منتديات القدار
نرحب بك في منتديـــــــــــات القدارالغرة القدار المغرة
@@@@@@@@@@@@@@@@


تعـــالو مـحـــل مـا الـمـحـنـة أيــــادي تقــطـر ســــــلام
سـمـاحـــة الـحـيـاة فــــوق أهـلـنا القدار يقــرقـر وئــام
تـدخـلــــوا وتقعـــــــــــدو في ســــــــــــــــــــــلام
بـســاط أحـمـدي كــم يـشـيلـنـا قـدارنا تـمــــام التمـــام
نتشــرف بتسجـيـــلك في منتــدي القــدار

قصة المفراكـــة وبس والله ماقاصد المغتربين ؟؟؟

استعرض الموضوع السابق استعرض الموضوع التالي اذهب الى الأسفل

قصة المفراكـــة وبس والله ماقاصد المغتربين ؟؟؟

مُساهمة من طرف محمد عبدالله ابوزيد؟ في الخميس 7 يناير - 20:49

لم يدر في خلد بت ود الزاكي ان تتعرض لهذا الموقف المحرج في هذا الصباح عند محل عبد الهادي الجزار امام نساء الحي.عندما سألت ود طلحة العائد حديثا من الخارج عن احوال نسيبها عاصم فبادرها ود طلعة :عاصم مفرااكه
بت ود الزاكي: سجم خشمي ...مفراكة شنو ياراجل...
ود طلحة:ايوه نحنا هناك مسمينو عاصم مفراكه ...هو احسن زوول بيعمل لينا ملحات المفراكه كان تقليه ولا مفروكة باميه..
وقاطعته خادم الله:سجمنا يايما هوي يابت ود الزاكي انتو الراجل ده شغال طباخ..
بت ود الزاكي:طباخ شنو ياخادم الله ياختي انتي ماعارفه قبال مايمشي السعوديه كان شغال شنو ..ماكان موظف في البنك قدر الضربه..
ود طلحه:هاهاها...والله ياحاجه كمان كان شفتي بيرمي جنس لقيمات..
بت ود الزاكي:اجي اجي..جنس محنك..ياود طلحه ماشفتها..
حمدت الله بت ود الزاكي عندما ناولا الجزار نص الكيلو اليومي وغادرت الجزاره سريعاوتلعن نفسعا لي سوال هذا الوهم المهبول ود طلحه الذي احرجها امام نساء الحي...
واشتغل الشمار في الجزاره ..اجي مفراكه:.. سجمنا يااختي.
سعاده:انتي ياخادم الله هي بت ود الزاكي ماعندها ولد مغترب العرس الككتوره منال بت ناس امحقين.
خادم الله:اكان شفتي قالو مماجو من المطار من المطار وطابقها من يدا وحايم بيا الفريق من بيت لي بيت..بلا خجله..هي المفراكه دي وراثه؟؟
يعني يابت ود الزاكي زعلانه مالك المفراكه دا ماعندكم عاديه..
التعريف:-
المفراكه هي اداة خشبية سودانية الصنع والملامح وتستعمل لطبخ الاصناف السودانية مثل التقليه(الشرموط)وام رقيقة البامية المفروكة وغيرها من الاصناف المحتاجه الى فركقبال ظهور الالات الحديثة من خلاطات وغيرها من ادوات الخلط الكهربائيه وتفضل معظم النساء استعمال المفراكه في طهي الاصناف اكثر من الخلاطات حيث ان عملية الفرك تتم رويدا رويدا بخلاف الخلاطه الكهربائيه التي تسحن الخليط في لحظات.... ويمتاز ملاح المفراكه بانه اطعم واشهى والذ::::::
واستعمال الخلاطه هو بيد الزوجه دايما لطهي الطعام وعندما ؟؟؟؟ يكبر الابناء تستعمل المفراكه:
(وهذا هو المقصود) كوسائل العقاب المتوفره بيد الزوجه.......وشيئا فشيئا قد تشهر الزوجه المفراكه:
في وجه زوجها كوسيلبة دفاع!!!!!!! عندما تمد يده أليها.... ويمكن اعتبار استعمال المفراكه كنوع ىمن انواع السادية والارهاب اذا كانت شخصية الزوج ضعيفه...
فاغتناء المفراكه في البيوت السودانيهشزززهو من اهم الضروريات.. ونجد معظم هدايا الاهل لابناتهم في بلاد الاغتراب اصناف محددة على رأسها المفراكه.. والمقاشيش .. والطلح والشاف.. وغيرها...
وعندما يقترن اسم الرجل بالمفراكه .. فهذا يعني انه يكثر الدخول للمطبخ مما يعني ان الزوجه هي صاحبة الامر والنهي .... ويتقبل ذلك بصدر رحب خوفاا من ؟؟؟؟!!!!!

محمد عبدالله ابوزيد؟



ذكر عدد الرسائل : 289
الموقع (المدينة) : الخرطوم
العمل/الترفيه : مهندس حاسوب
تاريخ التسجيل : 30/03/2009

الرجوع الى أعلى الصفحة اذهب الى الأسفل

رد: قصة المفراكـــة وبس والله ماقاصد المغتربين ؟؟؟

مُساهمة من طرف ياسر محمد علي في الخميس 7 يناير - 21:08



اخي محمد
انت مرشح كبير للمفراكه

_________________

ياسر محمد علي



ذكر عدد الرسائل : 890
الموقع (المدينة) : القدار
تاريخ التسجيل : 14/12/2008

القدار
القدار: 2

http://www.tagged.com/ yasirsaleh

الرجوع الى أعلى الصفحة اذهب الى الأسفل

رد: قصة المفراكـــة وبس والله ماقاصد المغتربين ؟؟؟

مُساهمة من طرف صالح جلال في الجمعة 8 يناير - 1:10

أخونا محمد الظاهر مفراكتك حتكون جوه سنطة الشيلة.
الرائعون هم الذين يصنعون الابداع.

صالح جلال



ذكر عدد الرسائل : 84
الموقع (المدينة) : هجلیج
العمل/الترفيه : مهندس
تاريخ التسجيل : 15/02/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى