منتديات القدار
نرحب بك في منتديـــــــــــات القدارالغرة القدار المغرة
@@@@@@@@@@@@@@@@


تعـــالو مـحـــل مـا الـمـحـنـة أيــــادي تقــطـر ســــــلام
سـمـاحـــة الـحـيـاة فــــوق أهـلـنا القدار يقــرقـر وئــام
تـدخـلــــوا وتقعـــــــــــدو في ســــــــــــــــــــــلام
بـســاط أحـمـدي كــم يـشـيلـنـا قـدارنا تـمــــام التمـــام
نتشــرف بتسجـيـــلك في منتــدي القــدار

واحد مشوكش جنس شاكوش

استعرض الموضوع السابق استعرض الموضوع التالي اذهب الى الأسفل

واحد مشوكش جنس شاكوش

مُساهمة من طرف محمد عبدالله ابوزيد؟ في الأحد 3 مايو - 16:24



[

لو قلت عنك بأنت قبيحة فقد كذبت أيتها الجميلة، لكنك وللأسف الشديد إنسانة انتهازية
باعتني لأول مشتري وبأبخس الأثمان.. هذا قدري وأنا أؤمن بالأقدار، ولولاها لما أحببتك،
فكما يقولون (الحب أعمى) وهذا ما حدث لي بالفعل، ولو كنت أملك أمر نفسي لما أحببتك
ولأحببت صديقتك هالة فهي تفوقك في كل شيء، في الخلقة والأخلاق، لكنني ماذا أفعل مع حظي
العاثر الذي رماني في امرأةٍ لا يوجد في قاموسها شيءٌ اسمه المشاعر والأحاسيس النبيلة
.....
لكنكم لو تعرفون باعتني لمن لازداد كرهكم لها؟
باعتني لمغترب يكبرها بعشرين سنة يقال بأنه طيار.. ويعني شنو طيار؟ ما سواق طيارة زيو
وزي بقية السواقين الماليين البلد، لو كان بسوق طيارتو لمطار هيثرو أو غيرو يعني يفرق
شنو من السواقين البسافروا بورتسودان والأبيض ودنقلا؟ علي الأقل ديل بسافروا لمدن سودانية
نحبها ونحب ناسها.. وتانياً هو مغترب وين يعني؟ مغترب في فنزويلا ولا تركيا ولا كوبا ؟
يعني شنو عريسك أب كرشة ده لو ساقك الخليج وعشت في الخير والنعيم؟ هل ممكن يحبك أكتر منّي؟ ما أظن.. عريسك أب صلعة الأشتر ده ما قادر يرقص معاك كويس، الموسيقى كانت في جيهة ورقيصو كان
في جيهة، عليك الله ده حاتتفاهمي وتتناغمي معاهو كيف؟ زول ما قادر يتناغم مع الأغنية معقول يتناغم
مع إنسانة شافها في بيت الجيران؟ عريسك ده قايلاهو لو طوّل خلاص، بعيش ليهو أكتر من خمسة أو ستة
سنوات؟
والله أنا خجلت من الفنان الجابو ليك في حفلتك.. فنان أشتر وما بعرف يغني، الحفلة كلها كانت عبارة
عن أغاني هابطة.. أغاني كلها أغاني جبجبة.. وأنا ما أظلم الفنان ربما يكون متضامن معاي وكان عاوز
يقول الليلة دي ما ليلة السقوط الأخلاقي وسقوط العهود والمواثيق بس، بل هي ليلة سقوط الفن السوداني
الأصيل.. وأنا في الأول نويت أخرب الحفلة لكين من لقيت فيها الفنان الأشتر ده قلت مافي داعي، الحفلة
براها خربانة وأحسن الناس تتفرج على ذوق العريس التعبان. عليك الله لو كان عندو ذرة من الذوق، كان
ممكن يرقص ويبشر ويسكسك سكسكتو الشتراء دي؟
وأمك البلباصة البتحب القروش كانت تزغرد كل دقيقتين ومستلمة الحفلة التقول حفلة عرسها، نست كل
القروش الأكلتني مني، القروش الكسبتهن بتعبي وعرق جبيني.. نست كان كل يومين تلاتة ترسل لي أخوك
الصغيّر القاعد يجي الطيش في المدرسة.. يجيني في كل مرة: قالت ليك أمي عاوزة ليها خمسين ألف
..
قالت ليك أمي عاوزة لي مية ألف.. نست كل شيء.. نست الفواكه والسمك واللحمة والكوارع والباسطة
وعصير التانك الكنت بجيبها ليهم كل يومين تلاتة
..
الناس قالوا أيمن ود عابدين حايبكي ويتأثر، لكين لما شافوني في الحفلة عرفوا إنو عابدين ولد ليهو
سبع.. لا بهموا شاكوش ولا بهموا ضياع القروش.. هيييع أنا أخوك يا رشا
..
ونحن ناس أهلنا ربونا علي القناعة والصبر عند المصائب.. بس عندي كلمة للعريس إن شاء الله لما ترجع
الخليج تلقى روحك فنشوك بسبب الأزمة المالية العالمية.. يا سواق الطيارة يا متفلفس يا أبو نظارات
..
وإنت يا العروس.. أنا ما بحقد عليك، لكين بتمنى من الله، أصلو ما تضوقي سعادة مع عريسك أب كرشة ده
..
وفي النهاية بقول ليك إن شاء الله لما تكونوا مسافرين الخليج ما تلقوا حجز إلا في سودانير.. عشان
تلحقوا أمات طه
..
الله أكبر عليكم.. يا أعداء الحب..
منقول


عدل سابقا من قبل محمد عبدالله ابوزيد؟ في الخميس 17 ديسمبر - 17:53 عدل 3 مرات

محمد عبدالله ابوزيد؟



ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

رد: واحد مشوكش جنس شاكوش

مُساهمة من طرف الصادق ابو حسن في الخميس 17 ديسمبر - 16:31

والله بالغت في دي

الصادق ابو حسن



ذكر عدد الرسائل : 73
الموقع (المدينة) : www.alghadar.yoo7.com
العمل/الترفيه : التواصل
تاريخ التسجيل : 04/04/2009

الرجوع الى أعلى الصفحة اذهب الى الأسفل

رد: واحد مشوكش جنس شاكوش

مُساهمة من طرف ساتي ابراهيم في الخميس 17 ديسمبر - 22:44

دا شاكوش جامد

_________________
[url]http://dc01.arabsh.com/i/01318/98n6va7lk6qm.swf.

ساتي ابراهيم



ذكر عدد الرسائل : 246
الموقع (المدينة) : السودان - الخرطوم
العمل/الترفيه : مهندس معماري _محاسب
تاريخ التسجيل : 09/02/2009

الرجوع الى أعلى الصفحة اذهب الى الأسفل

رد: واحد مشوكش جنس شاكوش

مُساهمة من طرف ياسر محمد علي في الجمعة 18 ديسمبر - 20:16

ه
انا قلت الزول يادوووب خاطب متين لحق يتشوكش
وسعدت جداً لم لقيت منقول يتزيل آخر المساهمه
تقبل مروري

_________________

ياسر محمد علي



ذكر عدد الرسائل : 890
الموقع (المدينة) : القدار
تاريخ التسجيل : 14/12/2008

القدار
القدار: 2

http://www.tagged.com/ yasirsaleh

الرجوع الى أعلى الصفحة اذهب الى الأسفل

رد: واحد مشوكش جنس شاكوش

مُساهمة من طرف فتحى عثمان عتيق في السبت 19 ديسمبر - 13:19

لك تحياتى وتقبل مرورى

فتحى عثمان عتيق



ذكر عدد الرسائل : 261
الموقع (المدينة) : قطر
تاريخ التسجيل : 05/01/2009

الرجوع الى أعلى الصفحة اذهب الى الأسفل

رد: واحد مشوكش جنس شاكوش

مُساهمة من طرف خال فاطنة في الإثنين 21 ديسمبر - 18:31

الشاكوش ده جديد لنج يعني تاثير الازمة الماليةلحقو ولو حصل الفنش بفش غبينة المشوكش ده شوية وبعدين ياعريس الحق وكلام اخونا ياسر وتعليقه انو منقول حقيقة لكن برضو تجربةللناس الماملكو (بلغة الخليج) الما عقدوبلغتنا الجميلة

خال فاطنة



ذكر عدد الرسائل : 111
الموقع (المدينة) : الدوحة -قطر
العمل/الترفيه : موظف
تاريخ التسجيل : 04/08/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى