منتديات القدار
نرحب بك في منتديـــــــــــات القدارالغرة القدار المغرة
@@@@@@@@@@@@@@@@


تعـــالو مـحـــل مـا الـمـحـنـة أيــــادي تقــطـر ســــــلام
سـمـاحـــة الـحـيـاة فــــوق أهـلـنا القدار يقــرقـر وئــام
تـدخـلــــوا وتقعـــــــــــدو في ســــــــــــــــــــــلام
بـســاط أحـمـدي كــم يـشـيلـنـا قـدارنا تـمــــام التمـــام
نتشــرف بتسجـيـــلك في منتــدي القــدار

قصصصصه

استعرض الموضوع السابق استعرض الموضوع التالي اذهب الى الأسفل

قصصصصه

مُساهمة من طرف ود يسن في الأربعاء 12 مايو - 2:42

back
شتاء يوم الخميس الساعه 8 الصبح .. الجو بارد .. غائـم .. ممطر
ميري : نوف نوف قومي نوف يله قووومي
نوف : اممممم .. ( فزت ) نعمممم ؟؟ الساعه 8 طافت .. ياويييلي ( ركضت الحمام و غسلت وجها و توضت و صلت الصبح .. لبست سكني .. و بدي ابيض فوقه تيشيرت فلو ليم الركبه .. و قلاده طويله لولو ..وساعه .. وقلووس وردي صباحي .. و كحل خفيف و ماسكرا .. تعطرت بعطرها المفضل بيور وايت للن .. ونزلت تحت )
نوف : صباااح النوور و السرور على احلى ام بهالدنيا
ام راشد : صبااح الخيير و النويير على احلى بنت بهالدنيا
نوف : شلونج يا قلبي ؟؟ شخبارج ؟؟
ام راشد : والله بخير جعلج بخير .. وانتي شخبارج يا نظر عيني ؟؟
نوف : عسااه دوووم .. والله طيبه
ام راشد : يله يمه سمي .. عاد هالريوق من ايدي
نوف : يم يم .. عاد طباخ امي لا يعلى عليه .. لالالا ما اقدر يا ام راشد على هالفناتك .. تبيني اخرب رجيمي ؟؟
ام راشد : ويه يا يمه خليج من هالكلام الي مايودي ولا يجيب .. وجسمج ماشاالله يهبل ما يحتاج رجيم .. يله يمه اكلي
نوف : انشـا ( ما كملت الا بصرخة " بوووووووووووووووووووو " )
نوف انقزت من الكرسي : وااااااااااااااااااي يمممممممممممممه شنو هاذا ؟؟ يمممممماااااااااااااه
( طاحت وتقلبت اهيا و الكرسي )
خالد : هه لالالا شكلج تحفه هه آه يا بطني ه
نوف معصبه : لا والله ؟؟ اوريييك يا خويلد اشوف فيك يوم يا حمااار
خالد : هه هدي هدي ه يبه ما سويت شي
ام راشد : واااي يا يمه ما تيووز عن سوالفك انت ؟؟ شفت البنت قلبها بغى يطيح .. اسمالله عليج يمه قومي
نوف : آآآآه يا ظهر تكسر و السبه خبال خويلد
خالد : خلاص خلاص يبه تووبه كليتوني بقشرووي .. واااااو شي شي .. اليوم امي الحبيبه داخله المطبخ و مسويه الريووق ماصدق !! يمكن انا بحلم .. امي امي امي يا نبع الحنان .. في حظنك اشعر بالامان .. فأنتي التي ربتيني حتى طلعت لي الاسنان .. امي امي امي
ام راشد : ه استغفر الله ياربي هالولد ما ييوز عن خباله .. كل يمه كل وانت ساكت
خالد : افا يا يمه ما هقيتها منج عالعموم باكل و انطم
نوف : يكون احسن بواااجد
======================================
الجانب الثاني بنفس الوقت
راشد قعد من النوم .. غسل وجها .. اخذ شور طلع والفوطه على خصره
راشد : منوره , منااير , منوووور يله قومي
منيره : همممممم زين الحين الحين ( قامت تربعت عالسرير )
راشد : صبااح الحب والوله يا احلى زوجه بهالدنيا
منيره استحت : صبااح النور
راشد : يبوووووي تبين تودينا بستين الف داهيه
منيره راحت غسلت وجهها .. و توضت و صلت الصبح .. لبست قميص حريري صباحي .. قصير .. لونه اورنج مع بيج مناسب للون بشرتها البيضه .. لمت شعرها الحرير و نزلت منه خصل .. وحظت قلووس اورنج فاتح و كحل خفيف .. كان شكلها طاالع كيووت
منيره راحت الصاله الي فيها راشد
منيره : رشودي حبيبي الريووق زاهب
راشد : فديتج دقايق و جاي
منيره : اوكي انطرك
راحت منيره للمطبخ و بعدها راشد بدقايق دش
راشد : ها منورتي اليوم شطابخه ؟؟
منيره : هه يسلمو .. اممم بيض و جبن و لبنه و زعتر و قيمر و عسل و خبز و مع جاي
راشد : فديتج و يلوموني بغلاتج .. يا اغلى الناس
منيره استحت : امممم اكل وانت ساكت
راشد : فدييت الي يستحون والله
منيره : راااااشد بس عاااد خلالالاص !!
راشد : هه ليش تستحين ؟؟
منيره : وااااي عاد هذا الي بخليني الحين اقوم !
راشد : لا حبي خلاص سوري
منيره : اي بعد عبالي !!
واكلو وراحو الصالة يسولفون
راشد : الا يااني مشتاااااااق
منيره ما فهمت قصده : تشتاق لك العافيه
راشد : مشتاق للغرفه !!
منيره استحت : رااشد بس عاد خلالاص شفيك من الصبح ؟؟
راشد : روحي زهبي لي ملابسي بروح الشغل
منيره راحت تزهب الملابس .. دش راشد
راشد بخبث : ها زهبيتهم عدل ؟؟
منيره : لالالا رااااشد
بس راشد ما عطاها فرصه و سكر الباب ............ *_^
=========================
الجانب الثاني البيت " بيت ام راشد "
نوف : الحمدلله يستاهل الحمدوالشكر
خالد : الحمدلله
نوف : يله يمه انا ماشيه تامرين على شي ؟
ام راشد : لا يا قلبي ابي سلامتج
نوف : خويلد متى تروح الدوام ؟
خالد : امممم اليوم ماخذ اجازه يومين عرس رفيجي
نوف : اها اوكيك مع السلامه
ام راشد : بحفظ الرحمن و رعايته
خالد : مع السلامه
ركبت نوف السياره مشت وصلت ليم الاشارة
نوف تلبس نظارتها وتعدل ملفعها من المنظره
الا و دوووووووووووم سياره دعمت سيارة نوف
نوف نزلت بسرعه تشوف شصار بسيارتها وشماصار
ولا واحد متكشخ لابس قميص اسود ومجفسه ثلت ارباع
ولابس نظاره ديوور وجينز قامج وجوتي سبورت حلو
وريحة عطره الرجاليه تعم هالمكان وشعره الكثيره يحركه الهوا
..: آسف اختي ما شفت !
نوف تصرخ : لا والله آسف بارده مبرده ؟؟!! الحين سيارتي تخترب وانت آسف ؟؟!! ( تنزل النظاره ) يامال شاقول ؟؟ ماتشوف عمي انت عمي ؟؟ مجنووون ؟؟ يعل الجنون الي يصيبك قول آمين .. ثاني مره شوف ياماما و بطل مخك عدل يا مفتح بالله الحين قول شسوي شسوي ؟؟ اووووف منك قطيعه
..: ( يقول بنفسه اوووف كلتني بقشوري ) اوك اختي انا آسف و قوليلي انتي شسوي ؟؟ تبين تذبحيني ؟؟ ذبحيني وفي حل ثاني افضل بأنج تعطيني اسمج و رقمج و انا اعطيج اسمي و رقمي وانتي تتصرفين اوكي
نوف : يله وامري لله .. انا اسمي نوف الـ **** ... ورقمي تفضل الورقه ( الرقم ******* )
..: تشرفنا يا نوف و انا مشاري الـ **** ... ورقمي تفضلي الورقة ( الرقم ***** )
نوف : تشرفنا .. ومع السلامه .. ولنا كلام بعدين
مشاري : انا بأنتظارج .. ومع السلامه
ركبت نوف السيارة و حركت للجامعه .. وركب مشاري السيارة و حرك للجامعه
=========================
الجانب الثاني الجامعه " هند و نوف "
هند : صباااح الخيير
نوف : صباااح الزفت
هند : اوووف اوووف الحلو زعلان ؟؟ عسا ماشر ؟؟
نوف : اكيييد شر و الي يصبح بوجه هالخايس مشاري
هند : منو مشاري ؟؟
نوف : الله يسلمج ( وقالت لها كل السالفه مع مشاري )
هند : و علشان جذي حضرتج معصبه ؟؟
نوف : اجل ما تبيني اعصب شلوون؟؟ شي يبط الجبد
هند : صح صح كلامج يالغاليه بس خلاص لا تظيقين خلقج انزين الحين شبتسوين معاه ؟؟
نوف : بعطي رقمه اخوي و مع اسمه واهوا يتصرف
هند : اممممممم كيفج
نوف : عاد تصدقين ( وماكملت الا الي مثل الصاعقه شافت مشاري يمشي بين ممرات الجامعه ) امبييه هندوو شوفي هذا اهواااا هذاااا
هند : منوو ؟؟ شنوو ؟؟
نوف : هاذا مشاري
هند : امبيييييه من صجج هذا مشاري الـ ***** نعرفه معانا بالكلاس لمحت اسمه
نوف : ياويلي بعد معاي بالكلاس اكملت
هند : يله يله الحين الاستاذ يبي يجي
نوف : يله امشي
==================
خلص البارت الاول وانتظروني بالبارت الثاني

ود يسن



ذكر عدد الرسائل : 142
الموقع (المدينة) : الخرطوم
العمل/الترفيه : games
تاريخ التسجيل : 22/04/2010

الرجوع الى أعلى الصفحة اذهب الى الأسفل

رد: قصصصصه

مُساهمة من طرف ود يسن في الأربعاء 12 مايو - 2:43

الجانب الثاني الجامعه " هند ونوف و مشاري "
هند : امبييييه وين كلاسنا
نوف : شدراني آنا ؟؟
هند : نسأل منو انزين ؟؟
نوف : شدراني آنا ؟؟
هند : ما خذيتي معلومات عن الكلاس مني مناك
نوف : شدراني آنا ؟؟
هند : وااااي اووووف انتي ما عندج الا شدراني آنا
نوف : ه
هند : لحظه خنسأل هذا
سحبت هند ايد نوف و راحو للشاب
هند بدلع : لوسمحت وين الكلاس ؟؟
مشاري برجوله : شوي شوي لا يطيح نصج
نوف ما تقدر تتحمل ظحك :
مشاري يطالعها بعيون رومانسيه جنه يقول فديت الي يظحك انا
هند : انزين احنا ما ندري وينه ؟؟ ممكن تديلنا اياه
مشاري : انزين أجل ليش جايين الجامعه ؟؟؟
نوف : هاذا اول يوم لنا ما ندري عن شي
مشاري بصوت واطي : فديت الي مايدري والله ( بس نوف سمعته ) امممم اوكي امشو وراي
نوف استحت حييل : اوكي
هند بدلع : اوكيك يا ....
مشاري طالعها بنص عين : ركدي يبه ركدي الركاده زينه
نوف ماقدرت تتحمل : هه
هند تفشلت : انزين بس امش
مشاري : قاعد ارقص آنا ؟؟ شتشوفين ؟؟
هند : وبعدين ؟؟
مشاري : يعني الي يسمعج يقول انا الي تكلمت مو انتي يبه الثقل زييين
نوف : هه
هند طقتها بكوعها يعني سكتي
مشاري : لا ليش اطقينها ؟؟ متفشله .. دام انج متفشله أجل انطمي
هند وجها انقص
وصلو الكلاس
هند : ثانكس خيووو
مشاري : لا انشاالله مو اخوج وععع اختي جذيه اكسر راسها
نوف : ه مشكور
مشاري بصوت عذب : العفو ولو
راحو كلهم الكلاس .. اهما بكلاس واحد
والاماكن عموديا : دلال - هند - نوف - مشاري - فهد - احمد
كلهم قاعدين يم بعض و الاستاذ بدى يشرح وكل واحد ساهي بتفكيره
هند : اللــــه فديته مشاري والله يهبل عذااااب شحلاته مزيوون ياحظ الي بتاخذه .. ه قصدي يا حظي انا .. غصبن عليه ياخذني .. بس شكله يحب نوف .. لالالالالا يخسي يحبني انا وبس .. ونوف هاذي تظحك يعني تبي تشد انتباه .. انا اورييها الـ***** .. بس يكون في علمها اهوا حقي انا وبس
نوف : ليش جذي مشاري يطالعني ؟؟ يحبني ؟؟ وااااي اشهالتخريف اشفيني انا انجنيت ؟؟ تصادفنا بس بحادث وفجأه حبني ؟؟ الظاهر من كثر ما اقرى روايات ؟؟ الا صج على طاري الحادث ؟؟ اسامحه ؟؟ لالا خلاص انا بسامحه وبشاور هند ؟ الا على طاري هند ؟؟ ليش تطالعني جذي بحقد ؟؟ شسويت لها ؟؟ ياااي عاد هي اعز رفيجاتي رفيجتي من المتوسطه لين الحين وكاتمة اسراري فديتها .. والله ما اقوى على زعلها يمكن شايفه شي علي .. لالا انا ما سويت شي .. بعدين هي ليش تطالع مشاري جذي ؟؟ وتتدلع عنده ؟؟ ( ابتسمت غصب عنها ) يحليله مشاري غشمرجي .. والله حلو .. غشمرجي .. ثقيل .. كامل والكامل الله .. بس لحظه شفيني انا افكر عنه ؟؟ .. وااااااي استغفر الله شفيني ؟؟
مشاري : امبييه انا خبري الشباب هم الي يخزون البنات مو البنات الي يخزون الشباب .. دنيا غريبه صراحه !! .. ماشاالله نوف .. عاقله ذكيه ثقيله غشمرجيه حلوه وجها طفولي يفتح النفس كامله والكامل الله .. ياحظ الي يبي يتزوجها .. بس لحظه لا هي حقي انا بس مو حق احد ثاني .. شفيني انا مسرع ما حبيتها ؟؟ بس شسوي يا ربي البنت دخلت قلبي بسرعه .. ( ابتسم غصب عليه ) .. هه فديتها والله لما ظحكت .. لحظه امبيه لا اشفيني انا ؟؟ شكلي انجنيت والله انجنيت .. استغفر الله .. بس رفيجتها كلش مو طالعه عليها .. رقله مغازلجيه خفيفه .. ياكرهي والله البنات هذيل وين اهلهم عنهم ؟؟ قطيييعه
احمد : شحلات البنت هاذي ام عيون عسليه فدييتها .. ( ابتسم بخبث ) عيني عليها من زمااان .. ماراح تكون بحظن اي احد غيري .. هه اوريج يا نوف ( تذكر الموقف لما كان بالسوق و قام يلحقها و مسك ايدها
نوف : اخوي وخر عني احسن
احمد : واذا ما وخرت
نوف : راح يجيلك هاذا .. وعطته كف
احمد : هين والله راح انتقم منج يا الـ **** )
==================================
ردت نوف البيت الظهر الساعه 12
نوف : السلام عليكم
ام راشد : هلا و عليكم السلام يمه
نوف : شلونج يمه ؟؟
ام راشد : بخير جعلج بخير
نوف : ها شمسويه لنا اليوم ام راشد
ام راشد : مجبوس لحم و باشميل ومشاوي و سلطات
نوف : يم يم ابدل و انزل
بدلت نوف و نزلت قامت تتغدى و تسولف مع امها
نوف : يله يمه تصبحين على خير دخت
ام راشد : وانتي من اهله يا يمه
راحت نوف صلت الظهر و نامت
==============================
اعتقد اني وفيت و كفيت بهالبارت ابي ردودكم Smile

ود يسن



ذكر عدد الرسائل : 142
الموقع (المدينة) : الخرطوم
العمل/الترفيه : games
تاريخ التسجيل : 22/04/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى