منتديات القدار
نرحب بك في منتديـــــــــــات القدارالغرة القدار المغرة
@@@@@@@@@@@@@@@@


تعـــالو مـحـــل مـا الـمـحـنـة أيــــادي تقــطـر ســــــلام
سـمـاحـــة الـحـيـاة فــــوق أهـلـنا القدار يقــرقـر وئــام
تـدخـلــــوا وتقعـــــــــــدو في ســــــــــــــــــــــلام
بـســاط أحـمـدي كــم يـشـيلـنـا قـدارنا تـمــــام التمـــام
نتشــرف بتسجـيـــلك في منتــدي القــدار

رد قصيدة عافي‎ ‎منك

استعرض الموضوع السابق استعرض الموضوع التالي اذهب الى الأسفل

رد قصيدة عافي‎ ‎منك

مُساهمة من طرف احمد عبد الحليم في الأربعاء 15 أبريل - 20:11

الشاعر:
محمد الرفيع محمد احمد شريف

عافي منك
عافي منّك وراضي عنّك سو رضايا
بسو رضاك أنا يمة صادق في النوايا
يمة من شبيت صغير كان خطاي تتبع خطاك
وأصلي ما فكّرت مرة إنى وحدي أعيش سواك
إنت يا مصدر شجوني وأنت يا أطهر ملاك
جناك ما الراضع حنانك كيف بيتعمد جفاك
جناك سافر من صغّير دار يقيف يمسح عناك
في بعادي أنا يمة عنّك راجي ترسلي لي رضاك
عافي منك
السفر ما بيدي يمة ولا هو يوم كان لي غايا
القعاد جمبك ومعاك أحلى عشقي وكل هوايا
كيف أفارق ليك يمة إنت ما أملي ومنايا
من غير أفصًل يمة وأشرح كل تفاصيل الروايا
لمّن إتعمدت أخالفك وأرفض آباها القرايا
كل داك عشان أسـافر وأسعدك أنا في دنايا
عافي منك
العرس ما كان طموحي وما هدف كان في إبتعادي
النظرة لي تعبك ورانا هاجس أقلق لي رقادي
وإنت تكدحي من صباحك ونحن رافعين الأيادي
والزمن أجرم علينا وكل يوم زايد تمادي
كتمت ألمي عصرت همي قلّ نومي وطال سهادي
عشان ظروفنا القاسـية ديك أنا امتطيت أمهر جوادي
عافي منك
يمة عشان بس تسعدينا شفت في دنياك عجايب
عشت زمناً قاسي دربو كان محيط وعليك مكالب
كم زرعت وكم شتلت دفعت عافيتك ضرايب
بشهد عليك أنا من صغير إبتدائي ودوبي طالب
كنت مجروح في حشاياً كنت صامت ودوري سالب
ليه ما اناضل وليه ما أجاسـف وكيف بيرتاح المحارب
عافي منك
يمة ما بنساك لحظة وقلبي في سماك بيحلّق
ودائماً أطراك وإنت جايا من وفي هجير شمساً تحرّق
شايلة منجل ونازلة جرفك وطينو مرات ليك يزلّق
وكلما ما أشوف سهرك علينا والتعب ليك كان يأرق
آهة بكتمة جوّة قلبي وحينا مابقدرأعلًق
كيف ماأسافر يمة عشانك كان أغرًب ولا أشرّق
عافي منك
يمة يوم فكّرت أطلع كان قسم أفديك شبابي
والسنين مهما تعدّي ما بتنّقص من حسابي
عمري كلو نذرتو ليك يعني إيه لو طال غيابي
إنت ما ست الحبايب إنت ما قلمي وكتابي
يمة أرجوك يوم تشوفي الهلال في جباه صحابي
لا تهزّك ريح عواطف وإنت عارفـة أكيد جوابي
عافي منك
أسأل الله يطول لي عمرك وتبقي خفافة تقيلنا
وتبقي عكازنا
البقودنا وتبقي ضواية طريقنا
منو البلاك بكون ملاذنا منو البلاك بكون دليلنا
إنت تاريخك هو حافل بالنضال حدد مصيرنا
ولا تقولي وليدي سافر وتاني ما بيرجع يجينا
بكرة راجع ليك وليدك يضوي ليك شموع وزينا


عدل سابقا من قبل احمد عبد الحليم في الأربعاء 15 أبريل - 21:54 عدل 1 مرات

احمد عبد الحليم



عدد الرسائل : 409
تاريخ التسجيل : 19/11/2008

الرجوع الى أعلى الصفحة اذهب الى الأسفل

رد: رد قصيدة عافي‎ ‎منك

مُساهمة من طرف أسامه النور محمد شوقي في الأربعاء 15 أبريل - 20:23

أخونا أحمد عبد الحليم
السلام عليكم ورحمة الله وبركاته
بارك الله فيك علي هذه الأبيات التي هذت في مشاعرنا الكثير الكثير بالرقم من أني إسمعها في التفلزيون لكني عندما قرأتها أعجبت بها وبكلماتها المعبرة ،، شكر الله لك وجعلك من البارين ،، إنشاء الله

أسامه النور محمد شوقي



ذكر عدد الرسائل : 3
الموقع (المدينة) : الخرطوم أبو آدم
العمل/الترفيه : موظف
تاريخ التسجيل : 13/04/2009

الرجوع الى أعلى الصفحة اذهب الى الأسفل

رد: رد قصيدة عافي‎ ‎منك

مُساهمة من طرف شنان عبد الرحمن في الأربعاء 15 أبريل - 21:45

شكراً احمد على هذه القصيدة الرائعة والجميلة
وطبعاً واضح انها رد للقصيدة بتاعت علاء الدين ابو سير
عافي منك وراضي عنك سو رضاي
وما بخيب الرضّى والدتو يا جناي
والتي غنى بها الفنان الكبير عبد الرحيم أرقي
الف شكر
ودمت ،،،

شنان عبد الرحمن



ذكر عدد الرسائل : 626
الموقع (المدينة) : السعودية / الريلض
تاريخ التسجيل : 02/02/2009

الرجوع الى أعلى الصفحة اذهب الى الأسفل

رد قصيدة عافي منك

مُساهمة من طرف الصادق ابو حسن في الخميس 16 أبريل - 0:10

أسأل الله يطول لي عمرك وتبقي خفافة تقيلنا
وتبقي عكازنا البقودنا وتبقي ضواية طريقنا
منو البلاك بكون ملاذنا منو البلاك بكون دليلنا
إنت تاريخك هو حافل بالنضال حدد مصيرنا
ولا تقولي وليدي سافر وتاني ما بيرجع يجينا
بكرة راجع ليك وليدك يضوي ليك شموع وزينا

الله يطول اعمار امهات المسلمين
والله يطول عمرك اخي احمد

الصادق ابو حسن



ذكر عدد الرسائل : 73
الموقع (المدينة) : www.alghadar.yoo7.com
العمل/الترفيه : التواصل
تاريخ التسجيل : 04/04/2009

الرجوع الى أعلى الصفحة اذهب الى الأسفل

رد: رد قصيدة عافي‎ ‎منك

مُساهمة من طرف حسن موسى في الخميس 16 أبريل - 3:53

يمة طال بينا البعــــــــــــــــــــاد

السفــر مدد خطــــــــــــــــــــــانا
وشقينا فــى غربة وبعـــــــــــــاد
يمــة طــال بينـا السفـــــــــــــــر
وعيونا شبعــت فى السهـــــــــاد
يمـــة طــال بينا البعــــــــــــــاد
نكتــب الاشواق ونحســـــــــــب
للرجــــوع قبل الميعــــــــــــــاد
ولــو تجــف اقلاامنا نكتـــــــــب
ويبقـــى دمــع العيــن مــــــــــداد
يمــــة طـــال بينا البعــــــــــــاد

