منتديات القدار
نرحب بك في منتديـــــــــــات القدارالغرة القدار المغرة
@@@@@@@@@@@@@@@@


تعـــالو مـحـــل مـا الـمـحـنـة أيــــادي تقــطـر ســــــلام
سـمـاحـــة الـحـيـاة فــــوق أهـلـنا القدار يقــرقـر وئــام
تـدخـلــــوا وتقعـــــــــــدو في ســــــــــــــــــــــلام
بـســاط أحـمـدي كــم يـشـيلـنـا قـدارنا تـمــــام التمـــام
نتشــرف بتسجـيـــلك في منتــدي القــدار

منادي القلب

استعرض الموضوع السابق استعرض الموضوع التالي اذهب الى الأسفل

منادي القلب

مُساهمة من طرف احمد عبد الحليم في الأربعاء 4 مارس - 2:32

بابكر البشير خليفة ..
منادي القلب
نادي منادي القلب الواجف * ولبى البشر الصوت الخاطف
جينا البلد الطاهر عمره * وسال الدمع السابل وزارف
ركعنا.. سجدنا.. طفنا.سعينا * جلسنا دعينا تلينا مصاحف
زرنا الهمزه وسبعة مساجد * وزرنا بقيع الجيل السالف
بقيت بالحب النبوي متيم * مليت بالشعر الصوفي صحائف
قلت أزورك أعانق نورك * ونبض القلب الشوق الجارف
نويت أسقيك إحساس بالنيل * وغنوة ريد بصوت الكاشف
سألت عليك مليون متغرب * سألت عليك أحزاب وطوائف
طلبت العقل الآلي السنتر * لعله يحدد نمرة هاتف
كان الرد السلبي مسطر * قال العقل البنضم آسف
خلاص الأمل الشايلو اتبعثر * ورفض الحظ القاسي يحالف
ولما العقل احتار واتحير * قلت أسافر ليك وأجازف
أركب عربه ظريفه خفيفه * أأجر هنتر وطبعاً عارف
لو تترحل خالي إقامة * تكون في حساب الشرطي مخالف
مهما تحاول تختا الكشه * ليك العسكر لازم يصادف
يقول لك وخّر وري هويتك * جنب عندك وخليك واقف
رجعنا بلدنا وما تلاقينا * وماتهنينا بالونسات الفيها طرائف
ليك وصية تتم بالنية * من القلب الكلو عواطف
تعال اتهنى وكمّل دينك * شقى في الغربة الزول العازف
ألف تحية لكل مهاجر * صان العشرة معاك في الطائف
حي جمال الطقس الساحر * وكل ثمار الشجر الوارف
وأقبل من سودانا تحية * إنت ضميرو وجرحو النازف

احمد عبد الحليم



عدد الرسائل : 409
تاريخ التسجيل : 19/11/2008

الرجوع الى أعلى الصفحة اذهب الى الأسفل

رد: منادي القلب

مُساهمة من طرف محمد علي سكوري في الجمعة 6 مارس - 6:39

شكراً الأخ أحمد على القصيدة الرائعة ولك خالص التحايا

محمد علي سكوري



ذكر عدد الرسائل : 262
الموقع (المدينة) : المملكة العربية السعودية -الرياض
العمل/الترفيه : طالب
تاريخ التسجيل : 19/11/2008

القدار
القدار:

http://fox2010.mam9.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى