منتديات القدار
نرحب بك في منتديـــــــــــات القدارالغرة القدار المغرة
@@@@@@@@@@@@@@@@


تعـــالو مـحـــل مـا الـمـحـنـة أيــــادي تقــطـر ســــــلام
سـمـاحـــة الـحـيـاة فــــوق أهـلـنا القدار يقــرقـر وئــام
تـدخـلــــوا وتقعـــــــــــدو في ســــــــــــــــــــــلام
بـســاط أحـمـدي كــم يـشـيلـنـا قـدارنا تـمــــام التمـــام
نتشــرف بتسجـيـــلك في منتــدي القــدار

الاغانى لأبو يسرا السودانى

استعرض الموضوع السابق استعرض الموضوع التالي اذهب الى الأسفل

الاغانى لأبو يسرا السودانى

مُساهمة من طرف صالح محمد خالد في الثلاثاء 26 مايو - 14:03

من بين زحام الحاضر تبقي هناك ذكريات خالدة في الذهن من بعض اغاني الاعراس والافراح القديمة التي كانت شائعة في ذلك الزمان ايام طفولتنا الباكرة واكيد جزء منها طوته صفحةالنسيان والكثير من شباب الجيل الحالي لم يسمع بها اساسا واليكم منها
ودوني علي الشمال ياخى ودوني علي الشمال
ودوني علي الشمال ياخي ودوني عذابي طال
السفنجة اب صوتآ حنين شاقي المجرى شمال يمين ياخي
ودوني علي الشمال
السفنجة اب صوتآ حنين اخد اللفة بي عند النور امين ياخي
ودوني علي الشمال
ثم ان الدايرة تتسع وحس الدلوكة يجيب الطا شى و
هم همهم هم هما
تتردد هذه الأصوات من الافواه االملفوفة بالعمم والشالات
ووسع الدايرة يا زول وسع
ورا يا زول ورا
البلوم انا يا البلوم داير اسا فر انا داير اقوم
داير اشوف ناس سلوى وحنا ن
داير اشوف احبابي الزمان
و
هم همهم هما
ويبدا ضرب السوط
التوب كسيتي وسا مة
يا أجمل بسيمة وقا مة
توب الحد كسيتي وسامة
و هم همهم هما
الليلة ليلة الطالبات
شالن قلوبنا وراجعات
وهم همهم هما
حبيب نيران جة فات امس اندلي
بالباص الجديد السفونو برة
حبيب نيران جة فات
وهم همهم هما
ودع الناس يا ود جرا يا عظيم يا صافي المزاج
وهم همهم هما
البيت المجير داك
تمشيلو وتعرفو براكا
وهم همهم هما
و يطول الليل ويطول وتنفجر الدلوكة تشق هدوء الليل
وتنحفر الذكريات في الذاكرة
وتتغير الحياة وتتغير المعطيات
وتتغير حتي الكلمات والالحان
ويبقي فينا الحنين ويتعمق
صالح

صالح محمد خالد



ذكر عدد الرسائل : 117
الموقع (المدينة) : khartoum
العمل/الترفيه : eng
تاريخ التسجيل : 09/04/2009

الرجوع الى أعلى الصفحة اذهب الى الأسفل

رد: الاغانى لأبو يسرا السودانى

مُساهمة من طرف حسن موسى في الثلاثاء 26 مايو - 16:43

خطير ياباشمهندس كت شقى فى زمنك
شوف لينا حاجات من بيت الكلاوى
طلب خاص فى اغنيةتقول يانسيم الصباح العليل اغشى العليا شيخ اسماعيل(مدرسة البنات)
تحياتى،،،

حسن موسى



ذكر عدد الرسائل : 405
الموقع (المدينة) : السعودية
تاريخ التسجيل : 12/02/2009

القدار
القدار: 2

الرجوع الى أعلى الصفحة اذهب الى الأسفل

رد: الاغانى لأبو يسرا السودانى

مُساهمة من طرف احمد عبد الحليم في الثلاثاء 26 مايو - 17:40

يا باشمهندس لك التحية وان تتحفنا بروائع ذلك الزمن الجميل
++++
عبدالصادق بلال
ياحمامة جيبي الموية
امك مافي جيبي الموية
لا تخافي جيبي الموية
++++
المرحوم محمد احمد كشنيق
دهيب شيبون الدهب اليضوي الكون

احمد عبد الحليم



عدد الرسائل : 409
تاريخ التسجيل : 19/11/2008

الرجوع الى أعلى الصفحة اذهب الى الأسفل

رد: الاغانى لأبو يسرا السودانى

مُساهمة من طرف صالح محمد خالد في الثلاثاء 26 مايو - 18:32

اخوتي واحبائى
حسن واحمد
الزمن داك كان عجيب وشوف الكلام كان كلو داير حوالين الباصات والسواقين
اللواري
واخوك يا ابو الحسن كان بيتلب الحيطة بالليل خاصة لو كان معاي فاروق عبدالله
الشي ده ما كان بدل التلفزيون
لكم شكرى علي المرور والتعليق الجميل
صالح

صالح محمد خالد



ذكر عدد الرسائل : 117
الموقع (المدينة) : khartoum
العمل/الترفيه : eng
تاريخ التسجيل : 09/04/2009

الرجوع الى أعلى الصفحة اذهب الى الأسفل

رد: الاغانى لأبو يسرا السودانى

مُساهمة من طرف الصادق ابو حسن في الثلاثاء 26 مايو - 23:59

شكرا الاخ صالح وانت تبعثر اوراقا من الماضي التليد الذي طغت عليه ثقافة الانترنت
واليك تصوير بديع من بعض روائع الدكتور محمد بادي

هوي يا وليد
حصل صحاك عز الهجعة حس شتما بعيد مخنوق
وجاتك رنة الطنباري مشتاقا تسوي القوق
نومك طار وانقسم والرشرش صبح مفروق
واتلفح بي نص توبك الجرجار علي الدلوكة سايق سوق
تلقى هناك ولاد بلدك بنات بلدك يعلو الصفقة تقدح في القلوب الشوق
نغم الفال ابشرن يا بنات بالخير والجنيات تطير لا فوق
وعاد تتحزم الجنيات وتتلزم وتقيف في روق
وكل واحد يهز ضرعاتو والحجبات تزح لافوق
والطاقية تحت الحاجب المعقود هدية ام زين وما مشرية من السوق
يتقدم عريس السمحة رافع سوطو كانو بسوقو بيهو النوق
والعنجاوي ينزل فوق ضهورن بس تقول منشلعة فوقو بروق
يبدا مجرو بي الترقوة ويتحدر مع الضلع القصار ملصوق
واحمر عينو ثابت حيطة لا بتهز ولا بتلز وصاري جبينو كلو عروق
بعد العقد طلقانة ما يحجزوه الا يخلو ضهرو شقوق
هناك الحال مغير جد وهيجة الناس تفوت الحد
وكان حجاز مد اليد بتسمع كع
هوي يا وليد

الصادق ابو حسن



ذكر عدد الرسائل : 73
الموقع (المدينة) : www.alghadar.yoo7.com
العمل/الترفيه : التواصل
تاريخ التسجيل : 04/04/2009

الرجوع الى أعلى الصفحة اذهب الى الأسفل

رد: الاغانى لأبو يسرا السودانى

مُساهمة من طرف عادل حسن حمد في الأربعاء 27 مايو - 18:58

لك التحية الباشمهندس صالح
تذكر موقف والأخوة في جقوب ناس محمد الله جابو وسعيد باب الله وصابر وصلاح كمبليت
في الرقيص والغنا ما عاجبهم لانو عبد الجبار الله جابو قال عايز يتوب من الغنا ، دخلوا معاها في مفاوضات لازم يغني ليهه بس في العرس دا بعدين تتوب ..
صاحب إستلم الديرة بعد الإتفاق معهم بأن سيغني ثلاثة أغاني فقط وبدا بي
= السايق KY أنا وين النار شواني براي أنا وين
السايق العربية أنا وين اللافي في الصينية أنا وين
=====
وبعدها // حبيب نيران جاء فات أمس أندلة بالباص السريع السيفونوا برة
====
وبعدها // باص الشرق قول لي يالشايل الحبيب قول لي
==
الجماعة عرقانين ومتكيفيين جدا ،، أذا به يعلن أنتهاء الأغاني الملتزم بها
وأحد يقول له (عليك الله يا ((أبار)) عبد الجبار دا كلوا في جوة بضنك أنت داير تتوب))

_________________
أيا من ليس لي منه مُجير بعفوك من عذابك أستجيرُ
أنا العبد المُقّرّ بكلّ ذنب وأنت السيّد المولى الغفورُ
فإن عذّبتني فبسوء فعلي وإن تغفر فأنت به جديرُ
أفرّ إليك منك وأين إلاّ إليك يفرّ منك المستجيرُ

عادل حسن حمد



ذكر عدد الرسائل : 361
الموقع (المدينة) : المملكة العربية السعودية - جدة
تاريخ التسجيل : 30/10/2008

القدار
القدار: GHADAR

الرجوع الى أعلى الصفحة اذهب الى الأسفل

رد: الاغانى لأبو يسرا السودانى

مُساهمة من طرف صالح محمد خالد في الخميس 28 مايو - 19:16

التحية الندية للاخ الكريم الصادق وللاخ عادل للمرور والتعليق
ويا حليلك يا ود بادي الشاعر الفذ الاصيل
كل كلمة براها قصيدة وبالنفس كثير لتبوح به ولكني هنا في سوريا
سرقت لي لحظات للمنتدي سايقني الشوق
ولكم حبي الي ان نلتقي
قريبآ باذن الله
صالح

صالح محمد خالد



ذكر عدد الرسائل : 117
الموقع (المدينة) : khartoum
العمل/الترفيه : eng
تاريخ التسجيل : 09/04/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى