أنا ليهم بجر كلام

أنا ليهم بجر كلام دخلوها وصقيرها حام
************
سم أب درق البصقع جدري القيعه البفقع
والله صوتك مانع بردع الطيب في شطارتو مبدع
**********
سم أب درق الجدادى تكل الجدري البعادى
للخصيم ضربو بياذى موسى المر الحجازي
**********
قرقر ملى للوسادة برنو وشال لي مكاده
ديل جنيات الندادة سيدي الدار في السياده
**********
قرقر فوق للدرب وربط الهوى والشرق
كدي مابدولنا الضرب ديل جنياتنا ما بتنغلب
*********
والله عامر سوقك مبدر مجرجر توبك مسبل
الطيب للشر مبدر مو التكل المجدر
*********
أنا نميت جبتا قلبو فشلو القالوا قصو دربو
ديل رازوهو وشافوا ضربوا دق السنداله قلبو
*********
وعبدالدائم شقا سيرو من ولدوهو الشكره هيلو
الخصيم ما بكيلوا صوتوا بهجل قبيلو
**********
عبدالدائم معاه اخوانو طافو البلاء في مكانو
خصماه قنعوا قامو الصف الواقف قدامو هو مستعد للطامو
**************
أنا نميت جبت غناكم يا الزينين هوى براكم
البدوركم تراكم حلق الطير لي غداكم
الصف العامر رجاكم
اتباشروا لي بلاكم واركزو زينب وراكم
**********
جروا لي مره صوتكم وروني الليله صوتكم
اتباشرو الله فوقكم

قصيدة جميلة جدا عجبتني وحبيت انقلها ليكم وعلّها تنال أعجابكم .
مع خالص التحايا ،،،