اخدا انت زاتك

اذا خيرت بين تلاتة ماذا تختار
قراصة بكداد
قراصة بسمنة
قراصة بويكة
خير الأمور أوسطها قراصة سمن
اذا اهديت هدية من تلاتة ماذا تختار
ظبيطة مدينية
كرتونة ابريق
طاسة بسلة



طاسة بسلة

نواصل يااااااااااااااااااااااااااغااااااااااااااااااااااااااااااااااااااالي

أحمد محمود كتب:والله وقعت وقعة شينة يا أحمد ... ناس عادل وصالح والجماعة ديل ما بيرحمو ، لكن أنا بديك سؤال واحد بس زي ما طلبت ... بس دايرك (تمط) في الإجابة شوية : ماذا يعني لك :
أذان عبد الحليم ؟؟؟؟؟؟؟؟؟؟؟؟
بعدين يا جماعة (كرسي الاعتراف ده ) تحت شوية في قائمة المنتدى ، لو يترفع فوق يكون أحسن ، لأنه الواحد احيانا بيدخل بسرعة يشوف المواضيع الفوق ويمرق وما ياخد باله للاستراحة دي ...

احمد محمد علي ابوزيد كتب:والله انا ما عارف اقوول شنو؟
لكن حا اخفف عليك
سؤال واحد بس ..
هل انت راضي عن الغربة الانت فيها؟
وخاتي جدول انك ح تغترب كم سنة وترجع لي بلدك؟
لحدي ما تجاوب انا امشي علي الصينية ديك!!!!

حسن موسى كتب:

صباح الخير

شكلوا اليوم مافى حركة

انا عندى ليك سؤال بديلا للسؤال بتاع الجايات اكثر من الرايحات لانك

ماقدرت تعرف تفسير المثل

السؤال البديل فى الفقه

ماحكم زبح الدجاج بالموس؟

واشكرك

طيب ما أحسن أجاوب ليك الأول ((الجايات أكتر من الرايحات))؟

يروى أن أحد الأشخاص كان جالساً على ساحل البحر وهو منهمك في عد موجات البحر، فمر به رجل ووقف حياله وقال له: ماذا تصنع يا هذا؟ فأجابه اعد موجات البحر التي تمر بالساحل، فضحك الرجل من قوله، وفي تلك الفترة التي دار الحديث بينهما فيها نسي الرجل العدد الذي وصل إليه في العد لموجات البحر، فقال للرجل: لقد انساني حديثك ما عددته من الموجات فرد عليه الرجل بهذا القول (الجايات اكثر من الرايحات) فذهب قوله مثلاً يضرب لمن تواتيه فرصة ولم يستغلها، واتسع استخدام المثل فصار يقال للرجل الذي يقصد الناس لقضاء حاجة له ولا يلبى طلبه، أو يستخدم لتهديد شخص كثير المشاكسات ويقصدون به أن الأيام القادمة كثيرة وسيقتص منه او يقال لشخص يكثر في طلباته على الآخرين وتلبى له ولكن عندما يقصدونه في قضاء حاجة وهو قادر عليها لا يلبيها لهم كما ورد على لسان العامة مثل مقارب لهذا المعنى قولهم (درب الجلب على الكصاب) وورد على لسان العرب مثل مقارب في معناه لمثلنا أعلاه (يوم لك ويوم عليك).

كدا كيف .. قصرت معاك

ساتى محجوب يس كتب:عدنا
أحمد
الصرف اليومى (القروش)وأحلام التوفير
الفرق بين السودان والمملكه عندك

ساتي السيد كتب:السلام عليكم اخ احمد

الله يعينك والله ، غبت لي تلاته ايام جيت لقيت رقم المشاركات حصل سبعه وتلاتين دا دليل محبة ياربي ولا الجماعة ديل كان رابطين ليك ؟؟؟

وبالمناسبة دي حصل ربطت لي زول في لفة ولا في زقاق ؟؟

الاغتراب ... طريق انت في اوله ، ام في آخره أم هو طريق بلا نهاية ؟؟

إلي ماذا تعزي الركود الحاصل في المنتدي ؟؟

ماهو رأيك في الموقع الجديد وماهي إضافتك ؟

الي من ترسل :

رسالة خاصةو جداً ؟

نظرة شفقة ؟

كلام طيب ؟

تحزير؟

كلام ناعم؟

.....

رسالة عتاب ؟

تحميل الملف من هنا

احمد ما تشيل هم قرررررررررربت