ربنا يطول لى عمرك ياامى،،،،،،،،،،،


شكــــــرآ ابو احميد ربنا يطولك عمرهم00000

حسن موسى



ذكر عدد الرسائل : 405
الموقع (المدينة) : السعودية
تاريخ التسجيل : 12/02/2009

القدار
القدار: 2

الرجوع الى أعلى الصفحة اذهب الى الأسفل

رد: رد قصيدة عافي‎ ‎منك

مُساهمة من طرف مناهل في الخميس 16 أبريل - 13:45

أخي أحمد هذه أول مره أعلم بأن هنالك رد لقصيدة عافي منك ، فعلاً هذه القصيده تحمل معاني جميله جداً ، ولا يسعني إلا أن ادعو لوالدتك بطول العمر ولجميع أمهات القدار الحبيبه بالصحه والعمر المديد

مناهل



انثى عدد الرسائل : 50
الموقع (المدينة) : امدرمان
العمل/الترفيه : موظفة
تاريخ التسجيل : 12/04/2009

القدار
القدار: 2

الرجوع الى أعلى الصفحة اذهب الى الأسفل

رد: رد قصيدة عافي‎ ‎منك

مُساهمة من طرف معاذ محمد الحاج زبير في الأربعاء 31 مارس - 19:17

يا لك من رائع يا أحمد عبد الحليم...
ويا له من إختار رائع...
ويالروعة الكاتب محمد الرفيع محمد احمد شريف...
مشكوووووووور كتير.....
وأنت يا حسن موسى...
لقد قطعت قلبي والله بهذه الكلمات الرقيقه... فشكراً لك أيضاً..

معاذ محمد الحاج زبير



ذكر عدد الرسائل : 197
الموقع (المدينة) : الخرطوم
العمل/الترفيه : طالب
تاريخ التسجيل : 29/06/2009

الرجوع الى أعلى الصفحة اذهب الى الأسفل

رد: رد قصيدة عافي‎ ‎منك

مُساهمة من طرف رضوان جودة في الأربعاء 31 مارس - 23:39

الرائع احمد يسلمو الايادى على الكلمات الجميلة
دمت بخير وعافية

رضوان جودة



ذكر عدد الرسائل : 189
الموقع (المدينة) : بيروت
العمل/الترفيه : موظف
تاريخ التسجيل : 26/12/2009

الرجوع الى أعلى الصفحة اذهب الى الأسفل

رد

مُساهمة من طرف محمد فاننتود في الأربعاء 7 أبريل - 1:43

يا الله يا الله ’’’’’’’والله يا احمد عبدالحليم الروعه انت مكملا قصيده بالجد معبره ولمن تقرأ كلماتها تعيش مع كل حرف فيها..وربنا يطول عمر امهاتنا ويديهم الصحه والعافيه..

محمد فاننتود



ذكر عدد الرسائل : 39
الموقع (المدينة) : الخرطوم
العمل/الترفيه : طالب
تاريخ التسجيل : 23/03/2009

الرجوع الى أعلى الصفحة اذهب الى الأسفل

رد: رد قصيدة عافي‎ ‎منك

مُساهمة من طرف خالد النور محمد شوقى في الأربعاء 7 أبريل - 22:12

ربنا يديك الصحة والعافية

خالد النور محمد شوقى



ذكر عدد الرسائل : 57
الموقع (المدينة) : جبرة جنوب مربع15
العمل/الترفيه : مهندس
تاريخ التسجيل : 23/06/2009

الرجوع الى أعلى الصفحة اذهب الى الأسفل

رد: رد قصيدة عافي‎ ‎منك

مُساهمة من طرف ياسمين في الخميس 8 أبريل - 4:39

خالو قصيدة رائعة جدا اول مرة اسمعها امى بكت كتير لما قراتها ربنا يدى الصحة لطنط فاطمة وجدو يارب وترجع ليهم بالف سلامة

ياسمين



انثى عدد الرسائل : 10
الموقع (المدينة) : مصر المنصورة
العمل/الترفيه : طالبة فى كلية تربية ريا ضية
تاريخ التسجيل : 23/04/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى